M.A.C

LIGHTFUL C+ 光透養膚防曬底霜

MAC Lightful C+ 光透防曬底霜，呢支帶防曬嘅提亮底霜，聲稱能打造光透妝感。 質地與即時妝效：👍👍👍 (光澤感強) 佢係帶微微珠光嘅淡粉色乳液，質地水潤，好易推開。上臉後確實能即時提亮膚色，中和黃氣，帶來一種通透嘅光澤感，皮膚睇落更飽滿同精神。後續上粉底亦更貼服。 保濕與黏膩度：🤔 (秋天轉季剛剛好) 對混合偏乾肌來說，佢嘅滋潤度喺夏天明顯過高了，秋天就okay。完成後皮膚有種黏膩感，彷彿一層油膜冚住，在夏日濕熱天氣下令人不太舒適。這種膚感亦令後續底妝的舒適度大打折扣，相反地， 秋冬天氣濕度低，就剛剛好。 持久度與控油力：❌ (夏天不達標) 由於本身質地潤澤，在香港悶熱環境下，T位出油速度明顯加快，妝容融化速度比使用一般控油妝前更快，不到中午就已泛油光，毛孔亦更顯眼🫩🥴。追求持久啞緻妝效的話，它並非夏日首選。 總結： 一支更適合✅️乾燥季節使用的提亮型妝前乳。其光澤感和保濕力在秋冬會是優點💡，但放在香港夏天，對混合肌來說就變成了過度潤澤的負擔，嚴重影響妝容持久度。除非你是極乾性肌膚，或只需短時間在冷氣環境下活動，否則不建議在盛夏全臉使用。 #轉季

M.A.C Lightful C+Coral Grass Tinted Primer LIGHTFUL C+光透養膚防曬底霜 SPF45/ PA++++ $390/ 30ml 功效: 保濕+提亮/均勻膚色+遮蓋皺紋+防曬+養膚 LIGHTFUL C+光透養膚防曬底霜強調具有養膚成分， 事實也是如此，確實蘊含大量養膚成分， 如: 保濕、防曬、抗氧化、抗衰老 及 鎮靜消炎等成分 都比大部分其他品牌的妝前底霜多，做到化妝同時護膚， 這點實在很讚。 LIGHTFUL C+光透養膚防曬底霜的防曬功效達SPF45/ PA++++， 可說是等同防曬級別的妝前底霜，不論多留在室內或是 需要長時間戶外活動都得到足夠的防曬保護。 LIGHTFUL C+光透養膚防曬底霜的乳液質地非常好推開， 延展性很不錯，使用感輕盈透薄，不會好焗好厚重。 接近膚色的設計可以均勻面上膚色及遮蓋有皺紋的地方， 同時具有自然的提亮效果。 控油方面，午後T字位出油較多，需要稍為touch up補少少妝。 含保濕成分: 矽靈, 丁二醇, 玻尿酸鈉, 角鯊烷, 藻萃取, 大麥, 小麥胚芽萃取, 掌葉樹萃取, 草綠鹽角草

用咗呢支Lightful C+ 光透養膚防曬底霜真係返唔到轉頭，一支就已經有齊美顏、控油、均勻膚色、防曬、遮瑕功效，仲使乜用咁多其他產品呢🤭 下圖既份量已經足夠apply晒成塊臉，佢既延展性極高，質地水潤好易推開，所以上臉後可以推到好薄，但係同時佢又有一定嘅遮瑕程度，所以搽咗一層底霜之後依然感覺到皮膚可以如常呼吸，而入面嘅玫瑰粉紅光份子能夠即時提亮、均勻膚色。下圖可以見到佢質地係偏向水狀，所以唔使擔心上妝後會太厚而我自己本身眼部周圍都有啲乾紋，用咗呢個底霜之後可以遮蓋到一定程度嘅乾紋🥰🥰大愛！ 好多人都讚我呢排皮膚好左，我想講唔係因為我皮膚好左，只係轉左一支底霜🤭 而且平時化妝一般四五個鐘頭就開始甩妝，但用咗呢支底霜之後明顯妝容嘅持久度提升咗，去到第八個鐘妝容都依然正常，本人十分滿意😊 粉底固然重要，但有一支好嘅底霜先至能夠令到好嘅粉底發揮到佢最大嘅功效，而呢支Mac 既底霜，一支已經可以解決到好多皮膚嘅問題，所以建議大家一定要入手🤭

