2026香港「身體保養」推薦好用排行榜Top20
[每兩週更新]2025-09-10 更新
1
Suu Balm速效舒敏保濕乳
5.9(期間評分：5.8)
心得 56 篇
Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗
<看全文>dordor910好用推薦： 每逢轉季、皮膚又痕又繃緊,朋友介紹用呢支塗抹後約 5分鐘內有明顯清涼感，能即時舒緩痕癢。而且質地清爽：不黏膩，沒有一般濕疹乳霜的厚重感。性質溫和 無類固醇、無香料、無防腐劑，適合全年齡（包括濕疹及敏感肌）。
<看全文>2
3
NIVEA果萃雙效C&A淡斑亮白精華凝乳
5.7(期間評分：5.5)
心得 26 篇
Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，而且這款身體潤膚乳不再只是滋潤，它加入了維他命C和A，有亮白膚色的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算🤭 當然要捧場試試 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我通常是每次沖涼後搽的，所以我覺得如果它是泵頭的話，會比較方便，用了一個月左右，就發現膚色變得均勻白淨了
<看全文>Rin好用推薦：之前嘗試過用另一款,但是用完一枝後沒有效果 我的手色差非常大，這平用了大半個月的時間感覺是有變白一點點，但是之前沒有特別想做測評，所以沒有拍照 前陣子因為佢外活動曬黑了亦有改善 加上他的價錢不貴（以美白來說） 味道有種果香 不會太黏笠亦很好吸收 我認為可以購買一瓶使用，如感覺有變白再繼續購買 #身體保養
<看全文>4
5
JOSERISTINE 彩豐皮奧寧防痘．身體護理噴霧
5.0(期間評分：5.1)
心得 40 篇
Niki Yau好用推薦：皮奧寧防痘．身體護理噴霧使用有感 一開始，我是被它方便的使用方式吸引的。不用像傳統的祛痘產品那樣麻煩地塗抹，只需要在洗澡後，距離身體適當的距離輕輕一噴，再用手輕輕拍打至吸收就行，簡直是我這種懶人的福音。 這款噴霧的質地很清爽，噴在身上不會有黏膩感，很快就能乾燥成膜。而且它的味道我很喜歡，不是濃烈刺鼻的藥味，而是有一股淡淡的清新香氣，聞起來很舒服。 使用了大概一週左右的時間，我就感覺到了效果。原本胸前那些紅紅的痘痘，有一些已經不那麼紅腫了，炎症似乎得到了緩解。 我覺得它效果不錯，可能是因為成分比較好。它含有一些能夠鎮靜消炎、調節肌膚油脂分泌的成分，從根源上抑制痘痘的生長。身上油脂分泌旺盛，這款噴霧就能很好地平衡油脂。 總的來說，皮奧寧防痘．身體護理噴霧真的是一款不錯的產品。如果你也有身體長痘的困擾，不妨試一試，或許它能給你帶來驚喜。當然，每個人的膚質不同，使用效果也可能會有差異，希望我的分享能對大家有所幫助。
<看全文>kwanyan好用推薦：感謝@cosme抽中今次的試用活動，彩豐行的護膚產品本身比較少用，但是皮奧寧面膜對於殺痘痘真的非常見效。因此很期待今次的試用活動，試用期間為兩星期，兩星期嘗試過後，之後會再購入！ 今次試用的有三項護膚品：皮奧寧祛痘強效消炎膏，建議有痘痘時使用；皮奧寧祛痘．淡疤去印修復膏，主要消除痘印；及此篇的皮奧寧防痘、身體護理噴霧，適用於心口背部（右1）。 試用14天後，防痘、身體護理噴霧未太感受到防痘效果，會考慮多使用兩星期看看。 首先，它噴嘴噴的範圍非常廣，就算背脊也能噴到，手賤也可以自行噴到的程度，不過噴出來的時候感覺好像噴太多，會有過濕的情況。 十四天試用，較喜歡噴霧有輕微的涼感，炎熱天氣噴灑亦可以，不黏身，非常清爽。試用期間每天噴1次，心口毛孔還是會有些油脂分泌，可能噴灑密度需要加強。
