BOBBI BROWN

蟲草修護精華氣墊粉底

Bobbi Brown Intensive Skin Serum Cushion Foundation SPF 40 PA ++++ 色號：Porcelain 香港專門店售價：$475 如果有留意Bobbi Brown嘅都會聽過蟲草粉底 今次佢地出咗cushion版就即刻吸引到我 以養膚型粉底嚟講，價錢唔算太貴 蟲草粉底一向都係sell光澤感，cushion 版妝感再細緻啲，好透薄🥹 如果鍾意霧面粉底嘅朋友可能試吓配合控油碎粉，都可以做到霧面質感㗎！ 但鍾意Bobbi Brown 嘅水潤光澤感嘅我，就會用定妝噴霧，會有種令人覺得皮膚好好嘅錯覺🤪 講吓用後感先 粉底屬於中等遮瑕 可以build up 遮瑕度 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係控油力一般 我皮膚比較乾就好啲 上妝6個鐘左右先會有少少油光感 呢個時候上少少碎粉就可以補返個妝 出街補妝都好方便 產品壽命 今次為咗準確

平時我都好鍾意用Cushion化妝，夠快夠方便！ 每日返工邊有咁多時間慢慢化妝，用Cushion就岩晒😬😬 首先，Bobbi Brown呢個Cushion，外表包裝好靚，帶出街補妝一啲都唔失禮！ 佢嘅養膚成份對我呢啲每日都一定要化妝出街嘅人係非常之吸引。用上面係好保濕，除左鼻翼位置一定要做好打底，第一次用時，一上鼻位就乾乾地，其他位置冇問題。第二次用，做好鼻位置嘅保濕就冇問題啦。 遮瑕方面，我覺得都夠。手腕示範圖係薄薄上左2層嘅效果。最surprise 係就算戴口罩都唔太甩妝👍🏻👍🏻 好可惜嘅係，今次試用得到最最最白既色Porcelain。本身我都白皮膚，但呢隻色白得黎粉粉灰灰咁，唔岩色😥😥 整體黎講效果都唔錯，下次可能會回購，買返隻岩用嘅色🤭

平時用開cushion粉底化妝，一打開盒就可以上妝同時又可以拎出街補妝，更適合旅行用，一盒就搞掂哂！今次收到Bobbi brown 蟲草修護精華氣墊粉底，連續用左幾日後發覺，依個cushion 粉底底妝透薄、不厚、仲可以均勻膚色同時有水潤光澤upupup ，比起粉底液呢盒光潤高好多，顏色自然到我用左都睇唔出！防曬同樣有40PA++++，可以延長曬黑時間16倍以上！ 不過用耐左可能最近天氣潮濕有關，過左陣就開始卡粉了TAT 所以個人推介係秋冬天，乾燥時候用，皮膚就滋潤d無咁乾，個妝都last 得耐d！遮紅只遮到7成，粉底透薄，遮瑕度相對較低

今次收到既Bobbie Brown蟲草修護cushion係平時蟲草粉底既係方便版, 我收到佢之後, 就決定咗拎埋佢過去日本旅行, 因為佢實在太輕便! 更重要嘅係, 佢真係好夠滋潤度, 我呢個大乾肌唔使太擔心妝前保濕唔夠而令個底妝裂開, 去旅行每朝起身印幾下就完成到個底妝, 遮到毛孔之餘仲好有光澤感同透亮感 而且佢仲有防曬能力, SPA40 PA++++, 就算懶得搽防曬，都唔使擔心會曬黑或者比紫外線傷害皮膚~呢點對於去旅行既人士好重要~~就算懶得搽防曬，都唔使擔心會曬黑或者比紫外線! 同埋而家日本室外室內溫度同濕度都變化好大, 呢個底妝都頂得住無咩問題 (日本酒店背景圖, 睇返都好懷念) 我覺得佢都可以做到普通遮瑕, 尤其毛孔方面都好ok. 不過如果有嚴重d既黑眼圈, 用返d concealer會比較好, 可以睇手上青筋做參考 不過質感的確好水潤透薄得黎, 有種皮膚本身幾唔錯既感覺, 對乾皮真係超級friendly, 補妝都好ok, 愉快使用中~~

