La Colline

活細胞眼部美化膜

今次有幸收到從@cosme邀請試用 La Colline 眼部產品，收到活細胞眼部美化膜一盒及活細胞眼部緊緻精華一支，我第一次試用呢個貴婦品牌嘅產品🙂

我嘅眼部問題，主要係有少少乾紋，尤其係眼尾嘅眼角位置，係秋、冬天更嚴重，更會出現有條細紋，搽極嘢都會覺得好乾，會不其然流出眼水去紓緩乾嘅位置。

收到美化膜時，即試用。美化膜質地似乳狀，唔會太杰身，有少許淡淡清香花味，但氣味唔會俗。盒內附上小匙，只需拎大約粒半紅豆嘅份量，我就足夠敷一對眼。

我係卸妝清潔後，直接搽上雙眼整個位置，敷大約十分鐘，之後用洗面紙巾用清水抹走，再印乾水份後，即時覺得眼部周圍嘅皮膚有啲光澤及紓緩疲勞。

之後，我就再搽上眼部精華，質地都似乳狀、半透明色，唔會太多香料氣味。搽上眼部四周，非常易推開及吸收。係我比較鍾意嘅清爽質地，好快吸收，感覺幾保濕。

整套產品，連續用咗大約十日，我覺得自己眼角個條紋好似淡色咗，前眼角近眼袋位置嘅細紋都淡咗。