MAKE UP FOR EVER

高清柔霧粉餅

呢款粉餅遮瑕力幾高，所以粉質粗少少我都接受到。打完底妝之後用嚟定妝，會覺得有少少厚重。對油皮嚟講，控油力唔錯，持妝力都算OK。 缺點係毛孔比較大嘅位置、下巴痘痘粉刺多唔平滑嘅地方，如果帶妝耐咗，嗰妝效會變粗糙，冇咁貼服。呢款唔係輕薄型粉餅，皮膚缺水時，補妝會顯得有啲厚重同假面感，要做好保濕同埋控制好份量輕輕咁補。 如果皮膚好，或者唔追求無瑕妝效、想快啲出門口嘅話，搽完防晒加呢款粉餅都幾正㗎，總體來講我都好推薦大家試一試！

作為熟齡混合偏乾肌人，喺香港呢個啱啱開始有啲涼風、但濕度依然飄忽嘅秋天，用 MAKE UP FOR EVER 高清柔霧粉餅，真係別有一番體會！🍁 🧏‍♀️ 膚質與測試環境： · 膚質：熟齡混合偏乾（T位微量出油，兩頰與眼周轉季時特別乾燥） · 測試環境：香港秋天，日夜溫差大，濕度下降，偶爾有風，長時間處於冷氣房。 · 上妝方法：針對轉季，調整了上妝手法，務求妝感與保濕並重。 👍 轉季優點：穩定膚況，妝容高級 1. 「微啞光」妝效，高級感滿分 秋天唔再需要極度啞光，呢塊粉餅出嚟嘅效果係一種帶有絲絨感嘅「微啞光」妝面，睇落非常高級！🤩 佢唔會好似全霧面咁吸走皮膚所有光澤，反而有種天生好皮膚嘅質感，對於熟齡肌來講，可以有效柔化毛孔同細紋，又唔會顯得粉感厚重，正正適合秋天追求嘅「自然偽素顏」感覺。 2. 遮瑕力持久在線 轉季時皮膚容易泛紅同有啲唔穩定，佢嘅高遮瑕度依然發揮穩定，一層已經可以遮蓋大部分瑕疵。最好係，即使皮膚有少少乾，佢都唔會好似其他高遮瑕產品咁，卡喺乾紋度，或者突顯皮屑，貼服度做得非常好。 3. 持久度驚喜！抗得住溫差同冷氣 呢點真係要大力讚！👍 朝早喺

其實我覺得和舊版差不多🤣 舊版我已經用很久了  只是感覺之前全黑的比較型酷 哈哈哈 晚上出油後，毛孔比較明顯 用來補妝超好 毛孔都不見了 補妝前: 補妝後:  真的完全0濾鏡！ 我買的是1Y04 顏色感覺剛剛好~ 雖然使用後會看得出妝感，但也比毛孔露出來好的吧🤣 

遮瑕度高，而且可以疊加，疊加之後深色印都遮到九成。 但係我夏天用都好乾，用佢個撲無論係拍定係抹都好卡粉，由其是鼻翼位，已經打入冷宮一段時間。 但係免稅店買價錢都唔平，嚟緊夏天可能試用掃上睇下可唔可以用埋佢。

經常聽朋友推介，再係MUF有優惠嘅加持下就去左門市試色再入手左粉餅🥺🥺🥺🥺買完唔後悔啊！！！！首先我色號係1N10，唔去試色都唔知原來N（中性）比較適合自己而唔係Y（暖調）！強烈建議大家買前去門市上面試色同拎STAFF意見參考下😂😂 由於皮膚混合偏乾，面珠好易甩皮，粉餅上面會更顯乾，所以我會事前上保濕primer 打底，保濕之餘都保護好皮膚！加上毛孔比較粗大，用粉卜上面會再明顯啲，但用平頭掃上面可以有一個更薄同自然妝感，唔怕重手變粉樣，好喜歡啊🥹 呢盒粉餅雖然係matte，但上到面之後一陣同皮膚融合左會有輕微奶油肌，好靚😭😭😭不過我唔敢潮濕天氣用，驚會爆暗瘡，黎緊天氣涼啲實再用多啲！！！！！支持大家入手🫶🫶🫶

最近轉用Make Up For Ever嘅高清柔霧粉餅，真係超級驚喜！😻 我係用掃上嘅，佢粉質好幼滑唔會卡粉，仲好貼面，化完妝都好自然唔厚重，日常妝嚟講唔洗用粉底、做完遮瑕直接用粉餅都好夠用～而且補妝都好方便，我呢d混合油肌+爆汗人印走塊面嘅汗同油就可以補粉，仲唔會兩截色🥹

呢個粉餅十分適合學生、上班一族人士，使用專用雙面海綿，能夠快速均勻地上妝， 十分適合趕時間用，而且妝效也很好，全日間能保持八成妝容，而且粉餅十分便攜，適合攜帶外出補妝！ 

大家都一定聽過話好用嘅make up for ever粉餅 懶人上妝首選，夏天香港必備，用粉狀唔怕焗粒粒～個人使用心得係：妝前打底盡量輕盈，精華要Light、prime要易吸收，呢個狀態上粉狀嘅先會貼服自然 已經用到hit pan，拎去旅行用好方便～本人中性肌，用大半日後都會感到有少量油，輕輕用紙巾印一印就OK，補妝都唔太需要