感謝cosme送出BOBBI BROWN 蟲草抗氧修護精華粉底液同蟲草修護精華氣墊粉底。 前幾日連續用左4日粉底液，今次講下蟲草修護精華氣墊粉底，我都係用左兩三日，暫時個感覺都唔算好大，不過想講下佢個包裝真係好靚，出街補妝用都方便。係呢兩日潮濕悶熱天用，感覺上唔算好服貼，有小小卡粉，而佢既色號係Light，有啲啲偏黃，可能我仲未好掌握佢既用法，整體黎講佢既遮瑕力都幾好，保濕一般，用黎補妝比起就咁開頭上妝會好啲，暫時最值得稱讚既係佢比起粉底液更透薄，唔厚重，打住咁多，等我試多幾日再更新下用後感。 28/3 更新 用多左幾日，發覺幾好用，氣墊粉底液幾透薄， 顏色hold到，用左成日都唔會氧化，唔會暗黃， 最鐘意佢個妝感夠透薄，宜家都多用佢，所以要讚讚佢！ 溫馨提示：其實上粉都唔洗上太多，主要暗沉位上色就ok，再慢慢輕拍開，同埋做好保濕都係令個妝貼既重點

感謝 @cosme 邀請試用Bobbi Brown 蟲草修護精華氣墊粉底。這款氣墊粉底我收到的色號是Light，顏色用在我的皮膚上非常適合。而且有SP F40 PA++++ 日常使用非常足夠。 包裝外觀： 一貫Bobbi Brown 全黑設計配上金色logo 鏡面，設計非常高貴，氣墊粉底亦方便攜帶，出外補裝非常方便。 我的膚質： 混合偏乾，夏天T字位會少量出油，冬天面頰鼻翼易出現脫皮情況；皮膚較乾，容易泛紅或出現敏感。 產品質地： 精華質地很水潤，用附送的粉撲會非常貼服，上面就已經會聞到淡淡香味。上面後很貼，妝效很漂亮有種奶油肌感覺。修飾毛孔感覺不錯，黑眼圈大約遮到六至七成。 用後總結： 1. 保濕度很高滋潤，很適合乾肌使用，有中度遮瑕，黑眼圈色素都能遮得很好，若果有暗瘡就要疊加遮瑕膏。 2. 如果你是油性皮膚就不建議你使用這個，因為它不是很控油清爽。而且上妝後4-6小時左右，當皮膚開始出油時會有種油膩感，雖然未至於會浮粉，但都建議上妝後用碎粉定妝。 3. 以cushion來說這個價錢真的貴了一點，因為始終他只有12g，相比之下我個人會偏向選擇支裝粉底液在家先上底裝，外出帶氣墊粉底

這次獲邀收到蟲草修護精華氣墊粉底的邀請時，剛巧準備出發歐遊，正好可攜帶到天氣較乾燥的歐洲使用，試試主打水潤修護成分的功效。 首先，看到化妝同步護膚的特點已經心心眼😍，有什麼比化妝護膚一起做更適合懶惰的女人😂 這系列的粉底添加了高達75%修護成分，包括蟲草修護精華，完全打破一般化妝傷害皮膚的概念。 以下的試用是單用一層氣墊粉底的效果，更能看清楚其透亮程度。至於上妝前的Base和蜜粉，我是使用自己慣用的產品。 一打開氣墊粉底已經見到海棉是非常濕潤，用氣墊輕輕一按已經注滿粉底，感覺還挺省用量，只輕按兩下已經足夠全面用量（完全沒有用力的輕按） 第一下輕拍上面是迎來一股很愉悅的薰衣草氣味，全面上一層就見到呈現的光澤感，特別是面部本來突出的輪廓，如我的顴骨位置，就像已用了自然highlight一樣，是輕易的做到品牌所描述的緞光肌，適合喜歡看起來亮澤底妝的女生。 至於遮瑕度方面，你可以從圖片看到，我的皮膚是有一些痘印痘疤的，只上了一層粉底的用量下，較深色的痘印是未能完全遮蓋著。不過粉底的質地是很輕薄，上面後是完全沒有負擔的。我亦較偏好自然妝感，不會粉感太重的妝效。因此，只上薄薄一層後，再用遮

今次收到@cosme 既邀請 除左收到我勁讚+長期用家（蟲華粉底外） 今次仲收到呢個系列既氣墊粉餅 說真 我不太對氣墊感興趣 覺得妝容化出黎效果無粉底液咁精緻，但overall 整體度都係7/10 呢個氣墊粉餅的分析如下 質地 7/10 光澤9/10 氧化度 3/10 （它家的粉底or粉餅都不會點氧化 太神奇！🫶）喜歡！ 持久度：7.5/10 遮瑕：7-8成（上一層似原生肌膚 遮到5-6成 上兩層可以重點遮瑕 因為本身補濕度夠 所以上多層都唔會有厚粉 慢慢build up可以遮到大致泛紅、暗瘡印等） 氣墊粉餅表現都唔錯 首先包裝上面完全加分 好奢華既感覺 🤣用左一星期都覺得氣墊粉餅既補濕度都好好 我自己本身唔係咁中意妝效太有光澤感個種 但如果中意帶有光澤既氣墊粉餅既朋友 會好中意（光澤度up !)完完全全做到勁有光澤～天生皮膚好似好好咁就靠佢 （？）係啦 無錯😂因為今次係試用邀請 色號方面會比自己膚色會深少少 以上就係我用左一個多星期（大約10、11 日）既感受 之後再用都會加番淺色少少既蟲華粉底兩溝 溝番岩個顏色咪就解決左色號偏深既問題啦 ✌🏻