好開心今次終於抽中咗cosme嘅試用，用到呢枝新出嘅Lightful C+ 光透養膚防曬底霜 ❤️ 我成日覺得如果同一個品牌有出一系列嘅化妝品嘅話，成set咁用會係達致到佢嘅最佳效果，而事實果然如此👍🏻（唔夠保濕結果起乾紋嘅額頭🤣） 講返枝防曬底霜，佢有返SPF45/PA++++高規格嘅防曬保護，可以唔使額外再搽防曬霜。本身呢排食得太多油膩嘢，啲肌膚有啲暗啞同出暗瘡，但係上咗呢枝底霜有令到妝感水潤柔軟，皮膚比用之前透亮： Before (搽咗balm之後未上底霜，生咗粒暗瘡係眼上面🥲） 膚色比較暗沉，毛孔明顯 After (上底霜後） 膚色明顯比較提亮，暗瘡柔化咗，柔焦毛孔 及後上粉底同化妝：  暗瘡即時冇咁明顯，底妝係呢啲咁乾燥嘅天氣但都仍然比較水潤同膚色有自然光澤，而且基本上都夠持久，唔易脫妝，所以都唔錯值得推薦！

M.A.C Cosmetics（M·A·C）的 Lightful C 這款底霜具有高防曬係數（SPF 45/PA++++），質地輕盈水潤，能提亮膚色，幫助隱藏毛孔，並為後續底妝做好準備。它能帶來自然的紅潤光澤，但混合性皮膚在夏天可能會覺得有點黏膩。

以Base嚟講佢嘅防曬系數好高，有SPF 50 PA+++。 質地係偏厚身，不過用粉底掃上好容易推開。淡淡嘅粉紅色上臉之後係完全冇妝感，但會有少少提亮效果，好似氣息好咗咁。但如果明顯瑕疵嘅話都係需要用遮瑕膏遮返。由於佢比較滋潤，我一般只會喺秋冬天使用。

真係勁好用，感覺好glow, 而且冬天又夠保濕，不過如果混合性皮膚夏天就容易出油，但係膚色會白裏透紅，所以秋冬一定會用佢

我一直都用開MAC嘅粉底液✨呢隻Lightful C+ 光透養膚防曬底霜長期都係我媽媽嘅回購品🤣今次拎嚟試用終於明點解佢係咁買🤣 好多防曬都會同底妝打交 但係呢隻完全唔會！之前好驚啲防曬會焗住皮膚，搞到生暗瘡🥲但係呢個防曬底霜冇礦物油又冇酒精！試用過一排都完全冇話多咗粉刺或者暗瘡！💕清爽得來又保濕！防曬系數又唔低雖然你睇佢上手有少少顏色，但其實上面請唔會假白~好輕微好輕微咁提亮肌膚，睇落更加精神有光澤🫶🏻同時又完全唔會影響後續上嘅底妝🥹完妝效果都非常靚！💕

