2026香港「片狀面膜」推薦好用排行榜Top20
[每兩週更新]2025-09-10 更新
1
QUALITY FIRST激光超效維他命面膜
5.8(期間評分：5.5)
心得 13 篇
jhope0725好用推薦：❄️冬季護膚，不得不提嘅當然係面膜！ 雖然網上已經討論咗呢個網紅產品好耐，不過我都係近期冬季先至入手~ 起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚 精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。 👆🏼使用面膜後即時效果 美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！
<看全文>Hellobeauty 好用推薦：「 #火熱新品 」Quality 1st Derma Laser Shot X Super VC100 局部護理精華面膜。 呢個品牌嘅面膜一直受好評，而我自己都一直用開呢個品牌嘅金色包裝嘅精華面膜。 昨日，我就發現同一色系，金色包裝的Quality 1st Derma Laser Shot X Super VC100 局部護理精華面膜。我就即刻買咗嚟試下。 我用咗之後,發現呢隻面膜質地好透薄貼服,面膜大細適中,可輕鬆貼合在意的部位，並有虛線可依需求撕開分用, 避免成塊面膜的小缺點（鼻翼位未能完全貼服）。 而且每片精華嘅份量係剛剛好,唔會多餘滴出,可以敷完之後唔會覺得有太多精華導致塊面有黐笠感； 所以非常適合早上返工前使用,唔需要在花時間處理面上多餘嘅精華,就可以直接進行下一部護膚程序及化妝 最後,佢嘅最大賣點係只需要2分鐘就可以達到效果,所以佢成為我回購之選。 #針對毛孔、粗糙和暗沉等肌膚問題 #敏感肌適用
<看全文>2
Torriden5D微分子玻尿酸保濕面膜
5.7(期間評分：5.3)
心得 13 篇
莓莓好用推薦：
<看全文>Kk.ac好用推薦：Hit咗好耐嘅Torriden 玻尿酸保濕面膜，經常有人話好好用，今次我終於搵機會入手試試🥺 ❤️面膜設計： ✔️片裝面膜手感偏紙質，容易撕開 ✔️面膜材質厚身，個cutting照顧到每個位置，唔會有出現大小差異同撕爛嘅問題 ✔️袋入面剩返唔多精華 🧡顏色：藍色，透明 🧡氣味：無味 🧡質地：似精華液質地，會有少少笠 💛產品賣點： 含有5種多元微分子玻尿酸，提供大量水分並迅速達到舒緩效果。 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤，但有爆瘡嘅問題 🩷敷面膜流程： 洗面➡️爽膚水➡️面膜➡️等待15分鐘➡️洗面（從下往上拎走面膜）➡️爽膚水 🩷用後感： 面膜貼合度同吸水力ok，所以敷面膜過程中唔會出現滴精華嘅情況✅ 敷咗15分鐘都唔會乾，擠一下面膜發現都仲有幾多🫢之後去洗面，洗嘅第一下會有啲滑潺潺，但都易洗。 敷完睇得出塊面有水潤感，無明顯敏感。用完第二日感覺塊面更有光澤，皮膚好似飲飽水咁😳
<看全文>3![AHC安瓶精華天絲纖維面膜 [玻尿酸保濕]](https://cosme-global-production.s3.amazonaws.com/uploads/product_sku_image/116338/144495/170254/medium_144495_202205051014.png)
AHC安瓶精華天絲纖維面膜 [玻尿酸保濕]
4.9(期間評分：4.5)
心得 6 篇
Kitty 好用推薦：最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！ ✨ 第一印象 ✨ 一打開盒，見到佢係錫紙包裝，感覺幾高級同衛生。 💦 精華液多到瀉 💦 拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。 🧖♀️ 上臉感受 🧖♀️ 塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！ 敷咗大概15-20分鐘，其間塊面都係保持住水潤感，唔會話好快乾。 🥰 效果檢討 🥰 到最緊張嘅環節——除下面膜！ 真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！ 👍 優點總結 👍 1. 保濕力超強：玻尿酸真係名不虛傳，深層補水，抵禦乾燥一流。 2.
