Canmake 八色眼影盒 Petit Palette Eyes — CP 值極高嘅百搭色 ✨ 質地： 呢款眼影一盒有8色，但體積細細盒，帶出街補妝非常方便。 粉質摸落去幾細膩，唔會有粗糙感， 用手指或者附送嘅雙頭眼影棒上色都幾順滑， 發色度適中，唔會話一畫就太重手，幾適合化妝新手或者鍾意日系清透感妝容嘅人。 效果： 我入手咗 01 Plume Flower 呢款色號， 入面嘅配色好百搭，係溫柔嘅珊瑚櫻花色調。 無論係返工想化個低調嘅妝，定係放工去玩想加深輪廓， 呢盒嘅漸層色都做得幾到位，好容易就襯出一個有層次感嘅眼妝。 最令我驚喜係入面嗰格閃粉色 佢粒閃粉做得幾精緻，點喺眼皮中央或者臥蠶位置，個眼妝即刻變得好精緻。有時我仲會偷懶用埋佢做highlighter lol 以呢個價錢可以買到咁多隻色，仲要質素唔差，性價比非常高。 缺點： 不過因為佢追求輕巧，所以每格眼影嘅面積比較細， 如果平時慣咗用大眼影掃嘅話，可能會覺得有啲難拎粉。 另外，雖然閃粉好靚，但如果冇用眼影打底嘅話， 到咗下晝可能會有少少跌粉嘅情況，建議加埋 primer 用會更持久。 總結：方便攜帶、色調實用，值得入手嘅平價眼影盒 Canmake 呢盒眼影細細盒但功能強大， 01 號色係平日返工、約會嘅必備。 特別係閃粉格真係好吸睛， 係一款可以用平民價錢就買到精緻眼妝感嘅好物 ✨

Canmake嘅product不嬲都超靚！呢個耀目優雅八色眼影盤#03 好靚好上色，粉質都唔錯，非常適合日系粉紅眼妝，細盒方便帶出街，適合新手嘗試。

Canmake淚袋眼影02，真係打造 「天生水光眼」 嘅王牌。 效果同質地： 顏色係好淺嘅香檳粉金色，最大賣點係帶藍紫偏光嘅細閃。上眼唔會顯色，只會留下一層好貼服、好似淚光嘅濕潤光澤，瞬間令臥蠶嘭起，眼仔睇落更圓更大、更有無辜感。粉質軟糯，唔飛粉。 用法（心機步驟）： 1. 核心：用附送掃頭，輕輕掃喺下眼線前三分二（黑眼珠對落）嘅位置，範圍要窄。 2. 升級：可以順便帶少少去眼頭提亮，視覺上開眼。 3. 秘訣：一定要係完成所有眼妝（包括眼線、睫毛）之後，最後先上。咁樣光澤先會最乾淨、最突出。 優點總結： · 效果自然：零技巧，新手都輕易掌握。 · 一物多用：可作精細高光，用喺眉骨、顴骨頂點。 · 性價比高：細細盒極耐用。 要注意嘅位： · 如果你追求歐美妝那種強烈閃爍或飽和顯色，咁呢款會太含蓄。 · 大油眼或黑眼圈極重嘅朋友，建議先好好定妝同遮瑕，否則光澤可能會同油光、暗沉融為一體，顯邋遢。 結論： 佢係日系自然妝嘅教科書級產品。想要一種「佢對眼點解咁亮咁精靈？」嘅心機效果，而唔係「睇下我搽咗閃粉」嘅誇張妝感，咁02號絕對係不二之選。百零蚊有找，值得放入化妝袋！

平時我出街會用佢黎畫淚袋，呢隻係1號色，入面隻隻色都好有用，用佢可以輕易畫出臥蠶，令眼睛望落有種可憐的感覺。 質地方面，佢係非常幼細，上眼後都好貼服，唔會好易甩妝。 色澤方面， 佢有一種低調的珍珠光感，高級得嚟唔會誇張，一細盒便能夠打造自然的妝容。 而我覺得佢美中不足就係冇鏡，所以我將佢拆咗落呢個doremi扭蛋鏡盒度，令化妝過程增加了一份儀式感。

粉質唔錯，顏色偏橘，深色部分可加深眼線，非常上色而且持妝唔錯，但係唔小心太重手容易顯腫。適合日常妝，上色快捷方便。

今次係05色號，大地色系，一搽很顯色，無色差，無閃粉既眼影，日常很常用到，Canmake 既眼影都好輕身同有刷具，好方便旅行出門

之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調、自然又容易控制嘅返工眼影，Canmake呢盒霧面真係一個好好嘅選擇，性價比非常之高。