好開心可以參加@cosme嘅試用活動❤️ 本身有用開M·A·C嘅定妝噴霧 今次係第一次用M·A·C嘅底妝產品 喺官網見到Lightful C+ 光透養膚防曬底霜係best seller都好期待吖😆 平時都唔鍾意化太厚重嘅妝容 好多時都係防曬/primer+粉餅/碎粉 而M·A·C呢支嘅防曬系數有SPF 45/PA++++ 可以一支做曬防曬+打底 啱曬我呢啲懶人同埋朝早趕住翻工翻學嘅大家啦🤣 呢支底霜嘅質地比較liquid/水狀一啲 好易推開 用手指搽都完全ok 搽上面嘅效果可以睇圖 個妝效好輕薄 帶點光澤感同輕輕提亮嘅效果 完全唔會有厚重或者皮膚抖唔到氣嘅感覺 雖然冬天比較乾燥但都夠潤 唔會起皮屑 但都因為質地比較透薄嘅關係 遮瑕效果就相對冇乜 有需要嘅話上粉底前要用一用遮瑕膏先啦 持久度嚟講出街大半日都keep到成個妝容大致完整✨ P.S.上面之前有搽咗同一個試用活動嘅Hyper Real清透煥顏修護精華同Hyper Real清透煥顏保濕修護面霜 用後感可以睇翻呢兩個product嘅心得吖💁🏻‍♀️

M.A.C 嘅呢枝makeup base,好適合朝頭早非常趕時間嘅我。因為佢除咗係化妝底霜之餘，仲已經有SPF45/PA++++足夠嘅防曬保護。另外,佢仲有維他命C同埋保濕精華兩大成份，達致上妝同時護膚佢嘅質地非常幼滑輕薄，容易推開，用後唔會太厚。帶有玫瑰粉色嘅底霜，可以做到即時提亮同埋均勻膚色，令到皮膚帶有自然嘅光澤效果，有時講懶嘅話，齋用佢再上層碎粉都已經可以出門口。 妝效非常持久，返咗成日工個妝都係只係甩咗少少，就算呢幾日天氣極乾燥，亦都唔會因為太乾而裂。

秋冬用夠滋潤，而且可以提亮膚色，仲會自帶淡淡的粉紅色光澤，如果皮膚狀態OK，搽完可以直接出街；試過夏天用，好快出油，所以都係留返秋冬先用好啲～

SOGO專門店有優惠所以買左，本身係買studio fix粉底液，但佢優惠係一支粉底液價錢有曬粉底液+呢支primer，所以我就買左試下。我本身皮膚容易出暗瘡粉刺，呢支產品對問題皮膚不友好🥹🥹我只係搽少少、等左一陣先再上妝，都仲係比較濕lup lup🥲🥲當日即刻出粉刺🥲🥲🥲🥲可能比較適合一d皮膚本身就好好、唔需要遮瑕嘅人士用黎提亮膚色做光澤感。

搽咗再上妝好貼服，質地唔會太痴立立，幾易推，唔會容易敏感，一年四季都岩用，用晒呢個sample會考慮買正裝

首先非常开心可以收到这次的试用机会！是我的第一次申请哦，居然就成功了，又意外又惊喜！然后我会分别细细说一下这几个单品，真的没想到一次会有这么多东西，而且每只容量都不小，实在是太开心啦！ 这支cc霜是绝对的意外惊喜！！是五支产品中最最最喜欢的一个！又刚好给的正装？哈哈哈。首先它的质地非常轻薄，抹上脸超级舒服！其次很爱它集防晒和轻微修脸的作用于一身的功能，对于我这种不是常化妆的人来说真的很有用！最后就是它的味道也很舒服，轻轻淡淡的香气！推荐！

感謝Cosme和MAC提供的試用活動，這是一套從名字到使用感都非常夢幻的底妝組合，全系列都有淡淡的牡丹花香，很好闻。 1、花瓣精华：可以做妆前乳，也可以做护肤。能体验到底妆扒脸的感觉。偏水润，有微微的细闪效果，可以打造水光肌。 2、花瓣霜：作为妆前霜来说，很轻薄，后续底妆不卡粉， 3、卸妆油：乳化后，卸妆比较给力。而且是非矿物油基地，不长痘。 4、Lightful C+防晒底霜：摇摇乐质感，橘粉色的，成膜后不油腻，有柔焦的光泽感。 5、专业无暇粉底：粉质细腻，显得皮肤细腻，妆感不厚重，跟之前的精华和防晒妆前搭配很好。

