KANEBO

MELLOW OFF VEIL 舒顏盈潤卸妝凝霜

係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。

KANEBO MELLOW OFF VEIL 舒顏盈潤卸妝凝霜 $380/ 160g 舒顏盈潤卸妝凝霜添加了不少美肌成分，包括：保濕成分、抗衰老成分、抗氧化成分及鎮靜消炎等成分，美肌成分較一般卸妝產品多。舒顏盈潤卸妝凝霜的質地不是cleansing balm般的濃潤固體質地，而是比較像凝膠的輕盈絲滑流動質地，延展性極佳，可以輕鬆在全面均勻推開。舒顏盈潤卸妝凝霜清潔力強，有效徹底卸除彩妝髒污。 官方建議使用方法：乾手乾面塗上舒顏盈潤卸妝凝霜，在全面按摩後，面上的舒顏盈潤卸妝凝霜化作油份跟彩妝髒污混合，再用水沖洗乾淨便可。 使用後，肌膚潔淨透亮，柔軟嫩滑，而且不會感到乾燥，完全沒有敏感不適。 含保濕成分：甘油, 甲基葡糖醇聚醚-20, 甜菜鹼, 矽靈, 聚乙二醇-6, 聚乙二醇 400, 橄欖油, 氫氧化鋁, 聚季銨鹽-51 抗衰老成分：甘油, 維他命E, 橄欖油, 藥蜀葵根萃取 及 茯苓萃取 抗氧化成分：檸檬酸鈉, 維他命E, 橄欖油, 藥蜀葵根萃取 及 茯苓萃取 鎮靜消炎成分：維他命E, 藥蜀葵根萃取 及 茯苓萃取 美白成分：維他命E 油性滋潤成分：橄欖油 控

平時都係用開卸妝水，今次係第一次用卸妝 凝霜，即刻愛上咗！本來以為用完會油林林，點知質感好清爽，好似cream咁，好有驚喜！ 卸妝凝露香味清新，試下上粉底係手再卸走都輕而易舉，好容易卸除妝容，仲好乾淨。而且卸完唔會有油林林質感，仲有水潤感覺。個人覺得卸妝速度快過用卸妝水。用少少份量已經卸得好乾淨，最貼心係配埋枝棒用嚟刮凝露出嚟，唔洗用手整污糟成盒凝露！ 搽上粉底後：將凝露加上手：推開卸妝凝露後已見乳化狀態：沖水後好乾淨：用咗卸妝凝露一排，發現卸妝之後用導出機，導出嘅污糟物少左，證明潔淨力唔錯！所以皮膚都少左出暗粒同暗瘡。

本人係混合偏乾 有暗瘡/敏感底 卸妝霜質地係Cream狀 上面好清爽 推開係水狀 易卸 唔洗話fu一陣先卸 直接上面打圈已經會變色 而且用量都唔洗多都夠卸 一蚊銀仔咁多就夠！ 試過一般底妝都卸得好快 食色唇膏都卸到 Mascara自己就慣左會on top加mascara remover 但佢都卸到既 要多少少時間打圈溶解 同埋試過佢係唔拿眼 唔小心入眼都唔會blur曬 乳化效果好出色 凍水都搞得掂 洗完塊面係幾乾淨 但就兩頰有d「慢慢緊」 暫時用左個幾星期 唔見生粒粒 無過敏🤙🏿 其實唔用油可以卸到咁 係幾出色 相比韓國卸妝膏 佢感覺天然d 如果唔鐘意有味既朋友呢個可以pass 但我自己覺得佢其中一個出色既位係隻味 一推開 有陣花香味 唔人工 聞落係舒服同放鬆！ 的確加乘左個體驗 卸既過程係開心d🤣 整體都出色～ 用曬會回購😏🤙🏿 追加埋相 卸前卸後 毛孔出番曬黎就知幾乾淨🤣

很多謝今次這個活動抽中了我，呢個卸妝霜真係幫左我好大忙❤️ 採用 「Veiling Off 」技術。 只需輕柔一抹，即可有效徹底卸除妝容及毛孔污垢。凝霜質感如披上一層柔滑如絲的薄紗，溫柔呵護肌膚。配方蘊含高度保濕成分與低油分，清洗後油分不會殘留於肌膚表面，清爽彈潤而不黏膩。打造滋潤光滑、膚色均勻的淨澈肌膚。 試後感：沖淨後油分不會殘留於肌膚表面， 不會有油膜感，清爽而不黏膩。這個感覺會是我未來都會買的產品🫶🏻

