L'Occitane en Provence

蠟菊煥活雙效精華 [新升級配方]

#火熱新品 🕒使用時間：持續使用三天 💆🏻‍♀️個人皮膚狀況：混合乾性肌膚 使用產品後沒有任何過敏反應 呢個系列一直係L’Occitane嘅皇牌產品之一，精華嚟講算係中等價錢，雖然未可以講話性價比好高，但係精華用嘅份量唔多，一支細瓶都可以用到好耐🤣 呢款精華嘅保濕同收毛孔效果顯著，最重要係使用天然低敏配方，亦係呈啫喱狀，用落唔厚重亦唔油膩，易推易吸收👌🏻 但相比起普通版，我認為呢款升級更適合晚上使用，尤其是喺冷氣房，可以比肌膚慢慢吸收同幫肌膚成晚做保濕💧 🙌總結評分🙌 產品質地：♥️♥️♥️♥️♥️ 保濕功效：♥️♥️♥️♥️🤍 平滑肌膚：♥️♥️♥️♥️🤍 推薦程度：♥️♥️♥️♥️🤍

多謝@cosme 抽中我試用全新升級 L'Occitane 蠟菊煥活雙效精華。 精華質地好似啫哩狀，容易推開，推開之後感覺比較水感，保濕得嚟清爽唔黏笠，感覺比較適合夏天用，精華有淡淡嘅菊花香，聞落感覺好清新。 本人皮膚係乾性敏感肌，長期係室內有冷氣既地方下，試用咗尼個精華2星期，最明顯既分別係皮膚比之前明亮有光澤，冇咁暗黃，氣息好咗，其他方面感覺沒有太大變化，可能要再用多一段時間先感受到，整體嚟講係不錯嘅，但以價格嚟講，性價比不高。

一直都有斷斷續續使用L’OCCITANE嘅產品。感謝@COSME嘅邀請，很開心有機會抽中試用升級版蠟菊煥活雙效精華。 以前都有用過這款精華，但本人皮膚屬於混合性，冬天用的時候會覺得很適合，用完感覺皮膚很光滑滋潤，還很喜歡它淡淡的蠟菊味道; 到夏天用的時候，因感到T字位出油，所以係夏天會停用。 這款新的升級版剛好係我旅行前收到。最初幾天係香港30度左右的高溫試用下，這款升級版給我另一種體驗。升級版更能減淡幼紋，令毛孔變細，用後沒有油膩感覺，皮膚很快便吸收。因效果顯著，於是我帶埋去旅行用；歐洲天氣比較熱和乾燥，用後上妝更貼服。這支升級版一年四季都適用，日後用完這支定會回購。

之前都有用過L’occitane的洗護系列，不過就未用過同品牌的護膚產品，所以今次好幸運地首次試用到L'occitane的蠟菊煥活雙效精華，謝謝@Cosme和L’occitane。 淺黃色gel狀的精華入面有好多黃色珠珠，推開會溶化，塗在臉上感覺非常輕薄清爽又唔油膩，保濕效果好，用了精華第二日上妝都很貼服。 持續使用半個月，覺得肌膚整體水潤有光澤了，不再乾燥，而且細紋及毛孔都有減淡，肌膚狀態變得穩定。

很高興可以抽中試用L'Occitane新升級蠟菊煥活雙效精華。樽身外型好靚，漸變顏色嘅玻璃樽，打開蓋里面係泵頭設計，每次撳2泵已足夠搽勻全面，質地透明帶有黃色精華粒子，味道似清新菊花香味，精華質感唔厚身，搽完好快吸收，即時保濕，皮膚水潤度同光澤度都提升咗，用咗一排感覺肌膚彈性好咗，比以前光滑咗，全日到保持水潤嘅感覺，值得回購。

首先多謝 @cosme 抽中我試用今次全新升級 L'Occitane 蠟菊煥活雙效精華 而家香港處於濕熱天氣，而且係室內都係開冷氣。 皮膚經常出汗令到易敏感+乾， 用左兩星期後，皮膚明顯保濕度有所提升，朝早起身明顯感受到皮膚有飲飽水。另外原本面頰比較乾同敏感，下顎線會乾到痕，呢個精華有小小舒緩到呢個情況。 產品質地十分清爽，推開後好水潤唔黏笠。 只不過產品味道頗大，如果對氣味布要求可以建議去專櫃試一試先，本人就幾鐘意呢個草本香味。 