<看全文>Fng好用推薦：AHC 安瓶精華纖維面膜急救補水夠力💯 ✨ 面膜質地與精華量 AHC呢款面膜採用纖維面膜紙，厚度適中，剪裁貼面，尤其鼻翼同下巴位都好伏貼！精華量多到可以擠出嚟搽頸同手腳，質地清爽唔黏笠，敷15分鐘後面膜紙依然濕潤，適合香港夏天怕黏膩嘅混合肌～ 🌟 即時補水與修復效果 主打高濃度B5同玻尿酸，試過曬後敷一片，面頰泛紅同繃緊感即時舒緩，毛孔睇落細緻咗！補水力足夠維持到第二朝上妝零卡粉，但緊緻或美白效果唔明顯，主要針對基礎補水同維穩～ ⚠️ 局限性 價格中上（約$40/片），日日敷會肉痛。香味略重，敏感肌要先試耳背。纖維布承載力不及生物纖維面膜，精華容易滴落～ 🆚 同品牌產品比較 · VS AHC B5安瓶面膜（經典版）：經典版面膜紙較厚，精華更濃稠，保濕力更強但夏天用稍潤；纖維版則更輕薄透氣～ · VS AHC黃金錫紙面膜：黃金版主打抗老同提拉，適合輕熟肌；纖維版專注補水，適合年輕肌或基礎護理～ · VS AHC膠原蛋白面膜：膠原版針對彈性同光澤；纖維版則純補水，功能較單一～ 💡 使用心得 混合乾肌可以放雪櫃冷藏5分鐘後敷，即時降溫又收毛孔！一星期用1-2次做集中保濕已足
<看全文>4
LuLuLun抗痘淨肌水潤面膜
5.4(期間評分：4.4)
心得 4 篇
Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨
<看全文>Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！
<看全文>5
HADA LABO 肌研光透潤血色感彈潤面膜
4.6(期間評分：4.3)
心得 6 篇
Fng好用推薦：肌研 光透潤血色感彈潤面膜熟齡混合肌夏日平價補光之選 肌研呢款新面膜絕對係開架黑馬！同其他平價面膜（如我的美麗日記、森田藥妝）相比，佢贏在雙重透明質酸+玫瑰精華配方，面膜紙超薄貼面，敷10分鐘已經即時提亮，暗黃肌變好氣色✨ 熟齡混合偏乾肌實測：精華液量剛好，唔會滴漏，敷後按摩吸收零黏膩。冷氣房內保濕力可維持到第二朝，面珠墩有彈潤感，但T位無負荷。持久度稍遜貴價面膜（約1-2日效果），但勝在性價比高，平日Keep住用唔肉痛～ 推薦給：✔️ 暗沉熟齡肌追求即時透亮 ✔️ 怕面膜癡立立 ✔️ 夏日想要平價日常補光！
<看全文>Kpl6be6好用推薦：面膜精華呈水狀～份量足夠～#保濕 效果唔錯！用後未咁快見到提亮膚色效果～但有感肌膚更水潤柔嫩!!如果面膜材質再厚身一啲會更好～
<看全文>6
MENTHOLATUM 曼秀雷敦蜂蜜保濕舒緩酵素面膜
5.5(期間評分：4.0)
心得 3 篇
Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 
<看全文>FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。
<看全文>7
INNISFREE天然能量面膜 - 綠茶
5.7(期間評分：4.0)
心得 4 篇
Luna好用推薦：
