我通常係對住成日電腦對眼好乾好攰，或者夜晚瞓得唔好嘅時候用。一拆開包裝就已經感覺到佢慢慢發熱，溫度同我哋平時用嘅暖包差唔多，暖暖哋但又唔會燙親塊面，敷上眼嗰陣真係幾舒服。個設計都幾貼面，唔會話好易跌落地，可以一邊敷一邊做其他嘢。 佢個發熱效果大概維持到20分鐘左右，時間算係幾足夠，敷完之後對眼真係會鬆咗好多，無咁繃緊。有次我試過臨瞓前用，感覺仲正，個暖意幫我放鬆晒成個人，特別好瞓。不過如果發熱時間可以再長多10分鐘左右，咁就更加完美啦。 雖然佢無咩護膚功效，但係作為一款純粹用來放鬆同舒緩眼疲勞嘅產品，已經好足夠。特別係而家成日要對住手機同電腦，對眼真係好需要呢種簡單嘅放鬆。

呢個牌子嘅眼膜有好多款香味可以選擇，相信總有一款會適合你，而我自己就比較喜歡清新啲嘅柚子味。一盒12片，獨立包裝，方便拎去旅行、出行都冇問題。拆開包裝之後，眼膜就會慢慢變暖，敷上眼都真係好舒服，聞到柚子嘅味道令人覺得好放鬆，可以幫助入睡。温度可以keep到20分鐘左右，除低眼罩明顯見到眼部四周濕潤咗，對眼部肌膚有補濕功效。一星期用兩至三次，用咗一排，覺得雙眼周圍血液循環好咗，黑眼圈亦淡咗，真心覺得唔錯。

對比同系列眼膜，柚子味絕對係最好聞的一款！🍊 呢款眼膜嘅設計同其他味道一樣，非常貼心， 適合唔同面形，使用起嚟方便又舒適 但柚子味真係最突出，令人愛不釋手！ 柚子香味清新又自然，冇化學氣味， 散發住淡雅嘅香氣，令人心情放鬆， 特別適合用嚟助眠或者減壓 相比其他味道，柚子味更加令人舒心，一聞就覺得好治癒！ 當我失眠或者眼睛感到乾嘅时候， 用眼膜熱敷加上淡淡嘅柚子香味可以快速舒緩心情， 幫助自然入睡 同時，溫熱效果有助消腫同舒緩眼部疲勞，真系好正！ 🤣