多謝@cosme提供全新升級版蠟菊煥活雙效精華 官方介紹新升級配方蘊含100%天然有機蠟菊，配合其他植萃活性成分，帶來比上一代更強的活膚功效，包括促進肌膚自我修復、強化肌膚屏障，敏感肌也適用 升級版蠟菊煥活雙效精華可以看到裏面帶有黃色蠟菊微精華粒子，質地偏輕身，推開後感覺到清爽，精華粒子會溶化，上臉吸收速度好快，而不會覺得笠痴痴，氣味也覺得舒服，是天然植物的香氣 使用精華後，感覺到皮膚更保濕，即時看到一些小細紋有減淡，而且皮膚更有光澤，看起來更飽滿，肌膚水油平衡更穩定 因為我的皮膚薄，容易泛紅，在使用一段時間後，平時洗面後會出現的泛紅敏感有所舒緩，皮膚變得更有光澤，更水潤，感覺平時護膚的功效更加顯著，膚色更有明亮感，膚質更平滑

感謝@cosme邀請試用，由於我本身都是比較容易敏感同乾，所以平時揀護膚品都偏向保濕為主，而呢個品牌，我暫時只用過潤唇膏，都非常好用。 今次試用呢款精華，質地好易推開，從我幅照片睇到仲有萃取物，仲有淡淡既清香味，通常晚上搽完，第二朝早上睇落更有光澤，上完妝都好保水，唔會點甩，補少少碎粉就ok。話說早兩個星期有粒好大既暗瘡係臉度一直唔退，搽過暗瘡膏後都仲有紅印，但連續幾日都有搽呢款精華，粒暗瘡好似變得暗左同埋無咁凸，因為而家夏天，成日出汗同油，呢個精華質地唔算太笠，爽爽地幾啱我，不過都要係秋冬季試埋，睇下會唔會可以持續保濕同呢兩個星期修復到我粒暗瘡。

感謝@cosme邀請試用，由於我本身都是比較容易敏感同乾，所以平時揀護膚品都偏向保濕為主，而呢個品牌，我暫時只用過潤唇膏，都非常好用。 今次試用呢款精華，質地好易推開，從我幅照片睇到仲有萃取物，仲有淡淡既清香味，通常晚上搽完，第二朝早上睇落更有光澤，上完妝都好保水，唔會點甩，補少少碎粉就ok。話說早兩個星期有粒好大既暗瘡係臉度一直唔退，搽過暗瘡膏後都仲有紅印，但連續幾日都有搽呢款精華，粒暗瘡好似變得暗左同埋無咁凸，因為而家夏天，成日出汗同油，呢個精華質地唔算太笠，爽爽地幾啱我，不過都要係秋冬季試埋，睇下會唔會可以持續保濕同呢兩個星期修復到我粒暗瘡。

好多謝cosme 抽中左試用 以前曾經用過loccitane, 可能當時仲係青春期 感覺唔適合用。 估唔到踏入三十歲， 皮膚護理就唔可以淨係保濕 控油。 呢支蠟菊煥活雙效精華 味道十分清香， 聞落好舒服，令人好想一搽再搽。 質地輕盈，雖然有油既成份，但一啲都不油膩。 反而令皮膚更有光澤，唔會乾。 持續使用2星期，覺得皮膚穩定左，健康左，唔會再因為乾燥，出現啲紋。 光澤度有提升，好滿意保濕水潤而不笠。 好滿意！的確會再次回購。

顏值超高嘅一支肌底精華！ 入面一粒粒嘅黃色珠珠，其實就係蠟菊微精華粒子~ 有效強效抗氧化，提升肌膚防禦力，促進微循環，提亮膚色~ 配合埋其他主要嘅🌼草本成分，可以調整肌底狀態，驅走倦容~ 舒緩同埋修護日常壓力影響嘅肌膚，從而回復彈性重拾亮麗光澤✨✨ - 個人幾鍾意佢個蠟菊嘅香氣，係一種如蜜甜嘅草本香~ 質地畀我想像中更清爽水潤，而且推開後非常快就吸收👍 後期再疊加護膚品都唔會覺得厚重~ 而由於我係經常性唔瞓覺，咁我覺得用咗佢之後皮膚係明顯keep 到有光澤感~ 同埋如果覺得特別謝，肌膚質素特別差嘅日子，需要到急救的話~ 我會將佢搽厚少少，再用花水進行5分鐘濕敷~ 即刻醒神曬，後續上妝都唔怕卡粉👍👍

多謝 @cosme邀請試用💁🏻‍♀️新升級嘅L'Occitane 蠟菊煥活雙效精華～穩定肌底狀況～一夜喚醒肌膚～幫Be抵抗倦容💪🏻💪🏻 . 🌼L'Occitane 蠟菊煥活雙效精華🌼 30ml HKD 590 ✨加入法國獨特專利成分 - 蠟菊奇跡抗壓萃取 ✨以即時舒緩泛紅及繃緊肌肉，促進肌膚復原，有效提升肌膚內在修復力與外在防禦力 . 💁🏻‍♀️使用方法：早晚分別塗抹在剛潔淨之肌膚上 . 🤗🤗用後感：精華質地非常輕盈～而且清爽兼一啲都唔油膩～連夏天使用都冇覺得痴笠笠～使用後翌日～肌膚明顯睇上去更有光澤感～堅持持續使用2-3星期後～有感皮膚嘅暗啞及粗糙情況有所改善🥰肌膚顯得更光滑&閃閃發亮～而且皮膚仲少咗敏感狀況出現添!!

