2026香港「卸妝霜」推薦好用排行榜Top20

Luna好用推薦：韓國大熱嘅 banila co 零感肌瞬卸卸妝膏測評 一句總結： 卸妝力強、乳化快、洗完唔繃緊，係好多香港女仔回購再回購嘅卸妝入門首選。 優點👍 · 卸妝力超強：膏體一抹上臉就會融化變成油狀，防曬、粉底、眼線、唇膏全部可以好輕鬆乳化溶走，連一般防水化妝品都搞得掂。 · 乳化速度極快：沾水嘅瞬間就立刻乳化變白，好快就沖洗乾淨，唔會有殘留感。 · 洗完唔乾澀：洗完塊面係滑捋捋嘅感覺，唔會繃緊或者好油膩，保濕度做得唔錯。 · 經典嘅陣陣香味：佢個陣嘅清新香味好多人鍾意，卸妝過程令人覺得放鬆。 · 用法簡單：乾手乾臉攪掂，唔使化妝棉，方便快捷。 缺點👎 · 需要乳化過程：如果冇完全乳化就沖水，好容易生暗粒或者暗瘡，用法要留意。 · 可能會導致生油脂粒：有部分油性皮膚或者容易生暗瘡嘅朋友反映，如果過水唔夠徹底，有機會會生油脂粒。 · 不太適合眼唇：雖然卸到妝，但入眼會好「乸」眼，建議眼唇用返專用卸妝產品。 · 膠鏟設計：佢跟嘅膠鏟仔好容易唔見或者斷，收納要小心。 適合邊個用？ · 平日有化開妝 (就算係淡妝) 嘅女仔 · 鍾意快捷方便卸妝程序嘅人 · 乾性、中性皮膚 邊個要諗清楚

Emily Leung好用推薦：Eve Lom 卸妝膏測評：真係「卸妝膏界愛馬仕」？ 今日同大家分享吓呢支貴婦級嘅 Eve Lom 卸妝膏，究竟係咪真係咁神？ 一打開個罐，佢係淡黃色嘅膏體，裡面有啲細細粒嘅顆粒。聞落有陣草本精油味，唔係嗰種人工香味，幾舒服嘅！不過如果你唔鍾意藥油味，可能要用慣先接受到。 跟足官方教嗰套「儀式感」用法先最正！挖一啲膏（唔使太多），係乾手乾臉度搓溶佢，然後按摩全臉。佢會慢慢變油狀，連埋個瑪姿林棉布用溫水敷臉，重複幾次（真係好似做Spa咁！）。敷完個刻，個臉滑到唔信，毛孔好似識呼吸咁！ 堅勁！我試過用防水眼線、唇釉，佢都輕鬆溶到，零殘留。而且用完唔會乾繃繃，反而有層保濕感，唔即刻搽護膚品都頂到一陣。 缺點： 1. 價錢貴：真係唔平，買個陣個心滴緊血⋯⋯ 2. 步驟多：如果趕時間返工/卸妝，真係冇心機跟足步驟。 3. 布要洗：跟嚟塊棉布雖然好用，但懶人可能會覺得麻煩。 總結： 如果你係「護膚儀式感」愛好者，又budget鬆動，呢支真係值得投資！尤其係皮膚敏感、易生閉口粉刺嘅人，用完會覺得成塊臉乾淨晒。

Chee Fu好用推薦：第一次買這個牌子卸妝膏 有得現場試上手 畫左d化妝品係手 再用這牌子卸妝膏 再過水 好快已卸到 閃粉眼影 都係卸一次 已經無哂閃粉 卸完皮膚好清爽 唔會掹掹緊 值得買

pillowjai好用推薦：去日本旅行見到呢款D.U.O卸妝膏好出名，就買咗細妝試用下，佢嘅好用程度驚艷咗我！！呢個卸妝膏係我用過嘅卸妝膏入面卸得最乾淨，眼線筆睫毛膏全部都卸得一乾二淨✨佢用完之後唔洗再洗臉，試過卸完用棉片抹係真係一啲殘餘化妝品都無 大癲🙀佢嘅滋潤度都唔錯，洗完臉刺邊臉頰位都冇覺得乾/ 緊繃，keep住用佢卸妝感覺皮膚都有變好，推薦大家都要試用！ 清潔度：⭐️⭐️⭐️⭐️⭐️ 保濕度：⭐️⭐️⭐️