感謝cosme&mac🥰首先呢一款防曬係好似塗改液式既，使用之前喺需要充分咁樣搖勻佢，係偏膚色，冇特別嘅味道，亦都冇酒精嘅味道，呢一點值得稱讚🫡 其次，本身我嘅皮膚某啲部份特別薄同埋脆弱，如果用到一啲有刺激成分嘅產品，好容易就會紅同埋痛，但係我今次用佢完全冇事🥰另外，佢都有少少修飾皮膚嘅效果，用完佢之後皮膚有啲光澤，膚色均勻左🙂仲要有防曬嘅效果，唔想用粉底嘅日子就可以直接用佢，帶埋口罩就可以直接出門口🤩真係好方便

第一次接觸MAC的底霜，這款 LIGHTFUL C+光透養膚防曬底霜可謂一物二用，它是帶有膚色的底霜，有助於更能融入膚色，均勻膚色，不會令膚色變得灰白或奇怪，而因為有SPF45 / PA++++防曬保護，令我可以更方便快捷上妝！而這款底霜亦令整體妝容加倍提亮，份分帶有維他命C以及保濕精華，令質地變得水狀易推開，很容易就能塗均整臉！

今次有機會是用Mac嘅lightful C+光透養膚防曬底霜。 首先呢隻防曬底霜唧出嚟係偏粉紅色嘅，非常易推，係做到即時提亮效果。不過當你查暈咗之後，對於均勻膚色我就唔係太明顯睇得出。
佢聲稱可以保濕潤澤，幫助遮蓋乾紋及皺紋。保濕方面我覺得係OK嘅，而且佢的確令我個肌膚平滑左，但毛孔粗大嘅位置依然冇分別，而且係冇遮瑕力嘅。同埋我覺得佢冇令到我後續上妝更貼服，無論係用返Mac自己品牌嘅粉底定其他牌子都好，都好明顯會浮粉。所以我覺得如果你係會後續搽粉底嘅朋友我就唔太推薦。但如果你淨係用primer跟住直接落遮瑕嘅朋友，呢隻底霜我就比較推薦，因為佢搽上面的確係透薄嘅。
呢隻防曬底霜有SPF45 / PA++++防曬系數，我試過去行山嘅時候用佢，冇用任何防曬，都冇曬黑。

多謝Cosme的試用。 光透養膚防曬底霜是同LIGHTFUL C+系列中繼其氣墊粉底之後防曬度第二高的產品，具備SPF 45 PA++++，對日常多在室內工作/活動的人抗uv是絕對足夠，因此可以在完成妝前護膚後，略過防曬的步驟，直接使用這底霜。 底霜是淺膚色的液體，帶淡花香味，上臉後有提亮和水潤感的效果，但就不具備均勻膚色的功能。(圖3下，左邊臉上了底霜) 另外，如你偏好自己膚色是走自然/小麥膚，就建議先到專櫃試用。 至於後續上妝時，亦可令粉底較帖服不易浮粉。

🤌🏻使用效果：我比較少用粉底，普通日子嘅底妝通常淨係搽primer + 遮瑕就搞掂。呢款顏色偏向粉肉色，做到提亮&減少暗沉嘅效果，所以底妝就算齋搽呢隻再加遮瑕都出得門口，簡單裸妝感get~ 另外產品質地透薄貼面，亦夠保濕有水潤感，我個人來講就非常之喜歡。 注意係呢款產品冇咩遮瑕效果，需配合遮瑕膏 / 粉底使用。 ------ 推薦嗎？：Yes ✅ ------ 皮膚類型&特性：混合性T字位偏油（尤其額頭）~ 鼻翼兩側及附近較乾 ------ 使用時之配搭：M.A.C Hyper Real Serumizer (清透煥顏修護精華) + M.A.C Hyper Real SkinCanvas Balm (清透煥顏保濕修護面霜)