KATE TOKYO

怪獸級持色唇膏

俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

KATE 怪獸級持色唇膏係我回購咗好幾次嘅唇膏產品,而我情有獨鍾03號暖陽奶茶色 我絕對認同呢個產品係好保濕,好顯色；我平時鍾意查一層營造有色潤唇膏嘅效果,喺無化妝嘅時候,只塗一層已經可以提升氣息,同時又唔會誇張唇色成為焦點,低調地令自己開心啲 而且我感受到佢嘅保濕技術,令到我本身偏乾嘅唇,突顯脫皮嘅情況,只會出現持久水光感的感覺 溫馨提示:因為佢係極水潤嘅唇膏,呢個絕對係佢嘅賣點,所以我從來唔會用其他唇部產品疊查上去,否則我覺得太浪費佢功用啦😂

Kate「怪獸持妝口紅」測評：薄塗厚塗都絕，沖水唔甩嚇親我！ 呢支真係「怪獸級」持妝口紅！薄塗似天生好氣色，厚塗秒變日雜水光唇，仲要成膜快、黐杯黃髮問題大減，連沖水測試都唔掉色，抵讚！ 1. 質地與妝感： · 薄塗效果：似潤唇膏嘅自然光澤，淡淡提亮唇色，素顏或淡妝必備，偽素顏心機首選✅ · 厚塗效果：即刻變身「水光唇釉感」！光澤飽滿得嚟唔油膩，日雜模特兒唇即視感，約會/打卡超上鏡📸 2. 持妝實力實測： · 成膜速度超快：塗完十幾秒開始變啞光水膜，從此同「黐頭髮、印杯緣」講拜拜👋 · 防水力驚人：試過沖水輕搓，顏色真係牢牢扒實嘴唇，食飯飲嘢只掉少少光澤，底色依然keep到！ · 持久度：日常戴口罩都冇乜轉印，省補妝時間～ 3. 色號推薦（盲入11號心得）： · 微深奶茶色：帶啲啡調嘅溫柔奶茶色，唔偏橘唔偏粉，黃皮友好顯白👌 · 日雜感拉滿：低調高級，配杏色妝容或大地色眼影簡直絕配，氣質即刻升Level💃 總括： Kate呢支「怪獸口紅」絕對係驚喜之作！尤其係成膜速度同防水力，打破咗我對水光唇妝「唔持久」嘅印象。11號色更加係日常百搭之選，低調得嚟顯氣質，盲入都無伏！

話說前排經過萬寧，見到Kate呢隻小怪獸唇膏做緊discount，忍唔住手入咗支04號色！用咗幾日同大家分享下真實使用感啦～ 💄包裝設計 支唇膏係長方管身，雖然係膠殼但係手感唔差，開合都好順暢。 💄顏色表現 04號係帶點珊瑚調嘅蜜桃紅色，薄薄搽一層已經好顯氣色，厚塗就會更加有女人味。呢隻色幾適合日常用，唔會太誇張，黃皮都可以駕馭到，睇落個人都精神啲！ 💄質地感受 真心要讚吓佢個質地！塗上嘴真係好順滑，好水潤。完全唔會扯唇紋。本身驚佢會太潤容易脫色，但其實佢持久度超高，保持到輕盈感之餘又唔會乾燥。 💄持久度 食個輕食飲嘢都keep到六七成顏色，當然食飯就要補啦～不過以開架唇膏嚟講算係好好！唯一要留意係雖然宣傳不沾杯，但實際都有少少沾杯，但可以接受。持久度已經好過市面大部分水光唇膏。 💄性價比 唔過100蚊有咁嘅質素真係幾抵玩！比起專櫃唇膏絕對唔輸蝕，而且顏色選擇又多，之後都想試埋其他色號～ 總括來講，如果你鍾意自然得嚟又有氣質嘅唇妝，呢支04號真係唔錯嘅選擇！特別推薦比學生黨同OL日常使用～

03 暖陽奶茶 04 南瓜烈酒 05 乾燥無花果 持久度：🌕🌕🌕🌕🌑 妝感：glossy 閃粉：❌ 佢個質地係潤但又持久嘅，打破平時潤就一定唔持久嘅定律😂。佢甩嘅先甩光澤、潤嗰part，但係顏色仲係stay喺嘴喥💋即使印落紙巾喥，都無乜色，好神奇！🤣🤣唇紋方面，唇紋深嘅人表示唔覺有好明顯嘅修唇紋效果，不過都冇加深嘅～☺️ 不過佢有染色效果，所以愈補唇膏，個顏色會愈濃郁。而且都要比啲心機卸妝～ 03 暖陽奶茶 我最鍾意嘅色，淺淺嘅奶茶色，任何時候唔想用腦諗搽乜之選，好白搭，基本日常妝都襯到。因為佢色號淺，愈補愈深色嘅情況唔明顯。 喜愛度：❤️❤️❤️❤️❤️ 04 南瓜烈酒 南瓜色底調嘅紅色，薄搽好顯氣色、精神，厚搽好顯膚色同牙白。呢隻色嘅妝感比較明顯，素顏搽就會有啲奇怪。 喜愛度：❤️❤️❤️❤️ 05 乾燥無花果 顏色係無花果色，有少少紫調嘅紅色，薄搽，厚搽會成熟啲，有機會顯老😗。潤澤嘅質地令佢喺陽光下閃閃發光✨✨ 喜愛度：❤️❤️❤️💕

