BIODERMA 貝膚黛瑪

水活保濕精華肌底液

一路都想做啲抗衰老療程，但通常佢會令皮膚乾燥，最近試完XERF，美容師都叫注意補水💦！
知道有cosme試用Bioderma 已經好開心！
首先試「水活保濕精華肌底液」，而家多咗支噴霧頭，由於太水，以前倒出嚟拍上面，好易中間倒瀉左啲，而家可以均勻噴曬上面再輕拍吸收🧽！
同私心好鍾意佢嘅香味，由做完treatment 頭2日，乾到毛孔都放大到嚇親自己，連上粉餅都卡粉卡都唔想化妝。
用頭幾日未好有分別，不過皮膚冇之前咁乾到拮拮地咁，但一個星期後，毛孔細緻咗。
10日左右，就算素顏，淨係用佢加精華，毛孔都冇咁明顯，膚質都滑淨咗。

第二朝輕輕搽防曬，再上碎粉，已經見到冇卡粉，雖然仲有下巴暗瘡印，但膚質明顯改善咗，明明用同一款碎粉都好貼面咁！
$280/200ml，但其實每次噴一下都夠全面，我諗都有排用，不過千祈唔好當化妝噴霧，因為佢真係均勻咁濕透你面部每吋肌膚，但佢真係軟化咗皮膚咁，之後加精華快速吸收啲～