好開心可以試用呢隻Kanebo新出嘅Mellow Off Veil舒顏盈潤卸妝凝霜。睇資料介紹，佢係一隻養膚型卸妝霜，可以速效卸妝之餘更含有5 大養膚成份，清潔皮膚嘅同時可為皮膚補水，抗氧化同促進循環，聽落真係好吸引。 包裝：黑色樽身幾精緻，掀蓋設計比較方便，最欣賞佢有支棒方便拿取適當份量使用，而且支棒係可以垂直企喺度，方便存放 質地：呢隻卸妝凝霜嘅質地有啲似布甸，質地輕柔，有少少似按摩膏，在面上好易推開，但又唔會好似洗面奶咁稀，幾鍾意呢個質地。佢有啲花香味，清清哋幾討好，唔會太香太俗。 使用感：同卸妝油一樣，要乾手乾面用。我根據包裝盒上指示，每次攞2.5cm 直徑嘅份量(即一蚊銀大)已經夠全面加頸用，因為佢好易推開，使用嘅份量唔使太多。將卸妝霜搽上面同頸，輕輕打圈就已經可以將彩妝融化，然後加小小水乳化再打圈，之後就可以用清水洗淨。 用後感：比起卸妝油，佢更加容易用水沖乾淨，完全唔會有油笠笠的感覺，而且係卸得更加乾淨(因為我習慣用洗臉巾，一沖完水再抹臉時完全沒有殘留任何顏色在巾上，證明佢能徹底卸除彩妝)。洗乾淨之後，啲皮膚摸落好滑好嫰好柔軟，無油得嚟又好保濕，好正! 持續用咗一個禮拜

抽中咗試用Kanebo 卸妝凝霜，平時膏狀既卸妝見得多，今次呢款係乳酪狀，有啲似gel cream既質地。另外聞落有花香味，個人黎講覺得係舒服同relax，呢點我係有加分。 平時主要用佢黎卸除防曬+bb cream+蜜粉，每次一小匙就卸得好乾淨，而且冇油膩感又唔會覺得太乾。連續用咗10日，冇額外用洗面奶做二次清潔，混合偏油肌都冇生粒粒，甚至覺得黑頭有少咗啲。 咁啱有一日要做姊妹，用佢黎卸濃妝都冇咩問題，但防水眼線，睫毛液同假睫毛膠水就要按摩耐啲先可以完全卸除。 總括黎講，佢清潔力幾好，每次用既份量都唔洗好多，按摩一分鐘左右就可以卸得好乾淨。對混油肌都友好，唔容易致痘。心思思想試可以去馬。

感謝cosme 抽中我試用Mellow Off Veil 舒顏盈潤缷妝凝霜。 日常缷妝習慣： 只擦防曬，會用缷妝水清潔後再用潔面乳。如果有化妝會用缷妝油缷妝，再用潔面乳。 試用天數：7天 Kanebo 的缷妝霜質地比較creamy，擦在面上很舒服。霜狀質地不會像缷妝油般流到手臂上，用起來比較方便。卸妝速度相當不錯，輕輕打圈就可以把粉底溶掉，很容易就清洗乾淨。清洗後並沒有使用卸妝膏的油膜感，清爽但不會太乾。 總體而言，我對這個產品的卸妝效果頗為滿意。唯一美中不足是香味略重。

KANEBO 呢個養膚型卸妝霜讚呀! 輕身布丁質地, 享受以掌心響面頰同前額內外按摩; 以指腹打圈按摩鼻子下巴和 眼周 嘴邊範圍, 淡淡鈴蘭花香, 感覺幾好的, 按摩卸妝嘅同時 心靈都放鬆一下~ 用後 皮膚柔軟軟 無黏笠感, 潔淨程度很好~ 對於平日多以 防曬+ 碎粉 + 唇膏 就出門口嘅我, 足夠有餘呢! 有畫眼線嘅日子, 俾多少少耐性 輕輕按壓打圈, 再加凍水都卸得走呀~ 透過 Mellow Off Veil 卸妝過程, 邊按摩 邊促進血液循環, 很好, 會回購的!

好多謝收到試用嘅機會呀！平時化妝機會唔多，所以今次係用防曬黎試個卸妝效果 質地好creamy, 似補水嘅cream質地，完全唔似瑋般其他嘅卸妝產品，感覺好新奇！ 我用嘅方法係乾手乾臉，然後就可以打圈圈咁輕輕係塊臉按摩，唔算有特別過香嘅味道，我就係中意d淡淡味道，好放鬆！ 按摩時，白色嘅gel會變粉底色/淡淡黃色（冇搽粉底嘅時候），然後就用水沖洗，一洗就好乾淨！過水後唔會乾，感覺岩岩好，係保濕但唔油，唔會覺得有層膜係臉，皮膚觸感柔軟舒服！ 我會繼續持續使用！

第一日收到已經好期待卸妝 我大約用咗一個星期，第一次用完都再用洗面奶 第二次開始就冇因為覺得皮膚已經好乾淨，清爽同水潤 平時用其他嘅卸妝油或者膏都會覺得好乾，有個一層野黐住 所依一定會再用cleansing產品 使用方法好簡單又快 以下講講我對依個product嘅評價： 包裝：黑色為主幾高貴 ，開蓋方法同spatula都好方便用 質感: 真係好creamy，好似soft cream， 好容易推開 功效： 卸妝乾淨，清爽同水潤. 眼妝都冇問題 總結： 用過咁多卸妝產品我最滿意kanebo mellow off veil 一定回購 