<看全文>布吶吶好用推薦：係冬天呢啲乾燥嘅季節，護膚真係要加倍留神！我最近試咗Innisfree款綠茶面膜，發覺佢真係好啱冬季護膚用，保濕效果幾出色！ 首先，一打開就聞到好清新嘅綠茶味，好療癒～面膜紙係超薄透嘅纖維質地，好貼面，精華量多到可以順便抹埋頸同手腳。敷上臉感覺好水潤，尤其係冬天開住暖氣，皮膚乾到繃緊，敷完即刻覺得皮膚飲飽水，好舒緩！ 保濕效果方面，我覺得佢唔算好厚重黏膩，反而係一種滋潤嘅補濕感。敷完之後皮膚摸落去軟滑咗，有光澤感，而且之後上妝都貼服好多，唔會因為冬季乾燥而起皮。對我呢種冬天面頰偏乾嘅人嚟講，佢嘅補水力足夠，但又唔會笠黐黐，幾舒服！ 總括來講，Innisfree呢款綠茶面膜係冬季護膚嘅一個幾好選擇，尤其係需要快速補水嘅時候。如果唔係極度乾燥嘅皮膚，日常保濕同舒緩佢都應付到。價錢又親民，可以放心囤貨，過個水潤冬天！ #冬天#冬季護膚#冬季#護膚#保濕#面膜#韓系護膚品
<看全文>8
Sasatinnie玻尿酸保濕面膜
4.3(期間評分：3.8)
心得 3 篇
YiN好用推薦：之前喺threads見有人講好好用，又話內地人落嚟特登要搵嚟買，我就忍唔住買黎試。 ✅精華充足 佢袋入面嘅精華好多，我諗如果用嚟碌導入機應該會幾好用，可惜我冇，所以最多係拎嚟搽埋身。 面膜紙剪裁都ok貼面唔易爛，形狀就人夾人，對於我黎講係鼻位唔夠長敷唔到個鼻頭。 至於效果方面，佢聲稱保濕同明亮，我就就住呢兩方面講。保濕方面，佢敷住嗰下就保濕，敷完啲留低嘅精華按摩好耐都唔會完全吸收，我都係要用濕布印走多餘精華同埋面嗰層嘅痴笠笠。印完叫比未敷嗰陣潤少少塊面滑溜溜，所以係覺得有效果嘅，但第二朝用清水洗完面就打回原形。 至於亮白，我覺得係有少少退紅效果，睇落會好似白咗，但咁短時間都係冇可能真正令膚色變白，有機會連續用一段時間先會有效果。附上before and after 有個位要注意係，如果敷完有精華積留喺髮際邊記得抹走，我冇留意到第二日就喺邊邊生暗瘡喇。
<看全文>葉子🍃好用推薦：呢款自家品牌面膜出到第三代，一塊有成40ml精華，入面係纖維面膜，精華好多已經係面膜到，不過睇落好多泡泡，面膜大小剛好、好貼面，我羅左導入機等皮膚快啲吸收，20分鐘都仲有好多精華剩，羅黎搽下手腳，用完保濕水潤、有彈性同光澤左
<看全文>9
MENTHOLATUM 曼秀雷敦山茶花亮白淨化酵素面膜
5.3(期間評分：3.7)
心得 3 篇
貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜
<看全文>A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。
<看全文>
11
RISMRISM 深層護理通透亮白面膜
4.1(期間評分：3.6)
心得 3 篇
wingche好用推薦：去日本旅遊必買一定係面膜，因為款式應有盡有！我每次都去日本藥妝店掃貨，平就不在話下，仲要好用。 前排天氣轉熱，皮膚唔知咩事，突變油肌，煎蛋都得嗰隻，仲要毛孔突然擴大10倍！但又怕收毛孔產品會攪到皮膚變乾，咁醒起日本旅遊時，買咗好多 RISM嘅mask，粉紅、紫、黃、藍，四色買曬🥰! 單片裝同7片裝都有，平時出business trip帶單片裝都方便。黃色正正就係for 毛孔肌，又可以提亮膚色，夏天最佳面膜，一拎出嚟非常多精華，如下圖精華非常濃稠，但又易於吸收！不過我最鍾意佢面膜夠貼面，仲要連頸側同眼都有延伸，可以敷埋！敷前毛孔盡現，自己都唔想影相，膚色暗沉！敷完，就透白咗，我最怕嘅毛孔都收細曬！大家去日本旅遊，一定要去藥妝店掃貨！
