ESTEE LAUDER

持久防曬粉底 SPF10/ PA++(已停產)

非常貼服自然 容易推開顏色跟肌一致 而且有防哂遮瑕美效 質感非常幼，細一支能夠做到乾濕兩用

【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。

呢枝dw係眾所周知遮瑕度極高，而且係十分之控油既粉底，亦都係我第一支用嘅粉底。當初買係因為佢遮瑕能力，但對於乾性皮膚嚟講，一定要做好妝前保濕，如果唔係會容易卡粉，尤其係法令紋，冬天亦都唔適合用。 所以買咗之後基本上都係夏天先會用到呢支粉底，佢嘅好處係會掹到皮膚好實，唔驚會脫妝，但係亦都因為咁，隨着時間會越嚟越乾，呢樣嘢應該會十分適合混油/油性皮膚使用，下面係我夏天使用嘅狀態，出街大約兩三小時就會卡粉，需要補妝。 呢枝粉底未必好適合我呢種乾性肌膚，所以我未必會回購，但我會推薦混油/油性皮膚使用，因為佢控油能力同埋遮瑕度都真係好好！

呢枝超長持久，真係黐到實一實！出街10個鐘都唔溶妝，T位少少出油但唔會斑駁，適合香港濕熱天氣。 佢既遮瑕度十分高，一層已經蓋到7-8成毛孔同暗瘡印，慳返遮瑕膏步驟，啱晒懶人。 佢啞面後係半霧面妝感，望落皮膚好「乾淨」，唔會反光到好似油面。 缺點係保濕度一般，如果面頰本身乾，唔做好打底可能會卡粉（尤其鼻翼同法令紋位）。 而且妝感較厚，追求「偽素顏」嘅人可能會嫌佢重手，建議薄薄一層推開，或者混合精華油用。 注意係質地乾得快，上妝要分區快手拍開，唔係會「黐埋一嚿嚿」。

#ESTEE LAUDER Double Wear Stay in Place Foundation 用過幾隻粉底液，覺得最適合自己嘅都係ESTEE LAUDER嘅底妝產品，持久度、貼服度最高，色tone都好自然。我呢隻係N01號色，粉底液本身有SPF10，輕微嘅防曬功效，呢一點都有加分。我一般都係會用美妝蛋上粉，比起用手更貼服更輕薄！ Before:After: 係無再加遮瑕嘅情況下都有明顯膚色亮白左、均勻左，同已經cover左細微瑕疵，like! 🫶🏾🫶🏾本身係混合油性肌，好容易浮粉，過左幾個鐘/出汗就會有吾貼服嘅情況出現，但呢隻粉底可以幫到我hold得吾錯。上面後就算未上定妝都吾會更笠💓所以如果要出街、多戶外活動嘅情況下都會用呢隻粉底。

本身都係易出油既膚質，特別夏天基本上半日T字位爆曬油，fundation + 碎粉都係用開控油款式。 但係estee lauder呢款fundation真係太太太乾。有上網爬文知道係會好快變霧面，所以特登快速地薄搽一層。用後未上粉，已經見到眼肚乾紋變得非常明顯，面頰即刻甩皮。成塊面都有抽乾左，"la"埋一舊既感覺@@ 見網上評價都推薦佢既控油持妝能力、同埋遮瑕度高。我諗會比較適合大油皮夏天使用，又或者混油皮淨係用係T字位。

Estee Lauder Double Wear Stay-in-Place Makeup 持久防曬粉底 Spf 10 Pa++ $435/ 30ml Estee Lauder Double Wear 粉底 一向持妝特別出色，不需補妝。 妝感做到透薄自然， 使用感舒適輕盈不厚重不焗束。 擁有中至高的遮瑕度，而且可以在 需要的位置輕輕疊加粉底而不顯厚重。 有效遮蓋毛孔，令毛孔不再明顯。 但保濕力及防曬效能稍遜。 如需進行戶外活動，在使用粉底前需 先使用SPF50 PA++++的防曬或妝前底霜。 完妝效果: 半啞緻 遮瑕度：☆☆☆☆ 均勻膚色/提亮：☆☆☆☆ 輕盈度：☆☆☆☆ 防曬系數：☆☆ 持久度：☆☆☆☆☆ 含保濕成分: 丁二醇 及 醋酸鹽維他命E 防曬成分: 二氧化鈦 抗氧化成分: 醋酸鹽維他命E 及 季戊四醇四（雙-t-丁基羥基氫化肉桂酸）酯 抗衰老成分: 醋酸鹽維他命E 鎮靜消炎成分: 醋酸鹽維他命E