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

Ceccinmydin好用推薦：呢款卸妝膏可以好輕易地卸走全面嘅彩妝，實測眼妝，防水眼線，唇膏唇泥等都卸到，方便快捷。👍🏻 黑色嘅膏體，有少少清香，含油份比較高，唔使用力就可以捽開，按摩眼部都唔會刺眼，加少少水就好易乳化，乳化時係灰色嘅，都好容易沖洗走。洗完幾保濕，唔會令塊面好乾。 鍾意佢喺個蓋度附有匙羹仔，用嘅時候就唔使用手挖出來，平時就卡實喺個蓋度，乾淨衛生。 但聲稱黑色膏體有加強清潔，去黑頭效果，用咗咁耐就未有感受到，同普通卸妝膏冇咩分別，但喺卸妝嘅功能上係令人滿意嘅。

Fng好用推薦：CLAYGE 卸妝泥｜混合偏乾肌嘅清爽卸妝新體驗 💫 ✨膚感與效果 淡灰色乳液質地，推開瞬間化水！雙重乳化超快速，沖水後零油膩感，皮膚有種會呼吸嘅清爽～夏天用完全唔悶痘，連防水防曬都卸得乾淨，但睫毛膏要敷多10秒先溶得徹底！最驚喜係用完完全唔繃緊，兩頰乾燥位都保持水潤感！ ✨缺點提醒 柑橘香味較濃，對香料敏感者要試用！極濃眼妝要重複卸多一次～ 總結：$150內嘅日系卸妝黑馬🎯 清爽保濕二合一，混合肌夏天必備！

Also melon好用推薦：同為貴婦級卸妝乳霜，比Shu uemura 琥珀卸妝油更加貴，好似洗面膏咁嘅size。 BA卸妝乳霜好方便，直接上臉按摩就可以，而且唔需要喺手心溶化卸妝霜。乳化按摩都好舒服，可以揉出面部好多死皮粒粒出嚟，之後乾手按摩洗淨，建議最後用返BA洗面膏。 如果唔係化太濃妝嘅話，卸妝力足夠，眼唇都一次過落乾淨，用完之後皮膚係會有保濕度，有剩餘嘅油潤感。雖然我混合性皮膚用完都冇起粒粒，如果係乾性皮膚就應該好鍾意。

橘子貓好用推薦：B.A Cleansing Cream N 跟同品牌Wash N 同一系列的卸妝霜，以獨有的修護乳化技術，改善膚色暗沉，洗後保持肌膚柔潤不緊繃，打造水潤幼滑肌膚。綿密的乳霜接觸肌膚後，即轉化成滋潤、高效油性清潔產品，讓面上彩妝稍稍打圈就可以乳化，讓肌膚更具光澤感。卸妝霜跟潔面乳不同，是以滋潤為主，也不適合直接用來卸眼部彩妝，會糊眼跟澀眼，如不配合同系列的清潔力稍強的潔面乳，偏油肌膚單用卸妝霜會覺得有點太過滋潤。適合乾性的肌膚。

葉子🍃好用推薦：好耐無用卸妝膏，今次體驗都幾好，主要係佢質地好溫和，用法直接搽上面打圈，等佢d污糟野浮出黎，用清水洗乾淨就完成，佢入面有個細匙羹，我每次都係一大匙，用時質地唔笠、保濕溫和，佢成份有竹炭，所以有d黑色粒粒，按摩時會幫忙搓起d污糟野，不過深層白頭浮到，但未必可以搓到出黎，淡妝清潔力都足夠，洗完面都仲係好水潤，唔乾，用佢清潔眼周好舒服

Sarah好用推薦：好用，卸妝洗得乾淨，可以順便去埋黑頭，有深層潔淨嘅功效。價錢實惠，性價比高，一盒都用到幾個月。

YiN好用推薦：係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。