SUQQU

晶采艷澤粉底液e

好開心可以試用SUQQU晶采艷澤粉底液e 😍 其實我之前都係度分享過我係SUQQU化妝品嘅忠實用家！呢個粉底液上一代我已經有讚無彈，佢真係好水潤透薄，每次用親佢出街啲朋友都大讚我皮膚好靚，我一年四季都用佢。左 - 新版 #210色 （白少少）
右 - 舊版 #220色
我會配埋佢 primer 同碎粉一齊用

講返今次新版用後感
1）好好好明顯比舊版延展性更高，同樣份量粉底液，搽嘅範圍仲大咗；舊版我已經覺得好好推！
2）更透薄，上面後更無感更舒服；舊版我都覺得比好多品牌嘅粉底液透薄，濕侷嘅天氣都唔會影響化妝意欲 🥹
3） 更潤澤，除咗質地上feel到水潤、上妝效果亦同我平時搽完skincare一樣有水光感，好自然！上妝前後對比
真系無粉感，而且大部份色斑、膚色暗啞不勻都遮到，除咗我鼻上處於甩皮狀態嘅痘印（甩皮遮唔到系正常㗎👌）其實佢質地咁輕透，如果想遮瑕度再高啲系可以再疊加一層粉底，不過我追求自然，所以真系搽得好薄好薄🤭7小時後零補妝狀態
放假行咗成日不特止，仲要打咗個邊爐 😂 啲蒸氣蒸足兩個鐘咁近鏡先睇到輕微脫妝 🥹 無油光滿臉 ✨

總結
大推 👍🏻👍🏻👍🏻 如果你唔係大油肌兼要極高遮瑕力嘅話呢支真心好用，但始終人人膚質唔同，不過我都對呢個牌子嘅化妝品好有信心，建議大家去SUQQU專櫃搵BA幫手揀啱你嘅底妝產品！

另外，如果你同我一樣用緊上一代已經好滿意而又未用完，可以等空瓶再入手新版；等唔切好想上妝後塊面都好舒服咁就直接入手 🤭