CHANEL 好用推薦產品

Clara KY Chan好用推薦：我係第一次用貴價碎粉，完全出乎意料之外，效果好出色，非常鍾意！佢粉質未算最幼細但佢持妝度非常好。 一盒30g真係可以用勁耐，我自己T字位比較油，上左之後可以hold到大半日。喺冬天用佢會有少少乾同卡粉， 不過出左少少油之後成個底妝好好睇，定妝效果亦好好。

green好用推薦：今次想講講Chanel 銀管唇膏，呢個系列個名係ROUGE COCO BLOOM，我用緊110 Chance 色號。 呢隻顏色比較粉嫩，帶有小小三文魚色，有啲提氣色，唇淺同膚色淺會更加合適。雖然我膚色有啲黃，但化淡妝時候查呢隻色都好有氣色同好顯氣質，就算唇色有啲深都唔怕，因為佢質地有6成遮蓋力，比較滋潤唔染唇，易卸。唇色深搽都有提氣色既效果，唔同唇色搽出黎都唔同，所以買之前最好試試，呢隻唇膏我都幾鐘意，好春夏溫柔感覺，有機會會再買😊。

A&R好用推薦：買香水送嘅香水試用裝，呢支CHACE CHANEL 係清甜嘅花香，一開始聞落去有少少攻，隔咗一陣再聞變咗香甜，持久到OK至少有八個鐘。到咗夜晚都聞到好淡嘅花香味。清香嘅花香味適合春夏天，唔濁，有啲青春感覺，值得購入。

Fng好用推薦：甜甜的 香味，是果味加茉莉花結合而成， 營造青春而充滿活力嘅優雅。

Kitty 好用推薦：作為一個香氛控，我深信轉天氣，身上的氣味也要跟著轉，咁先可以時刻保持住好心情！近日秋意漸濃，我就即刻拎出我嘅Coco Mademoiselle～ 佢嗰種帶住花果清新同廣藿香優雅嘅氣息，一啲都唔會過於濃烈厚重，完美配合番涼爽天氣需要嘅輕盈同溫暖感。 噴上身後，感覺成個人即刻優雅起嚟，又帶點獨立自信，心情都跟住變得明亮同振奮，呢種換季嘅儀式感，絕對係我每日嘅小確幸！

Retinairis好用推薦：由於我的嘴是乾到掉渣的那款，所以用過的唇部產品絕對不少，但是我為數不多喜歡的產品。 雖然人乾，但超級討厭油膩膩的東西。 可它他不會！ 它雖然有厚度，但沒有油膜咸。 封閉性適中，但是真的有滋潤效果。 在沒有找到比他更好的產品前，會不斷回購。 因為他有重重的10g，在專櫃產品中性價比好高。 同樣價錢的唇膏只有3g左右(但有顏色) 所以真的是個寶藏單品～

lingbb好用推薦：之前冬天唇咀到甩皮，呢款balm有淡淡嘅山茶花香，睡前需要厚啲塗，唔會油笠笠，第二日個咀就冇再甩皮，個咀剛剛好滋潤，如果薄塗應該就唔夠潤。 鐘意山茶花味嘅可以試試

Nicnic好用推薦：*第一張係140疊176, 超靚!!! 佢係一支我已回購咗嘅唇膏，顯色度中等偏上，可以疊加。妝感輕薄啞緻，搽完過5分鐘就會變霧面。我最鍾意佢係搽上咀超級舒服，好似冇搽嘢咁樣，霧得嚟唔會乾！仲要唔會特別顯唇紋～但都唔會修飾唇紋。持久度方面，如果唔食嘢飲水基本上一路都keep到，如果飲水就會甩小小，食啲油嘅嘢就甩8-9成。 140 Amourex 原來呢隻色係熱賣色，係溫柔嘅蜜桃色，搽上去氣質upup 薄搽厚搽都適合淡妝。不過黃皮要小心，佢個顏色比較淺，容易顯黃。 176 Warm beige 我係已經用完一支，再回購。我大多數薄搽，係偏小小灰調嘅豬潤色。薄搽比較日常，厚搽就型啲！黃皮白皮都入得手！

popocarcar好用推薦：質地唔算乾，很容易推開。 不過好快會甩晒。 細細支容易擺手袋。

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

Kitty 好用推薦：Deep盤嘅配色睇落係濃郁嘅大地色系，有齊啞光同金屬光澤質地，一打開就覺得好適合秋冬或者夜晚出街用。 🎨 粉質同顯色度 - 粉質真係好細緻，摸落去好似絲絨咁滑，唔會點飛粉。我用刷子或者手指都上到色，好順滑。 - 顯色度好高，但唔會一嚟就一嚿嚿，你可以慢慢疊加。尤其係個深棕+金屬金色，一搽上去眼窩即刻深邃咗，個輪廓出返晒嚟。 👁️ 上眼效果同點樣用 - 點樣畫： - 我用最淺嘅啞光色打底，大面积掃成個眼窩。 - 跟住用中間嘅深棕色暈染眼尾同眼摺位，加深個層次感。 - 最後用金屬金色點喺眼皮中間同眼頭，即刻有種華麗感，個眼妝睇落更立體。 - 整體感覺：Deep盤出嚟個效果係神秘又帶啲型格，特別係夜晚去派對或者約會，真係眼神有故事嗰種氛圍。如果你係油皮，建議加個眼部打底，咁樣個妝會更持久。 ⭐ 優點同缺點 - 👍 優點： - 配色實用，一盤可以搞定成個眼妝，從通勤到夜場都用到。 - 持妝度唔錯，我試過帶妝8個鐘，都冇明顯脫妝或者結塊。 - 粉體入面有保濕因子，我幹皮用都唔會卡紋。 - 👎 缺點： - 價格偏貴，算是高階彩妝單品。

Nicole 好用推薦：白管色號914，顏色偏橘調，質地水潤和帶光澤。 本身唇色不淺不深，塗了一次基本上是看不到變化，要多塗幾次才看到唇色有少少顏色，顯色度比較低，持久度也不高，要經常補。 所以它只適合淺唇使用，整體來說它只是有色潤唇膏。

Fng好用推薦：chanel 91# 唇膏顏色夠持久，食完嘢都仲有六成顏色喺唇上面，同埋淡淡香味 ，搽上咀有滋潤感覺，唔會起死皮 ，唔顯乾紋，就算個嘴狀態差， 搽上去都即刻修復嘅效果。

Amyloid Li好用推薦：色號方面偏黃少少，持久效果都OK ，不過控油效果好似冇咁出色，需要用定妝噴霧定妝比較好

CandyLiYing好用推薦：氣墊粉底顏色號BD21，粉底色上臉有點偏白，粉底透亮，睇上去有果凍感覺，可能自己混合偏油性皮膚，到中午需要補小許粉，屬於自然色調