我用嘅色號係1N10，呢款粉餅好啱油肌喺夏天使用，我已經用到Hit pan 我鍾意佢遮瑕力好夠，而且可以疊加，攞出去補妝亦都好方便，而且可以一抹快速上妝

呢個muf嘅粉餅上網睇人哋啲評價好壞參半，但係我都膽粗粗咁買咗嚟試。佢附送嘅粉撲係兩用嘅，其中一面係類似絨毛咁嘅質地，如果用絨毛呢面嚟化底妝嘅話係幾靚既，會1秒磨皮，但係如果係用嚟補妝嘅話就會變到個妝好厚好恐怖🙈

必買！！！已經回購好多次！！！一開始係朋友推介俾我，我即刻去專門店買黎用，結果呢個粉餅已經成為我唯一之選🥰👍🏻👍🏻👍🏻遮瑕度係完美，持久度高，控油力好，妝感自然唔顯細紋乾紋，連千年黑眼圈都可以遮到8成，唔需要concealer☺️☺️👍🏻👍🏻👍🏻只搽防曬+呢個粉餅已經做到cushion粉底coverage👍🏻👍🏻👍🏻👍🏻定價合理，雖然新版比舊版貴左d，不過質素依然好所以絕對會繼續買！！

MAKE UP FOR EVER 高清柔霧粉餅 主打一抹即時塑造高效修正及柔焦效果 追求無重透氣及極自然妝效 由於我係偏乾肌，比較少直接用粉餅做底妝，因為普遍都會一達達浮粉 所以我主要用法係拎佢出街補妝 依個色號我上面岩岩好 做到自然遮瑕 係出油肌膚上面用絲絨質地面 薄薄一層就可以撫平出油肌膚 透氣柔焦感UP! 近距離望肌膚都唔會一達達 岩哂追求自然既大家

呢個粉餅主打高遮瑕度 可以快速完成無瑕底妝 但我卻唔太喜歡 首先佢介紹可以用圓頭 掃毛密嘅粉底掃上粉 雖然呢個上粉方法都幾方便 但就要少量多次上 都幾浪費時間 此外 用呢個粉餅之前最好保持面部清爽 否則容易卡粉斑駁 如果你先上妝前底霜 咁塊面就已經算太濕潤 要先上一層碎粉先可以再用佢 比較麻煩 見網上KOL用呢個粉餅可以做到磨皮效果 但個人覺得佢粉感幾重 的確係遮瑕度高 同時亦非常乾 所以個人不喜歡 用佢嚟補妝都OK 做底妝一般 #火熱新品

啲盒粉餅大推，化完妝後霧面妝感超強，完全不易溶妝，使用前後完全兩種膚質，而且質感很透薄，底妝可以維持大半日都冇問題 #霧面妝

本身比較喜歡用粉餅，新版雖然評價兩極，但都忍唔住買黎試下。 配合112掃上粉，唔誇張掃第一下已經被驚艷到，上完全面我咀角上揚，暗暗自喜，好滿意個妝感😏 粉質細滑貼膚 ✅滿意 柔霧濾鏡效果 ✅滿意 妝感輕盈 不會有很重粉感 ✅滿意 完妝後8小時～觀察後偏轉為奶油光澤肌，但不班駁～有些微氧化情況，但可以接受。 暫時夏天用沒有感到很乾。

Makeup Forever HD Skin 高清柔霧粉餅 $440 為了尋找最適合的粉餅， 先用試用裝好好嘗試， 盡量試好才買，就不會浪費金錢唷! HD Skin 高清柔霧粉餅走中價位路線， 所以對這個粉餅也有一定的期望。 HD Skin 高清柔霧粉餅非常適合在炎夏使用， 質地柔滑輕薄，妝感極自然透氣， 不會感到悶熱厚重。 遮瑕度不錯，完美調整提亮膚色及隱藏毛孔， 而且除了眼周之外，都不用另外上遮瑕膏。 持妝度很OK, 就是午後少許泛油，不會溶妝。 基本上早上化底妝或是用來隨時補妝，都十分輕便， 易於攜帶。

第一次用Make Upforever嘅粉餅，見好多人推薦，話就算乾肌都用得，所以就即管買黎試吓。 專門店嘅sales示範用佢哋品牌嘅primer先撫平毛孔，再用掃輕輕一掃粉餅，然後一下掃面。效果都好理想，遮瑕度比我預期中高，再用埋保濕噴霧，基本上都已經令皮膚睇落好似好平滑；好啱我呢種比較喜歡簡單、輕薄、貼服底妝嘅人。塊面唔使搽咁多嘢，感覺皮膚嘅負擔都少啲，夏天就啱晒。

買呢個粉餅化底妝，係貪可以夠快同方便。試左幾次上面，發現都幾乾。嘗試妝前做足保濕 可以冇咁乾，但又唔可以太滋潤，會容易卡粉。隔左3-4鐘後，臉已經泛油光、浮粉，就算用返MUF 粉餅補粉，都會變得斑駁 😢😢