SUQQU

晶采艷澤粉底液e

試用程度：大概用咗7日，搽於防曬後，偶爾會於T字位搽控油primer。
試用期間為春天，天氣潮濕又炎熱，帶妝時主要都係喺室內冇去戶外。

容器：●●●●●●○
Classy好睇有質感，玻璃樽身但未至於太重，泵頭穩定好按👍
美中不足係黑色蓋太易沾指紋，入面金色位都算但外蓋可以再靚仔d。
氣味及質地：●●●●●●○
無明顯香味或難聞原材料味。
質地水潤，流動性不高但超級易推，半泵已經夠全臉使用，可想而知個透薄程度。
疊加使用都融合到（不過因為遮瑕度低所以無必要疊加）。

成分：●●●●●○○
加咗好多護膚成分嘅萃取同水解膠原蛋白，雖然只係化妝品但都感受到想用家長期使用嘅誠意。
有酒精成分而且都排得幾前（第6位），不過目前用落都未試過用到過敏。
當中添加咗Octinoxate桂皮酸鹽作防曬用，係一個對海洋不友善而且對皮膚健康有爭議，跟據消委會嘅講法係一個"潛在的內分泌干擾物"，介意嘅人慎選。

效果：●●●●●●○
喺香港呢個一年有380日都悶熱嘅氣候底下，韓妝嗰種光澤感一直都好令人卻步，睇見都覺焗同想溶。
Suqqu呢支雖然都仲係需要定妝，不過定完妝再出油後個光澤感係好靚，同時間唔會焗皮膚，就算持妝長時間都仍然可以keep到。
遮瑕度基本上得三成，但我自己對foundation嘅期望就只有均勻膚色，呢方面佢做得好好而且超出期望地令皮膚睇落飽滿咗，估計係因為個光澤度去令到本身臉凹陷/細紋位澎番出嚟。
手指/粉撲/掃上全部都冇問題，個人會選擇用濕咗揸番乾嘅粉撲上，可以再薄得嚟均勻d。
水唔水潤保唔保濕的話，個人覺得好睇本身個皮膚狀態，所以skincare都係做番好佢，有需要就加primer。
唯一嘅問題係佢唧出後十分鐘內已經會氧化暗沉，大概會暗半度，所以我本身揀咗亮一階嘅嚟試暗完啱啱好。
結論及建議：●●●●●●○
佢做到比你嘅效果就係均勻膚色＋亮澤感＋持久，適合追求極緻透薄底妝嘅人。
記得揀亮一階因為會暗沉，遮瑕留番比concealer做。