用了很多年，遮瑕力很好，而且又不會容易溶妝 冬天夏天用都好適合，如果冬天用我會加少少油就可以推得更好，令個妝咁更立體

呢支Estee Lauder既Double Wear粉底我已經回購過最少4支了，因為佢能夠在唔用遮瑕膏的情況下，單用都能夠令暗瘡印、色班完美地cover晒。❤️用左佢之後化出嚟既妝係一個霧面既妝效，但維持左大概4個鐘左右之後臉上有少少出油時，就會變左一個好靚既奶油肌。所以呢支粉底液我極度推介比趕時間出門口，而臉上又較多瑕疵既女孩們🥰 #我的最愛粉底液

遮瑕度足夠，而且唔會好易甩妝，本身唔係好潤，化妝之前要有足夠保濕，我肌膚係混合性偏乾，幾鍾意用

我係跟據產品的名聲買來試下。只需要少量點上臉上，再用化妝撲化開，好遮瑕，質地軟滑，又薄又自然，疫情時戴口罩使用，都唔算好脫粧。價錢少少貴，但好耐用。我已回購過三次。

呢隻粉底真係勁long last，唔脫妝！ 冬天用可能會乾啲啲，咁就打好啲個底 或者留返夏天用，大推

Estée Lauder 嘅Double Wear 持妝粉底液好好用 唔會脫妝 持久度高 油汗交加時底妝依然保持到 控油度：❤️❤️❤️ （妝容保持自然光澤) 水潤度：❤️❤️❤️（滋潤精華 肌膚長期感覺充滿水分） 遮瑕度：❤️❤️❤️（一抹遮瑕 完全遮蓋毛孔、痘印）左邊為輕輕打圈塗抹後 呢排天氣炎熱潮濕 用佢就最啱 一 佢既控油成份令妝容持久貼服 唔使擔心浮粉脫妝 二 佢採用隱型粉體 上妝完美貼膚 隱藏所有瑕疵 值得推薦

呢支粉底遮瑕度絕絕子，黑眼圈、暗瘡印、膚色不均完全一支可以搞掂，啱晒要極速化美妝嘅jm。 2025必入之選！

極乾！只岩油肌人士 上臉時都勁快乾，要快速上妝先會均勻 乾左就難推勻返，好容易唔小心變得妝感厚重 只有高遮瑕度，不易脫方面妝做得好

呢個王牌粉持久係最愛，回購左多次，幾乎重要嘅場合都一定用佢，持久貼服，遮瑕度高，無氧化，睇到有化妝但唔會覺得厚妝。可薄茶或可重疊茶加高遮瑕度。防水力超好，潮濕嘅天氣一樣冇問題。過敏既時候想化淡妝都無敏感。推爆👍🏼 #我的最愛粉底液 #沒有之一

Estée Lauder呢款持久防曬粉底，本人亦回購過多支，佢有多色號選擇，而且亦都高遮暇力，妝感自然正常，持久度高，妝容能夠keep到12小時唔溶妝，亦係品牌性價比高既粉底液～ 好用推薦：❤️❤️❤️❤️

遮瑕效果很好，都好貼服，全日持久都問題不大，但是不是很控油，早上用後中午有少少面油出現，用紙巾一印會有少少甩色，最好查完之後要補粉

做緊大減價時買來試一試，遮瑕效果OK，但是可能揀深了一度的顏色，擦完之後膚色有點暗了。 保濕效果不錯，貼服。防曬指數不夠，只有10度。不足之處就是價錢貴了一點，性價比不高。

大名鼎鼎的Double Wear粉底，遮瑕度好高，上兩層就有面具感，好厚妝。 好乾，真係好乾，乾到眼下會現乾紋。