<看全文>6
CeraVe長效滋潤修復霜
6.1(期間評分：5.0)
心得 8 篇
莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！
<看全文>Lydia好用推薦：CeraVe Moisturising Cream 長效滋潤修復霜 — 乾肌救星，但油痘肌要留心✨ 質地： 呢款面霜嘅質地偏厚身，好似雪糕咁， 雖然望落好濃稠，但推開之後其實比想像中順滑。 擦完之後皮膚會有一層薄薄嘅保護膜感， 保濕力好持久，對於容易乾燥、甩皮嘅位置， 即時滋潤效果好顯著。 效果： 如果係天氣凍或者轉季，皮膚乾到發紅、甚至有啲痕嘅時候，用佢嚟厚敷或者當晚霜真係幾舒服， 可以好快令皮膚穩定返，唔再覺得繃繃緊。 而且佢無乜香味，成分感覺幾簡單直接， 用喺身體乾裂嘅地方（例如腳踭、手肘）效果都好理想。 缺點： 不過對我呢類間中會生暗瘡嘅皮膚嚟講， 呢款 Cream 嘅密封感可能強咗少少。 如果喺濕熱天氣或者爆瘡期間用， 會覺得透氣度一般，有時甚至覺得稍微塞毛孔， 令暗瘡好似謝得慢咗。 所以我覺得佢比較適合純粹乾性、或者受損緊嘅皮膚，油痘肌建議局部用喺乾位就好。 總結：乾燥天必備嘅穩定型面霜，性價比高 CeraVe 呢款修復霜係平價大碗之選， 針對乾癢同補水真係好稱職， 只要避開爆瘡位置或者揀啱天氣用， 算係屋企常備嘅一支「安心霜」✨
<看全文>7
Dove 多芬多芬滋養柔膚沐浴乳
5.2(期間評分：4.7)
心得 4 篇
Cole Cole 好用推薦：
<看全文>Sakura醬好用推薦：Dove沐浴露，家中必備好物 用咗好多年，一直都用呢個牌子！價格優惠，香味選擇多！最緊要係夠溫和，唔會敏感！作為日常用嘅沐浴露，不過不失！ 香味： 經典原隻款係陣溫和嘅牛奶甜香，唔算好濃烈，但沖涼時聞到好放鬆，留香唔算持久，沖完過一陣就散得七七八八，適合唔鍾意太濃味嘅人。 泡沫豐盈度： 泡沫唔算超級多，屬於細密綿滑類型。如果用沐浴球可以搓出豐富泡泡，但如果就咁用手，泡沫量就比較適中。 滋潤保濕： 呢個係Dove嘅最大賣點！用完好明顯感覺到皮膚好滑溜，完全唔乾燥，更加唔會有「繃緊」嘅感覺。就算係秋冬乾燥天時用，保濕力都相當夠。 清潔力： 清潔力屬於溫和乾淨型，日常沖走汗水同油脂絕對足夠。如果你追求洗完有「好乾淨、好乾爽」嘅感覺，佢就可能未必係你杯茶，因為佢主打滋潤，洗完會留有層潤滑感。 總結： 係一支保濕力突出、溫和潔淨嘅沐浴露，特別適合皮膚乾燥，或者鍾意滋潤膚感嘅人。如果你係大油皮或者鍾意極致乾爽感覺，就可能要諗諗。
<看全文>8
Suu Balm速效舒敏保濕噴霧
4.9(期間評分：4.7)
心得 6 篇
Poyobb好用推薦：之前工作因為壓力大手踭長出了乾廯，維持咗好多年都冇改善🥲試過市面上多個濕疹牌子嘅護膚霜，也不能治癒，而且對抗痕癢嘅功能也平平無奇。 Suubalm 既保濕乳、噴霧、沖涼液都有試過，對我嚟講最有效嘅係支噴霧，點解會試咁多？係因為見到新嘢就會即刻試，希望搵到隻啱用嘅令皮膚好返🫣噴霧嘅效果係超級見效，超快有薄荷冰涼感覺，反而會建議唔好噴太多，適量就可以，完全做到有即時止痕作用😻 佢嘅噴霧，除咗有薄荷成份，仲添加咗保濕護膚嘅效果，所以一支係有兩種功效，細細支好方便。 除咗濕疹、牛皮癬皮膚之外，夏天出國旅行、蚊咬或者突然間某啲位置脫皮都可以使用。可以去萬寧試一試，放咗tester出黎🫢
<看全文>Paris merci 好用推薦：
<看全文>9
JOSERISTINE 彩豐白麝香甜睡沐浴露