<看全文>Desse好用推薦：收工約咗人食飯又未夠鐘.. 就轉左入 @cosme store打個轉 見到喱款放到好搶眼嘅 #日系 面膜 即管買嚟一試💓 Rism 深層保濕面膜 主要成份有： ⭐️玻尿酸 ⭐️菸鹼醯胺 可為肌膚保濕鎖水..提亮肌膚🧏🏻♀️ 🧏🏻♀️🧏🏻♀️實測報告： 💡懶人面膜！ 只需要敷短短5分鐘.. 就能有明顯保濕效果！ 妝前用： 訓醒洗面即敷.. 換件衫拉下筋夠鐘mit得！ 夜晚用：沖完涼即敷.. 著衫搽body cream剛好5分鐘就撕得！💓💓 💡剪裁貼服 材質屬100%天然植物纖維素，純素認證！ 無酒精、無色素，溫和不易致敏！ 敏感肌都啱用 💡保濕度高 濃厚精華液令肌膚即時回復水潤柔彈和光澤 敷後膚質改善明顯，持妝度提升 💡CP值高 香港單片只需約$10 性價比一流💓💓 留意位！🔔🔔🔔 🔔面膜比較細 配合番日本人比較細面 如果臉比較大 可能要剪剪眼鼻同咀仔位 總括嚟講🧏🏻♀️🧏🏻♀️ 一年四季都啱用面膜 我自己比較鐘意妝前用.. 敷完個妝好貼服💓💓 Cp值高！ 路過見到推介入手！
<看全文>12
L'ORÉAL PARiS活力緊緻透明質酸注入式保濕精華安瓶面膜
5.3(期間評分：3.6)
心得 2 篇
Ceccinmydin好用推薦：L'Oréal呢款面膜，用落有驚喜，真心大推！係保濕神器✨ - 面膜紙超薄又貼面，面膜含33g高濃度精華液 ，精華多到可以抹手腳，仲有獨特安瓶注入設計，用嘅時候將精華壓爆注入乾嘅面膜紙，好有新鮮感💯 - 精華液水潤唔笠，敷完唔洗過水 - 保濕效果好，即時補水，敷15分鐘之後皮膚乾紋即時隱形，毛孔睇落細緻咗，推介一星期定期敷2-3次🙌 - 試過忙完一日之後敷，塊面即刻褪晒灰黃感，後續護膚品都吸收得好快👍 我絕對會回購！平價但效果拍得住專櫃，CP值超高😆
<看全文>Wkk好用推薦：我認為保濕效果非常好，在化妝之前敷上一塊，基本上不會卡粉或者妝面斑駁
<看全文>13
HiROSOPHY櫻花米麹面膜
4.5(期間評分：3.5)
心得 3 篇
Julianna好用推薦：這款面膜的定位明顯係針對亮白、修護類，但實際用落感覺偏「溫吞」，屬於養膚型選手，但養得太慢。敷上臉嘅質感屬於厚重啫喱狀，精華極多，要推好耐先吸收得晒。敷完皮膚會有柔滑感、有少少透明感，但效果不算突出，亮白成份應該係長期使用先見效，但咁既價錢期望會高啲。 成分方面有酵母、米麹等發酵元素，有少少天然發酵味，唔係人人接受到，尤其敏感肌要小心。香味不濃，但有輕微酒麴底調，有人會鍾意，有人會覺得怪。cutting唔算太貼面，面膜布屬於中偏厚，吸精華力不錯，但黏感殘留偏高，要再清潔一次先覺得爽。 我自己覺得佢最大問題係吸收太慢，唔夠爽快，用完要等好耐先可以進行下一步保養程序，對於趕時間或朝早敷面膜嘅人唔友善。總結係：有潛力，但體驗唔夠輕盈。 ✅ 適合膚質：中性～乾肌／想慢慢養膚亮白 ⚠️ 不適合：油肌／急性子／怕發酵味 ⭐️保濕度：★★★☆☆ ⭐️亮白度：★★★☆☆ ⭐️使用感：★★★☆☆ ⭐️回購意願：★★☆☆☆