好開心可以收到L'Occitane蠟菊煥活雙效精華試用，之前一直都好想試，今次終於有機會😍 首先呢支精華質地方面好水潤，揸上面完全唔會有黏笠感，但同時又會有保濕既感覺，好啱係而家呢啲天氣使用👍🏻 不過呢款精華香味相對嚟講濃烈咗少少，不過味道係舒服嘅，我個人就好接受到 用咗大概兩星期，feel到皮膚穩定咗好多，除咗改善到啲乾燥甩皮問題外，最明顯係就算前一晚捱完夜，第二日塊面都有光澤👍🏻塊面脹卜卜，好似好精神嘅感覺🤩

好幸運收到@cosme的試用邀請🥰全新升級 L'Occitane 蠟菊煥活雙效精華。 質地似黃色啫喱狀，一搽上面非常水潤，一點也不會油淋淋，好輕盈。搽完皮膚唔會黃黚黚。菊花嘅味道好香好特別，感覺好舒緩，搽上面即刻好吸收。個人認為就算其他功效不突出，凈係呢個質地同味道已經值得繼續用。😍 使用精華的時候額頭上的皺紋即時明顯淡了，皮膚即刻飽滿好有光澤，唔會好乾好殘。第二日見到皮膚有些少油光，保濕程度非常高。 本身的膚質係混合乾性皮膚，皮膚好容易乾，需要長期用保濕嘅產品，但係通常只係搽咗即時有效，洗咗面又乾返，估唔到呢支精華就算洗完面皮膚都依然好水潤保濕。 未用之前額頭上的抬頭紋好明顯，用咗一個禮拜後已經覺得冇咁深刻。 雖然價錢有些少略貴，但係一分錢一分貨，功效明顯，值得再購入長期使用。 

L'OCCITANE 皇牌精華液 Oil-In-Serum 再升級，持續使用了十四個晚上，皮膚滋潤感覺明顯提升，皮膚紋理變得不明顯。 淡淡透明黄色精華液，帶點點深黃色油份，中度流動性。塗抹到面上很順暢，而我們的體溫有助油份快快混合到精華液中，為皮膚帶來即時的滋潤效果。由於精華液帶點油份，係乾肌很喜歡的滋潤感❗潤澤又不會感覺油膩，這個配方做得剛剛好👍 夏天常常開冷氣入睡，皮膚水份容量抽走。晚上使用這枝精華，感覺皮膚表面會築起油膜，保護皮膚。早上醒來，皮膚表面還有滋潤效果，感覺飽滿。連續使用十四晚，皮膚明亮度有提升，毛孔略有收細。 舊版的香味有點 over powering，這次升級大大改善了香味的部份，草本花香味自然不刺鼻，讚！

感謝cosme邀請試用 L'Occitane 歐舒丹的全新升級版「蠟菊煥活雙效精華 」精華呈啫喱狀，裏面有些黃色的小珠，似小爆珠，感覺有趣。聞落有淡淡蠟菊的清香味道，是我喜歡的味道，有療愈的感覺。 洗完面後，揼些少精華直接搽上面，再在面上打圈按摩，精華很快便被皮膚吸收，皮膚即時好似飲左水一樣，搽完又不會有黐立立嘅感覺，能有效舒緩繃緊的皮膚，保濕效果甚佳。 持續使用精華2星期後，肌膚變得更有光澤和細緻，也不再乾燥，更能淡化和撫平面部細紋，使皮膚更健康和穩定。

呢隻精華係Oil in serum,唔係液體既精華,有少少似gel狀,但質地一d都唔會覺得好油好厚重,反而係清爽。 而佢本身都有一點點既香氣,感覺好舒服。 本身皮膚因為我有用果酸煥膚而有些少甩皮同泛紅,使用呢支精華後,皮膚泛紅既範圍改善了,而且無再甩皮。 最近都懶於敷面膜，係office工作又容易令皮膚乾、缺水。使用呢支精華後，即時感覺到皮膚都很水潤,無咁乾燥。上面後都好吸收，佢保濕既功效感覺唔錯。 呢支精華可以穩定皮膚,皮膚整體的光滑度都有改善。

我之前拎返屋企試用版係呢幾日終於試咗，好驚喜呢款精華好好高保濕，搽完皮膚係濕潤濕潤狀態。

非常好用既精華 快吸收 容易推開 清爽吾笠 氣味清香舒服 一年四季啱用 長期使用可保持皮膚穩定

之前一直用開蠟菊肌底精華,都感覺對皮膚好左，保濕度高;而家轉第三代,用落真係感受到清爽左同快滲透左,提亮效果亦都高左,十分推薦👍