SUQQU

晶采艷澤粉底液e

首先，多謝cosme邀請試用!
我自己本身皮膚係膚色不均，底層比較多色斑，混合乾燥肌，兩頰比較乾T字位會出油

呢一款粉底嘅質地係比較水狀，但又唔代表佢遮瑕力低，我係用粉撲上，抹上面嘅時候如果即刻推開會非常之透薄，你可能會覺得冇乜遮瑕力，但係如果稍微等一等先再慢慢拍開佢佢係會有一定程度嘅遮瑕力，堆疊出嚟嘅效果好清透自然
但亦都需要注意唔可以停留太耐先推開，如果唔係佢就會開始「定妝」，比較難推開，但係呢個亦都係佢其中一個賣點：持久。

對於混合乾燥肌嚟講，春夏之際，一方面想持妝，但一方面有驚持妝產品會非常之乾，呢款粉底液係有驚喜，一日用落嚟八個鐘或以上佢會有少少出油，但係你用紙巾印完個妝咁仲係好完整，有一日用呢支粉底去見一個朋友，佢一直都讚我皮膚好有光澤感，好似天生皮膚好好，全日用落嚟都唔會生粒粒又或者敏感，所以對於suqqu呢支全新嘅晶采艷澤粉底液e係推薦嘅

未上妝之前眼底兩邊有好多色斑
上完膚色均勻咗好多，好清透自然亦都貼服
上妝超過八個鐘，印完面油之後，鼻翼 位少少甩，但整體 妝感都仲keep到