4.6(期間評分：4.5)
心得 5 篇
Kmggigi好用推薦：最近用完支沐浴油，睇Cosme 發現依支彩豐 White Musk 沐浴露評價好，性價比又高， 所以就喺網上商店購入咗，一用就覺得物超所值！ 單睇個價錢~HK$ 40就有 1000ml， 真係性價比極高，適合一家使用 佢嘅 White Musk香味真係好好聞，係熟悉嘅氣味🤣 唔屬於刺鼻嗰種濃烈，帶有淡雅高級嘅自然香氣， 每次用完皮膚仲會留有淡淡嘅餘香，持久度唔錯👏🏻 依款沐浴露嘅質地係屬於輕盈啫喱狀， 起泡能力都唔錯！ 只需要少量就可以搓出唔少泡沫，清潔力亦唔錯，可以有效去除汗水同油脂，特別適合夏天使用 重要係用後唔會覺得皮膚乾燥或者繃緊， 咁嘅價錢咁嘅效果真係無嘢好投訴😆 總括而言，如果你鍾意淡雅香味， 又想搵一支大容量又平靚正嘅沐浴露， 呢支一定係唔錯嘅選擇！🥳
<看全文>natanatalie好用推薦：推薦呢款沐浴露俾大家！🛁 首先，佢價錢算平，無記錯三四十蚊有一大支，而且購買都好方便，除左有門市網購，印象中萬寧都有得買，唔怕買嗰陣好麻煩！😝 重點來了，包裝好lady，比起同品牌嘅包裝靚好多，放喺浴室心情都好啲！🥰 一打開，佢嘅重氣不得了，有一陣清香而不俗套嘅香氣，氣味好有高級感！加水起泡嘅清潔力亦好出色，用後肌膚會好嫩同水潤光澤，加上熱水嘅蒸氣，佢嘅香味係會維持喺浴室一段時間，每次行入去索到呢陣味，心情都會好好多！🙆🏻♀️
<看全文>10
L'Occitane en Provence杏仁沐浴油
5.4(期間評分：4.3)
心得 4 篇
楊壯碩好用推薦：L'Occitane杏仁沐浴油review： 這是一款適合秋冬乾燥氣候的沐浴產品，它的質地是流動性較高的金黃色油狀液體，散發著植物濃郁迷人的清新香氣，加水揉搓後可產生豐富的泡沫，並乳化成白色，洗淨後皮膚上不會有殘留的油膜感，而是感到皮膚光滑、水潤、清爽。我用它沐浴後皮膚不會感到乾燥緊繃，甚至不擦身體保濕乳也可以。我最喜歡的是它的特色香氣，令整個沐浴體驗大大加分，使沐浴這項基礎日常護理的過程變得令人享受。此外，我認為它最大的優點之一是可以以油溶油卸除身體防曬，一次性洗淨身體，即使全身大範圍使用防曬霜也不用擔心防曬霜洗不乾淨的問題，值得稱讚。 結論：好用，會購入正裝，於乾燥季節及需要卸除身體防曬的時候使用。
<看全文>Kmggigi好用推薦：身體皮膚狀況: 不論春夏秋冬都係偏乾，需要長期搽body cream。手臂有毛囊角化症問題，背脊同大髀都有少少粒粒 產品使用心得: 當初因為有毛囊角化症要搽酸導致皮膚有時候太乾，所以要轉用一隻比較滋潤嘅沐浴油 L’Occitane依支杏仁沐浴油以植物油為基礎，質地偏油狀 用嘅時候要加水乳化再起泡，搽上身會覺得好保濕滋潤，沖完涼會覺得洗得乾淨，但皮膚都唔會有繃緊嘅感覺🥳 雖然價錢比較貴，但可以買補充裝refill 會一直回購！
<看全文>11
CeraVe長效保濕修復乳
6.1(期間評分：4.1)
心得 3 篇
Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰
<看全文>Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊
<看全文>12
Cetaphil 舒特膚舒特膚潤膚膏
5.3(期間評分：4.1)
心得 2 篇
Maggie好用推薦：
<看全文>Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕
<看全文>13
14
Vaseline肌亮水潤精華凝乳
5.0(期間評分：4.0)
心得 5 篇
