KATE TOKYO

凝色柔滑眼線膠筆

Kate眼線膠筆 換季實測✏️ 順滑度：一畫流暢唔卡，筆芯軟硬適中，唔會吉眼皮。 持久度：換季時節眼周易出油，但呢支撐到成日冇化開，冇變熊貓眼！ 防暈度：試過落雨微出汗，眼線依然企得穩，只有眼角少少甩色。 小貼士：畫完後等10秒定妝，再眨眼就更持久。 總結：開架價錢抗得住換季考驗，新手老手都啱用！👁️ #換季#轉季#眼妝

購自屈臣氏 HK$95 圓頭易畫：⭐️⭐️⭐️⭐️⭐️ 偏粗：⭐️⭐️⭐️⭐️ 顯色：⭐️⭐️⭐️⭐️ 耐久度：⭐️⭐️⭐️⭐️ 因為一直用緊眼線液 但係內眼線經常性畫完之後就會化咗 所以好想要一支眼線膠筆 要用嚟畫內眼線 喺屈臣氏買咗呢支深啡色嘅Kate 眼線膠筆 啲上手好滑身 不過因為佢係圓頭 所以畫出來線條真係偏粗 可以畫得幼啲嘅 就係細力啲 但顏色同時都會淺啲 畫內眼線OK 眼尾就真係差啲 暫時未有掉色情況 Btw 佢有3隻色揀： 黑/淺啡01/深啡02 我掙扎咗好耐 決定買深啡02 因為黑色太實色 淺啡我又怕撞眼影色 買咗返屋企用呢個深啡色 其實影相睇嘅效果係接近黑色嘅 我覺得都還可以 建議購買淺啡或深啡 Btw, 之前係@cosmo 見到有kiss me 嗰個牌子嘅眼線膠筆 但係賣晒🥹 唔知有冇人推介好唔好用呢？因為呢支係易畫 好滑 但真係有啲粗 我諗唔會回購 如果用完呢支想試新嘅眼線膠筆 

BR2 咖啡色， 筆頭柔軟細小， 上妝自然， 持久度高，夏天都唔會溶。

見多人都有買咗 所以買咗嚟試下 我覺得佢都順滑嘅 而且畫上去啲顏色都幾持久同埋好容易畫 不過問題係佢個筆芯都幾容易斷 要小心啲先得 同埋佢做扭出嚟嗰下唔係好順暢

筆頭好滑好易上色，畫內眼線好顯色，但由於顯色，卸妝要用耐啲時間🤣🤣 整體嚟講幾好🫶🏻

呢支眼線筆嘅筆尖都算幼，好容易就可以畫到好靚眼線，都唔容易甩妝，幾好！

畫上眼，都幾顯色易畫，但敗筆係唔持久，夏天用左成日就好易溶，同埋會整埋落下眼線，所以都係一般

KATE眼線膠筆總共有三隻色 我呢支色號BR-2墨棕 質地非常順滑，易上色 而且不易溶，可以hold到一整日，相對地卸妝時，都要用翻眼唇卸妝液，抹多幾次。 另外一點值得留意嘅係筆芯轉咗出嚟之後不可逆轉，所以使用時每次記得只係轉少少出嚟，唔夠再轉。

拉得好長，顏色好純正，性價比亦好高，唔易脫妝quite gooddd

性價比高的眼影筆,相當易描畫,新手也可以駕馭得到 而且持久度十足,妝效keep到一整天也沒有溶掉

放咗工成面油都唔甩👍🏻值得回購😻

方便使用 價錢方面都ok 但是持久度一般 會有點溶妝 外面加多一層眼線液做會好啲

直接可以說易畫，流暢。但依然油肌苦惱問題未能解決，結果還是易溶，持久不了多久。

顏色夠黑，但油眼人不建議使用，很容易溶妝，而且質地較硬，不太容易畫

店舖試色畫係手上面正正常常，可惜買返去上眼就唔係啦。易畫亦易暈，用手都整得甩，未畫眼影就無咗啦，仲見好多人推介買咗兩隻色，黑同啡，成100蚊支。

我用既係BR-1，我平時用好多眼線筆都會溶曬係眼尾位置，但依支我冇依個問題，又易上色，順滑，一畫就有色，而且筆頭細，可以畫好幼細既線條

是畫內眼線的神器！用來畫來眼線的眼線膠筆最重要就是順滑，不然過於堅硬的眼線膠筆在內眼皮上不停地摩擦會容易感到不適，但此眼線膠筆完全沒有這個問題！畫得非常順滑，不容易斷開，綠條可以畫得非常流暢，而且筆尖比較幼，畫出的線條也可以更加精細。繪畫內眼線時，內眼角的細緻部份容易感到難以繪畫，通常是因為眼線膠筆過於粗，無法伸入睫毛的空隙來繪畫，但此眼線筆可以完美地繪畫內眼角，感到十分驚艷！ 成日購買眼線膠筆，第一個重要的問題就是顏色，市面上有一些眼線膠筆，顏色不夠濃黑，而是帶灰色的，用來繪畫眼線會感到違和，無法和眼睫毛完美融合，但此眼線筆的顏色足夠濃黑，可以足夠駕馭繪畫內眼線！ 另一個重要的問題就是暈染，本人本身是油眼皮，眼線膠筆容易在眼皮上暈染和掉色，但此眼線筆在我的眼皮上可以維持超過10小時，持久力十分驚人！

油眼唔適合，因為唔防油同汗，眼尾位會較易溶 但係夠順滑同顯色👍🏻 而且我鐘意佢既設計 佢係用幾多就扭幾多，畫既時候唔易斷

用完呢支眼線筆，出咗成日街，都唔見啲眼線有甩到🤩佢嘅CP值同呢隻牌子嘅眉粉一樣咁好呀！仲要易上色同顯色，我而家已經用緊第二支，推介大家購買！