Sulwhasoo 雪花秀

第6代潤燥再生精華 (人參精華肌底液)

Sulwhasoo First Care Activating Serum VI 雪花秀 潤燥再生精華(第六代) $630 / 60ml + 8ml x 8pcs (Black friday Sulwhasoo Online Shop promotion only) 不經不覺潤燥再生精華已經來到第六代啦～ 而我也是愈來愈喜歡使用潤燥再生精華， 昇級版的第六代潤燥再生精華比上一代更好用， 試用過就愛上，即時變成鐵粉了。 蘊含大量美肌成分，如：保濕成分、抗氧化、抗衰老及鎮靜消炎等成分。 潤燥再生精華(第六代)的質地非常水感清爽，適合不同膚質使用，延展性亦很好，可輕易在全面推開按摩，而且即時被肌膚吸收，完全沒有黏笠感。使用後，肌膚更加保濕水潤，而且膚況更穩定，並且具提亮功效。 含保濕成分: 丁二醇, 甜菜鹼, 雙-PEG-18 甲基醚二甲基矽烷, 黃芩根萃取, 乙基己基甘油, 角叉菜, 蜂蜜, 戊二醇, 生物糖膠-1, 丙二醇, 梅果萃取 及 氫化卵磷脂 抗氧化成分: 黃芩根萃取, 可哥萃取, 蜂蜜, 羥基積雪草甙, 地黃根萃取, 甘草酸鉀, 乙基維他命C, 牛磺酸

🤍 質地同吸收度：4.5/5！雪花秀再生精華第6代延展性極高，少少夠搽全面，推開後好快被皮膚吸收，吸收後皮膚好水潤，摸落去又軟又滑！ 🤍 修復效果：5/5！用咗一段時間，覺得皮膚彈性同光澤感有明顯提升～原本暗沉同粗糙嘅位置變得細緻咗，膚質整體穩定好多，夜晚用第二朝起身塊面依然水潤飽滿✨ 🤍 晚間專用：4/5！由於精華營養豐富，同我嘅日間防曬/粉底有少少「打交」情況（容易搓泥），所以我會專登留喺夜晚用～咁樣反而更好發揮佢修復同滋潤效果！ 🤍 溫和度：5/5！成分溫和，敏感肌用都完全冇問題～淡淡嘅草本香味好療癒，用完覺得成個護膚過程好享受～ 總結： 雪花秀再生精華第6代絕對係夜間修護嘅高手！雖然唔太適合妝前使用，但夜晚用就可以享受佢帶來嘅彈性同光澤感😎🥹～持續使用真係會覺得膚質提升咗一個層次，已經成為我晚間必備嘅修護伴侶！推薦比乾肌、輕熟齡肌，或者追求修復同滋潤嘅你！

雪花秀第六代潤燥精華 升級版值得入手 ✨ 質地與吸收度 第六代質地更輕薄如水，推開瞬間吸收，完全唔黏膩！相比第五代嘅微稠感，新版更適合香港夏天，T區零負擔，兩頰保濕度足夠，後續疊加護膚品都唔搓泥～ 🌟 修復與去黃效果 主打雙倍活性成分，試過熬夜後用，膚色明顯冇第五代咁暗沉，鼻翼泛紅改善得快過舊版！中藥味比第五代淡咗，怕濃味人士更易接受😍～ ⚠️ 局限性 價格比第五代貴約15%，但效果未算翻天覆地。極乾肌可能覺得保濕力稍弱，要疊加保濕精華～ 🆚 第六代 vs 第五代 · 質地：第六代更清爽，第五代較潤澤 · 吸收度：第六代秒吸收，第五代需按摩數秒 · 去黃力：第六代提亮更快，第五代需時較長 · 香味：第六代藥草味較輕，第五代較濃郁 · 價格：第六代約$780/90ml，第五代約$680/90ml 💡 使用心得 混合乾肌可以洗面後直接用，按2泵全面拍打，即時軟化角質！妝前用可令底妝更貼服。建議趁韓國免稅店優惠入手，價錢平近30%～ 推薦度：★★★★☆（4.5/5，升級效果明顯，但定價進取！） 適合：暗沉肌、熬夜族、追求清爽前導精華嘅混合肌～ #雪花秀潤燥精華 #第六代

雪花秀的潤燥再生精華，由第5代開始用起，用到依家都冇轉過。其蘊含人參精華，能迅速滲透肌膚，強化肌底屏障，改善乾燥、暗沉及細紋等初老跡象。 一pump出來，會有淡淡的人參味。其質地輕盈水潤，吸收也快，就算夏天使用都不黏膩，能瞬間補水，令肌膚透亮有光澤，同時提升後續保養品吸收力。 最佳使用方式為洗面後1分鐘內搽，輕拍按摩至吸收。因為依段時間係肌膚最佳吸收時間。長期用後，感覺肌膚更水潤、透亮，細紋淡左，感覺膚色更健康。 適合肌膚：任何 成效度：4/5 保濕度：4/5 吸收度：5/5 質地：gel 狀 值得推薦度：5/5