Fng好用推薦：
<看全文>Chloeincosme好用推薦：呢款係由泰國紅到台灣再黎到香港既肌亮水潤精華乳，已經連續使用咗兩個月，真係感受到佢不同凡響嘅效果。呢款身體乳液質地輕盈，容易推開，塗上去即時感覺皮膚好水潤，完全唔會有黏膩感，對於夏天使用特別合適。 使用咗大約幾個星期，我發現皮膚有明顯嘅改善，特別係肌膚嘅亮度，真係白咗一度！而且佢有滋潤效果，即使係冷氣房訓足12粒鐘，皮膚都唔再乾燥。每次洗完澡後用，皮膚感覺好似有一層保護膜包圍住，保持住濕潤狀態，但阻唔會油笠笠。 最開心嘅係，佢嘅吸收速度非常快，唔使等太耐就可以著返衫，非常方便。 總結：肌亮水潤精華乳係一款性價比高、效果明顯嘅產品，特別適合想改善肌膚狀態嘅你地☺️ 如果你都想要一個水潤亮白嘅肌膚，呢款乳液絕對值得一試！
<看全文>15
Dettol 滴露經典松木抗菌沐浴露
4.4(期間評分：4.0)
心得 2 篇
Emma W好用推薦：滴露松木味沐浴露真心好正！ 其淡淡的松木味，清新自然，適合喜歡木質香氣的人，令我睡前都令人感覺放鬆。 加上能有效清潔肌膚，又不會好乾；按一下就有豐富泡沫生成，容易沖洗，不會有殘留感，仲可以兼顧殺菌。 最重要的是，價格合理，容量較大，使用起來經濟實惠。 是非常值得人哋試嘅沐浴露產品。  適合肌膚：任何 成效度：5/5 保濕度：3.5/5 持香度：4/5 易起泡程度：5/5
<看全文>Kpl6be6好用推薦：出完成日街好需要進行全身消毒洗禮(笑)～呢支沐浴露簡直用完會令人安全感爆燈！！經典滴露香氣用落安心無比～可起出豐盈泡沫～沖完涼有感清爽乾淨～卻唔會乾到忟忟緊🫶🏻🫶🏻
<看全文>16
SABON薑橙身體磨砂
5.6(期間評分：3.9)
心得 3 篇
Kitty 好用推薦：年初入手咗Sabon Green Rose身體磨砂，之後就愛上咗！畢竟唔平嘛，成$4xx一樽，如果唔好用真係會心碎💔好彩——完全冇失望！ ✨香味首先贏咗！ 一打開就係好清新嘅綠意玫瑰香，唔係好俗氣嘅濃烈花香，而係帶少少木質+植物嘅氣息，好溫柔好放鬆～沖完涼之後陣味會淡淡咁留係皮膚上面，成個人好似被玫瑰園包圍咁，好治癒！如果鍾情玫瑰香但又怕太娘嘅，呢隻絕對可以試！ 磨砂粒子夠細緻。 之前用過一啲平價磨砂，粒子真係粗到刮皮膚……但Sabon呢款就完全唔會！佢嘅海鹽粒子幾細，沖涼時靠體溫融左佢之後輕輕打圈按摩個陣好舒服，完全冇刺痛感。尤其係手肘、膝頭哥呢啲容易積舊角質嘅位，磨完即刻滑溜咗，摸落去軟熟哂！ 💦用後唔乾燥，皮膚變得好水潤。 最驚喜係沖完水之後，皮膚唔會拮拮緊或者乾繃！因為磨砂裡面含有精油成分，沖完之後皮膚表面會留低一層好薄嘅保護油，唔黐立立，但就好滋潤。後續即使懶得搽body cream，第二日起身都依然keep到滑溜感！ ☁️整體評價：值得試！ 雖然價錢真係有啲貴，但一樽其實都好耐用（每次唔使用到好多），同埋效果真係明顯！尤其適合而家轉天氣，皮膚開始粗糙或者有啲暗粒嘅朋友
<看全文>Haha Kim好用推薦：朋友係日本買既手信，第一次用，真係好正好香，會想之後都keep住用❣️
<看全文>17
18
Cetaphil 舒特膚舒特膚潤膚乳液
5.1(期間評分：3.8)
心得 4 篇
Also melon好用推薦：Cetaphil護膚產品都幾好用moisturiser lotion呢隻係乳液質地，質地水潤，但帶點油膩。功能只係單一保濕。 因為我係混合性皮膚，如果係冬天搽上面都會有少許油膩，反而搽身體就比較適合。如果係乾性皮膚或濕疹皮膚，用面部絕對冇問題。最重要冇香料味及酒精，唔會引起敏感。除咗用於身體之外，我會用頸部，幫助頸部保濕。