以往沿用的卸妝產品都是卸妝水、卸妝油或是卸妝洗面膏，不是太乾，就是太油。Kanebo這款Mellow off veil 舒顏盈潤卸妝凝霜欲是恰到好處。 先從它的氣味說起，一打開包裝，一陣清新花香撲鼻而來，清香得來不落俗套。卸妝霜以茶花調和鈴蘭及玫瑰香氣，可以在卸妝按摩面部時放鬆心情。 而卸妝霜的質地則與一般面霜質感相似，不會太乾亦不會太油，即使用上粉底及鮮色唇膏，輕輕打圈幾次，便輕易將化妝品乳化，用紙巾一抹，肌膚得以徹底清潔，而且不用覺得緊繃。 整體來說，它是一款可以輕鬆清潔妝容而不會令皮膚覺得緊繃的卸妝產品，大家如果想感受一下落妝新體驗，不妨買來一試！

過去使用的卸妝產品都是膏狀、水狀及油狀，會根據不同天氣使用不同質地的產品。今次用到Kanebo的Mellow off veil舒顏盈潤卸妝凝霜，很喜歡！它的質地輕薄，零油感，又容易卸下狀容。加上它有淡淡的花香味，整個過程都覺得好舒服。用完再過水後，感到保濕、清爽、溫和及柔軟，亦不會覺得洗不乾淨有層薄膜的感覺。此產品我會繼續使用，希望可以繼續改善膚質。

一直都想搵緊一個卸妝膏有清潔同保濕集於卸妝一身！使用五日之後發現佢清爽唔黏笠！清洗之後，面上面都保持保濕嘅感覺感覺10分良好！ 而且有四大功能！提供清爽卸妝保濕功能促進血液循環同抗氧化！真係一試就愛上

上星期喺sogo感謝祭買咗Kanebo既comfort skin wear 粉底，送咗好多試用裝，其中一盒就係呢個Mellow off veil卸妝凝霜。平時如果用卸妝油或者卸妝霜，到最後我都會再用卸妝水抹一抹，確保再冇彩妝殘留喺面上，尤其係眼妝。 我已經用咗幾日Mellow off veil 卸妝，冇一次再用卸妝水時係有抹出殘留彩妝，好堅！我用嘅份量係大約四隻手指頭嘅份量，各自點喺左右面頰，額頭同下巴，然後再慢慢推開至全面。佢嘅質地非常好推，而且帶有淡淡香味，後尾上網search發現原來係山茶花再加鈴蘭同玫瑰，三隻都係我喜歡嘅味道🫶 推開後全面按摩大約1分鐘，之後再用水沖洗，洗完之後完全冇黏立或者好乾嘅感覺，而係非常水潤清爽，好似剛搽完護膚品嘅感覺，真正做到同時清潔加護膚。 呢款卸妝凝霜暫時係我用過最好嘅卸妝產品，一定會回購！❤️❤️❤️❤️❤️ #火熱新品

乳膠狀，味道很香，令用時感覺好舒緩，塗上臉接壓，就可以令凝膠既油劑吸走彩妝污垢，使用時無磨擦感，用完過水就可以，用後好乾淨，又滋潤

好多謝@cosme抽中我試用！！！呢款MELLOW OFF VEIL舒顏盈潤卸妝凝霜質地好似布丁豆腐甘，一打開仲可以聞到淡淡的清香味，用法簡單，一過水就可以立刻溶解，用完皮膚唔乾，好滑！

多謝@cosme 俾機會我試用Kanebo舒顏盈潤卸妝凝霜 ❤️ 我嘅皮膚混合性，冬天會偏乾。年紀漸大，感覺肌膚欠缺光澤同開始鬆弛，令我好困擾！🥹 Kanebo舒顏盈潤卸妝凝霜質地柔滑清爽，全無油膜感，性質温和且潔淨力強，能深入毛孔，深層清潔肌膚，徹底落妝之餘，仲可以去除毛孔內的雜質及污垢！一啲都唔澀眼，每次落妝都係一種享受！🥰 年紀大加上捱夜，肌齡同年齡不符，皮膚老化得好嚴重，毛孔仲好大，令我好困擾！用左Kanebo舒顏盈潤卸妝凝霜一排，感覺不止落妝，仲有護膚功效，感覺肌膚柔軟細緻左，而且光澤度有所提升，為肌膚重拾久違的亮麗美肌！ 💯

面妝幾本上卸到 但眼妝麻麻地 眼線卸唔到 卸妝皮膚都唔乾 算唔錯 但呢個價位有更好選擇