KATE Tokyo 怪獸級持色唇膏 — 開架之中超高性價比的順滑持色之選💄 質地: 呢支唇膏質地非常順滑，上唇時好似自動融開咁， 唔需要花力氣推。 保濕度比一般開架唇膏更加出色， 如果唔係乾到起晒死皮，單用佢嘅滋潤度已經足夠， 唇紋都會被輕微柔化，妝感睇落更乾淨。 效果: 顏色嘅持久度都好唔錯，飲水會有少少沾杯， 但比起好多開架唇膏已經好得多。 上唇後顏色唔會好快走位， 保持度以日常使用絕對足夠，補妝頻率都可以減少。 系列顏色選擇好豐富，由日常 MLBB 到高調色都有， 易襯又夠實用。 以佢嘅質地、顏色同持久度嚟講， 性價比真係非常高，完全係開架唇膏入面嘅佼佼者。 總結：順滑、水潤、持色兼備的開架好選擇 KATE Tokyo 怪獸級持色唇膏用起來舒適、 水潤又夠持久，色號多之餘價錢亦合理， 無論係日常化妝定係新手入門都好適合。 平價但質素唔平價，絕對值得入手。✨

Kate怪獸級持色唇膏真係幾唔錯，一上咀就感覺到水潤又顯色，唔使疊好多層都已經好出色。佢有少少染唇效果，就算過咗幾個鐘，水潤感會慢慢退，但唇色依然留得好實，唔會甩晒或者變得斑駁。最正係佢唔會抽乾嘴唇水份，唔會令咀變得乾燥或者起皮，戴口罩都唔怕黐到成塊。 我用02色好自然，唔會太浮誇。 出街食飯都唔使成日補妝，有返啲唇色令個人睇落健康又醒神啲，包裝簡約實用，細細支放入手袋好方便。以佢嘅持久度同滋潤度嚟講，性價比真係高，唔洗貴價都可以有靚妝感。值得推介。

KATE 怪獸級持色唇膏03 質地絲滑好塗勻，高顯色X高持色X高保濕的特性 給予唇瓣滿滿的水潤感，不乾卡、不黏膩 持久又修飾唇紋，深受廣大姐妹們喜愛 03是奶呼呼的奶茶色，很低調顯白，適合秋冬 上嘴真的超級溫柔，很適合平時喜素顏或是淡妝的人呀 整體而言持色度不錯，喝飲料吸管不太有痕跡！

Kate既怪物唇膏性價好高❤️ 滋潤效果唔錯，唔會顯乾，塗上嘴顯色度高 回購了第三次，同埋推薦朋友買

KATE怪獸級持色唇膏質地水潤，滑順好塗，顯色度高，薄擦即提氣色，厚塗光澤感如唇蜜。持色力強，約6-8小時不沾杯，喝水吃飯僅掉約2成顏色，補妝不卡色。保濕效果佳，含玻尿酸，乾唇也舒適。色號豐富。缺點是外殼易沾指紋，需多試色找適合膚色。

Kate怪獸唇膏11號：我嘅年度通勤MVP 要數今年返工最常搽、最唔使用腦嘅唇膏，Kate怪獸唇膏11號絕對係第一名。 顏色同質地： 佢係一隻好通透嘅「奶咖豆沙色」，帶啲暖調嘅紅，唔會似「飲完涼茶」咁寡淡，又唔會鮮豔到唔襯返工衫。圖上係我厚擦三層嘅效果，顯色會實在啲。不過我個人更愛薄擦一層，好似本身嘴唇透出嚟嘅紅潤感，好自然嘅「偽素顏」心機。 使用感同效果： 質地真係好似牛油咁滑，完全唔扯嘴皮，乾唇人恩物。最意外係，佢咁潤，但相對其他潤澤型唇膏，算幾持久，會輕微成膜，飲完杯咖啡都仲留住七、八成顏色，唔使成日補。 總結： 如果你同我一樣，朝早爭分奪秒，又想搵支舒服、自然、提氣色嘅唇膏，呢支係「閉眼入」嘅選擇。佢就係嗰種「唔會出錯」嘅溫柔，低調得嚟又有細節，正正係完美通勤妝嘅精髓。

唇膏以開架品牌來說，KATE既唇膏真係冇得輸。 我手上呢枝係15號色，係一隻百搭既顏色，本身我唇色係偏淡嘅，我用呢支唇膏嘅時候只需要搽一層已經好顯色，望落去氣息超好。 佢滋潤度好足夠，無需要再事前用潤唇膏打底，而且啲色又唔會卡落唇紋。 總括而言，佢性價比真係超高，個價錢平到連學生黨都唔會覺得有負擔，極度推薦大家購買！

唇膏又持久顏色又有潤唇功效嘅唇膏一定係呢支怪獸唇膏莫屬！一直用開02號同03色，睇落好似好誇張，但是搽上唇之後一啲都唔誇張，反而非常自然，仲有潤唇嘅功效，唔會令到個嘴唇好乾，起乾紋。最大嘅優點就是顏色不容易甩，很持久，不會直接完全印在杯上面。

終於買到Kate 怪獸唇膏G03! 之前睇Dcard, thread, 好多人讚又好難買！竟然見到有貨！就立刻買！ 用咗之後，真係唔怪得咁多人讚！ 顏色變適合我哩啲健康膚色，唔乾又持久！同埋唔甩色！ 好想office都放返一枝！

見到@cosme推薦的唇膏，毫不猶豫就走去買了一支試吓，怪獸級數顏色持久，兼且滋潤，呢個名都真係幾特別，買咗02號淺色推薦的顏色，易襯唔會太誇張，搽上嘴之後好自然，令人精神很多，滋潤嗰層甩咗之後顏色都依然喺度，比其他有顏色的唇膏印在杯上邊紙巾上淺色很多。