<看全文>Kelvin好用推薦：櫻花面膜唔係專櫃品牌，但日本cosme長期熱賣產品。微香既味道，好日系既感覺🌸面膜紙薄薄地，充滿住透明精華液，份量適中，而且唔會太濃稠。面膜size男士面形都大致覆蓋曬。 依款面膜萃取日本櫻花🌸精華🌾添加稻米發酵液、vitamin c等美肌潤膚成分，能夠抑制黑色素素生成，平衡水油，收縮毛孔，亮白肌膚。 敷完洗完面冇特別大感覺，唔會有超級保濕超級滋潤嘅感覺，但係皮膚會好嫩滑，第二朝起身皮膚好透亮白淨。最鐘意係岩岩出暗粒暗瘡嘅時候用，感覺會退得快啲。夏天可以keep住一個星期用一次，咁就唔會咁易出斑同曬黑🍋
<看全文>14
HADABISEI 肌美精超滲透3D水潤嫩滑立體面膜
4.6(期間評分：3.4)
心得 1 篇
natanatalie好用推薦：十分推薦這款補水面膜！❣️ 相信大家對呢款面膜都唔陌生，已經喺藥妝店紅左好多年，但用落真係覺得補水效果好強，性價比超高！🥰 首先講下喺邊度買到，一般藥妝店，藥房，個人護理店都會有呢款面膜，價錢亦十分經濟，印象中係十蚊左右一塊，都幾平，就算敷密啲都唔心痛！🙆🏻♀️ 面膜打開係會有少少厚度，精華液嘅份量都好足夠。上面嘅感覺你會覺得親膚度好好，剪裁亦算貼面。最欣賞佢嘅地方係連下巴到頸嘅位置都包裹到，有時下巴同頸位會乾，佢都會照顧到。💋 精華十分水潤，我會敷15分鐘再等15分鐘，等塊面吸收啲精華，最後會過一過水。即時效果係肌膚會即時白淨左，緊致左，毛孔都細左。第二朝起身，肌膚狀態都好水潤，上妝效果會貼服好多。我自己覺得呢塊面膜可以維持到兩日左右嘅補水效果，以呢個價錢嚟講very good！🤗
<看全文>麥精好用推薦：因為3D剪裁好方便所以買來一試，只要打開再粒上塊面，就唔會走位，又唔會“線“落黎(*^ω^*)因為紅色包裝好好用，就順便買了其他色試試！里個橙色色包裝保濕彈性款，保濕度幾好，用完皮膚真係幾飽滿，大滿足*\(^o^)/*
<看全文>15
17
DR.WU玻尿酸保濕微導面膜
5.2(期間評分：3.3)
心得 1 篇
YYeman好用推薦：Dr. Wu保濕面膜測評｜乾敏皮嘅真心話 Hi 姊妹們！今日同大家分享呢款Dr. Wu玻尿酸保濕面膜～ 講真，佢喺臺灣真係好紅，我抱住好大期望試㗎！ 首先講膜布： 材質係薄身嘅生物纖維膜，好似啫喱咁敷上臉，貼服度真係冇得彈！好似第二層皮膚咁，郁吓塊面都唔會走位。 精華方面： 係屬於濃稠嘅乳液質地，唔會滴滴瀝瀝。敷咗15分鐘都冇覺得乾，摞落嚟嗰陣仲有好多精華剩，可以順手敷埋條頸。 效果即刻睇到： ✨補水真係冇得輸！敷完塊面係飽滿咗，掂落去軟淋淋，好似飲飽水咁。 ✨我面頰啲泛紅同繃緊真係舒緩咗好多，即刻冇咗『乾到扯住』嘅感覺。 ✨上妝前敷一片，個粉底真係貼服到不得了，冇再爆皮卡粉。 小總結： 對於我哋呢啲乾敏皮來講，佢係一款穩陣嘅「急救兵」！ 保濕力真係堅得，尤其轉天氣同長期開冷氣嘅日子，敷完即刻翻生。 雖然價錢有啲小貴（平均要廿幾蚊一片），但係效果對得住個價錢。如果姊妹你係極需要補水，预算又鬆動，呢款真係可以入手試吓！
<看全文>TL好用推薦：已經回購了很多盒Dr. Wu面膜，用後覺得清爽唔黏笠，肌膚水潤飽滿，隔日上妝很貼服。
<看全文>18
19
Clé de Peau Beauté盈亮緊緻面膜