秋冬轉季必備肌底液✨ 洗完臉後 用呢枝肌底液打底 可以令之後上嘅skincare吸收得好啲 質地好快吸收 已經empties咗幾枝👍🏻

作為敏感熟齡肌的保養夥伴，雪花秀潤燥再生精華給我的體驗遠超預期。它的輕透質地瞬間吸收，毫不黏膩，溫和的草本香氣更是一大療癒。 最驚豔在於其「前導」效果，使用後續保養品的吸收力顯著提升。它彷彿為肌膚打好穩定底子，長期使用下來，我發現換季時的泛紅、乾燥問題獲得顯著改善，肌膚變得更強韌、飽滿，透出健康光澤。 若你同為敏感肌，並苦於保養難以見效，這瓶能從根本調理的打底精華，絕對值得一試。

質地非常輕盈 有淡淡既藥材味 搽完好快就吸收哂 洗完面即刻用佢 有效咁即時保濕 都可以加強後續護膚品既吸收

氣味很好聞。冬天用感覺滋潤，夏天應該會比較腍，不太適合。冬天乾的天氣可以加強護膚品的滋潤。 

之前已經買過上一代好鐘意，啱啱又拎到最新一代。就算只係15ml會員禮物，成個樽都做得好認真。同上一代一樣係好香嘅人參味，我覺得比起上嚟呢一代吸收得更快，摸落更清爽，更適合用嚟做導入精華。呢一代更適合混油至油肌用，因為佢嘅質地真係好輕盈，所以一年四季都可以用，持續用咗一段時間就算最近溫差咁大皮膚都維持都好穩定。

官網買的試用套裝其中一枝，第一次用即時可以俾皮膚吸收晒嘅肌底液，好鍾意佢淡淡嘅人蔘香氣，令人心情舒暢，用左幾星期，抬頭紋變得無咁明顯！遲啲會買大枝裝嚟用！

我係雪花秀嘅忠實用家，第六代明顯保濕程度更高，質地更水潤，一搽上臉唔洗兩秒就吸收曬，輕盈無負擔，夏天用真係會令到皮膚更佳通透水潤有光澤，我已經用咗一段時間，明顯睇到皮膚嘅細紋有減淡，我通常係早晚都用，質地非常容易推開，用完呢款精華就算後續要化妝都幫助到成個妝更加貼服，用完之後令到我嘅皮膚望落更加健康，但價錢偏貴小小 @cosme #火熱新品。 #火熱新品

Sulwhasoo 潤燥再生精華，人參味淡淡的不會太濃烈令人不舒服，質地好薄身，真係做肌底液會比較適合，保濕力不會太足夠，但用完皮膚有光澤，皮膚狀況穩定。

第六代感覺更滲透同無負擔，味道淡淡地，唔算濃味，皮膚唔舒服用佢，好快穩定返落黎，搽上面好快吸收晒，保濕滋潤，睇落更細緻有光澤

雪花秀第六代既肌底精華液明顯比之前好用，吸收得好快又滋潤，好啱夏天用，皮膚紋理覺得有少少改善~

一打開已經聞到一浸淡淡嘅人蔘味，唔算特別臭，對於我嚟講係可以接受，因為本身我自己唔太鍾意中藥或者人蔘嘅味道。 咁用完之後見到額頭啲細紋係淡咗啲，不過搽緊嗰陣就唔太吸收，要按摩一陣先吸收到，同埋覺得有啲油。 如果對中藥味唔反感的話都可以一戰

呢個係我送俾自己嘅生日禮物， 搽上塊面嘅感覺好舒服，護膚程序第一步就搽咗佢先，令之後搽嘅護膚品更好吸引👍 用晒會再回購

因為我夏天出遊都幾嚴重，所以都十五十六到底用唔用雪花秀，感覺上雪花秀好似係比一啲上咗年紀需要滋潤嘅人用，擔心會爆瘡，結果呢一隻精華保濕得完全唔油，亦都唔會爆瘡，吸收得好快添。我以為會好重藥味，結果係淡淡嘅人 蔘味

間斷地用過第四及五版，今次買第六版試用，明顯比之前更為滋潤，質地亦比以前杰身，流動性無咁強，但吸收力不變，依然好快可以吸收哂。 味道係淡淡的人蔘味。作為肌底液能做到無負擔嘅效果，之後再搽精華亦唔會覺得厚重。用一排之後有覺得吸收力好啲，皮膚細緻咗，可回購。