<看全文>Tszki好用推薦：舒特膚潤膚膏 (Cetaphil Moisturizing Cream) 質地豐潤濃郁，但吸收迅速，不刺激、不油膩，也不會阻塞毛孔或引起粉刺。 它能有效對抗乾燥、舒緩泛紅和發癢，使肌膚柔軟光滑。許多人欣賞其無香料的特性和濃稠但不油膩的質地。採用獨有鎖水技術，經臨床測試證實能提供 24 小時甚至 48 小時的長效滋潤，有助於修護肌膚屏障。不含香料、酒精、羊脂及防腐劑 PARABEN，低敏配方，適合敏感肌膚、濕疹、異位性皮膚炎患者及嬰幼兒使用。
<看全文>19
L'Occitane en Provence櫻花潤手霜
4.8(期間評分：3.8)
心得 2 篇
莓莓好用推薦：我一直都用開 L'Occitane嘅護手霜，之前支乳木果就快用哂，去買嗰陣見到有櫻花味，因為我真係好鍾意櫻花，所以諗都唔諗就買咗支～反正都要成日用，對手係第二塊面嘛，都要好好錫住㗎！ 🌸呢支櫻花護手霜裡面有乳木果油、櫻花精華同維他命E，可以滋養同柔軟皮膚，做到保濕效果。 🌸佢係白色乳液質地，好潤但又唔似之前支乳木果咁厚身，好易推開，而且夠潤又唔油膩。個味係甜甜哋，好有春天感覺～ 🌸夜晚可以搽厚啲當手膜用，如果配合按摩效果會更加好。不過我呢個懶人就從來都冇按摩㗎啦，就咁搽勻就算～仔細嘅姊妹可以試下按摩啊！ 🌸個包裝都係粉紅色，滿足下我嘅少女心，真係有陣櫻花香味㗎～🌸🌸🌸 雖然佢保濕力就爭啲，但香港冬天絕對夠做，最驚喜係用完指甲邊緣冇再起倒刺！ 缺點都講埋： 1. 成日唔覺意撳多咗（個包裝太靚） 2. 成班同事問邊度買（變咗人肉代購） 3. 銀包長期失血（已經回購第三支...） 如果話乳木果係實戰派，呢支就係實力派偶像—— 靚得嚟真係幫到手！
<看全文>Tobimak好用推薦：L’Occitane的hand cream相信對大部份姊妹黎講都已經唔陌生。佢有好多隻味揀，而呢隻櫻花味係我最鍾意嘅味道。平時搽上手好快已經被吸收，搽完即刻聽電話都唔會揩晒落個電話度。而且價錢都合理，補水效果亦都非常之好，所以我已經回購過好多次了。
<看全文>20
Dettol 滴露ProSkin深層滋潤親膚沐浴乳霜 - 白茶花與溫泉礦物清香
4.5(期間評分：3.7)
心得 2 篇
Emma W好用推薦：最近見到滴露家庭裝做緊優惠，又未用過佢的白茶花溫泉礦物清香沐浴露，加試天氣又乾燥、凍左，所以就試下。 一擠出來，是乳白色質地，一泵出來就有淡淡的香味，淡淡白茶花混著溫泉礦物的清透香氣，像在日本溫泉旅館泡澡。用淋浴球來起泡，速度超快超豐富，輕輕搓揉全身就滑溜溜的，洗完完全不乾澀緊繃，皮膚喝飽水般柔嫩。但香味不是持續好耐，洗完幾小時後就沒有味道。冬天用完後依然感到水潤感，敏感肌也零負擔。果然買滴露系列，係冇揀錯的。 適合肌膚：任何，秋冬天時適用 成效度：4/5 保濕度：4.5/5 質地：滑滑的 持香度：3/5 易起泡程度：5/5 值得推薦度：5/5
<看全文>mysecretgarden好用推薦：滴露呢支深層滋潤白茶花沐浴露，最鍾意就係佢嗰陣味。香味唔係好濃烈、好人工嗰種，而係一種好柔和清雅嘅花香，聞落好舒服，有種好放鬆嘅感覺。沖涼嗰陣，浴室充滿咗呢陣清淡嘅花香，真係好治癒。 膚感與滋潤度 ✨ 返支嘢嘅質地係比較柔軟同幼滑，唔會好稀或者好「削」。雖然佢起泡能力唔算係超級豐富嗰種，但係啲泡沫都算細密。 洗完成身之後，皮膚唔會有繃緊或者好乾嘅感覺，摸落去係幾滑溜嘅。不過而家天氣開始凍，空氣好乾燥，對我呢種本身皮膚唔算好油嘅人來講，如果唔即刻搽返潤膚乳，淨係用佢，個滋潤度始終都係差咗少少，未夠話可以完全唔使搽lotion咁犀利。所以每次沖完涼，我都要乖乖地搽返身體 cream 先夠潤。
<看全文>