3.9(期間評分：3.2)
心得 2 篇
TsuenMa好用推薦：［奢侈、對自己好啲系列］ #將金錢投放喺自己身上，係最好嘅投資🌟 高價品牌：Cle de Peau 盈亮緊緻面膜 帶俾你非一般嘅體驗，第一次見到呢個面膜嘅時候，有少許顛覆咗我對面膜嘅認知🙈 佢呢款面膜質感好似小林退熱貼，面膜嘅本身並冇精華喺上邊，同一般紙片撞嘅面膜好唔同！ 產品使用： 1️⃣首先喺清潔完面部之後，利用精華徹底導入 2️⃣再查佢嘅專屬lotion 3️⃣最後先至係敷佢嘅面膜👆🏾喺第一步嘅精華入邊，我覺得如果用化妝棉上嘅話會比較方便，容易控制，唔會倒到成手都係。 （我第一次就係用得比較論盡，跌走晒啲精華🥲） 💟精華可以溫和去角質，減少粗糙感並去除暗沉的表面細胞。 ✌🏾佢lotion係乳白色，無香味，延展性強、容易推開；容易比皮膚吸收。 改善透明感、彈性、膚質和保水能力。 👌🏾只係需要敷10分鐘，佢嘅原理應該係用封閉式嘅方法，強效甘令令到皮膚吸收到更加多嘅精華，從而改善肌膚表面嘅瑕疵，令到肌膚更加豐盈光滑，膚色更平均。 🫶🏾一教瞓醒都feel到塊面好潤，moisture，皮膚依然光滑，膚色就無太大感覺。皮膚發炎嘅痘痘有輕微減退嘅積象，但未做到完全減紅或凋謝，
<看全文>小Man好用推薦：非常推薦，每次去日本必買定盒係屋企！個價係香港6折左右！ 跟住3個step做，本身乾到甩皮都滋潤番晒！敷完感覺塊臉好軟熟，好似做完facial嘅感覺。 不過建議係冬天用，同埋岩乾到甩皮嘅狀況，急救呢啲狀況，絕對一流！否則可能會太“立”。
<看全文>20
毛穴撫子日本米精華保濕面膜
4.8(期間評分：3.1)
心得 1 篇
Emily Leung好用推薦：【毛穴撫子面膜】用後感：日本米力量真係搞得掂黑頭同毛孔？ 日本呢隻「毛穴撫子」面膜真係紅到發紫！主打用日本國產米精華，話可以針對性對付黑頭同毛孔問題。 我鼻翼同眉心嘅毛孔長期「開放」，黑頭多到好似士多啤梨咁🍓！見呢款面膜喺@cosme長年霸榜，又話天然米成分零刺激，咪買盒試下囉～ 💦 質地同用法 · 面膜紙：偏厚身，但剪裁算貼面，尤其係鼻翼位包得幾好。 · 精華液：係乳白色嘅米漿狀，杰身但唔黏膩，聞落有陣好天然嘅米香～ · 用法：我通常敷10-15分鐘，之後用剩餘精華打圈按摩鼻頭，等吸收晒先沖水。 👍 好用之處 1. 即時飽水感超正！：敷完塊面即刻變得水潤柔軟，摸落去「咕𠱷」咁滑～ 2. 黑頭真係易清咗：敷完之後，鼻頭嘅黑頭同白頭會浮出嚟，用棉花棒輕輕一推就清到好多！ 3. 毛孔睇落細緻咗：即時效果幾明顯，毛孔冇之前咁「洞洞」，好似飲飽水咁撐返滿！ 4. 溫和不刺激：成分簡單，我敏感肌用都冇泛紅，夠晒安心～ 👎 缺點 · 效果唔持久：毛孔細緻同黑頭減少只能維持一兩日，要持續使用先keep到。 · 精華液唔算多：相比其他日系面膜，佢精華液偏少，敷耐啲會乾，最好跟足時間。 ·
<看全文>Sanna Cher好用推薦：產品自推出以來一直是我不停回購的面膜產品，保濕面膜更符合我的面型。脫下面膜過後，精華大多被吸收，沒有殘留過多精華於紙膜，是能夠好好被利用的保濕產品。 使用產品前使用產品過後，肌膚保濕度有被增強，毛孔有被重點修護，使用產品過後可用保濕面霜完成程序。
<看全文>