好開心收到@cosme嘅試用邀請，呢幾日又開始凍番，呢一個Ultra Facial Cream黎得好合時❤️ 我本來皮膚比較薄，一到凍啲嘅天氣就會好易乾，同埋甩皮，早幾日收到個陣已經即刻開黎用！ 佢質地綿滑，即使係好乾嘅面上，拎小小就已經可以輕鬆推開，好易吸收。我特別係甩皮位置重覆重點地搽多一層厚小小，第二日起身個時，甩皮位置變得水潤有光澤左好多！睇落bling bling 好飽滿！持續用左幾個晚上，已經再冇甩皮嘅情況，皮膚狀況亦都穩定左，冇咁易乾同泛紅！化妝前都有用到，好好咁保濕左之後上粉底冇咁容易卡粉，呢個天氣用真係岩哂，大推！👍🏻❤️ 多謝cosme邀請試用，一收到十分有驚喜，因為佢哋嘅黑金色包裝高級感max!!!特別係cushion, 凹凸紋設計好有質感! 我屬於偏乾肌膚，平時因為怕會浮粉，所以都比較少用粉底液，但呢個蟲草粉底唔單止用上去唔會咁乾，妝前做好保濕之後，小量多次上粉底，finishing有一種奶油肌嘅感覺❤️ 一試愛上！而且質地水潤但又唔會好厚重，輕輕一推，延伸能力好好，而且仲keep住好輕薄，用小小就上到全臉。出完一日街，都冇話好卡粉，妝感仍然係好透好自然🫶🏻

我一向對cushion 有少少卻步，覺得比易溶同笠。但Bobbi brown 嘅cushion打破我嘅心理關口，一試愛上。 質地水潤透薄不黏笠。遮瑕度幾好，亦能遮蓋毛孔。帶有淡淡嘅薰衣草香氣。成分方面蟲草精華同稀有中草藥配方，化妝同時護膚。令皮膚可以keep住水潤度。本身有SPF40 PA++++防曬，方便唔洗再額外加防曬 令我喜出望外嘅持久力，返完一整日工後，個妝大致上都keep到。呢排天氣開始回暖又濕又熱，加上返工出入冷氣房，有呢個效果係我意料之外。

今次有機會試用 Bobbi Brown 蟲草修護精華氣墊粉底, 色號 Porcelain。呢款 Cushion 嘅黑金外形亮麗有質感，附帶嘅粉撲觸感柔軟，聞上去有淡淡薰衣草香。Porcelain 色號適合冷白肌，個人而言感覺有啲太白唔自然。 Cushion 輕輕拍上臉部，薄薄一層已經有修飾毛孔色斑嘅效果，遮瑕度本身不太高，但足以均勻膚色，適合本身臉部瑕疵不多又想要薄妝裸肌感嘅人。 粉底比較滋潤貼面，本人混合肌喺冷氣房成日都唔會乾，只有 T 字位稍稍脫妝。Cushion 容易帶出街補妝，補妝時亦冇卡粉，係一款易用而且夠晒潤澤嘅粉底。

成份比較養膚的粉底，不用擔任用後會有暗瘡，但保濕知遮瑕效果未如理想，上妝幾小時後會開始浮粉，用作補妝粉底會更好

包裝真係好靚，好高貴嘅感覺😍 本人皮膚係混合偏乾，兩頰比較乾，有時會有甩皮情況，用咗呢款唔怕乾到浮粉，保濕效能唔錯。 呢款氣墊嘅質地以保濕型bb cushion黎講唔會好厚，輕輕上一層都可以遮到啲偏紅嘅位置同淺痘印。建議大家初初新開時要輕手按個cushion，以防沾得太多。 最鍾意係佢嘅光澤感，用完真係會好似皮膚飲飽水咁漲卜卜，而唔會覺得係油！🫶🏽 不過天氣潮濕用的話持久度比較弱，我嘅T字位好快就要補妝，所以油肌朋友可能要秋冬用比較適合。 整體黎講都唔錯，不過支裝粉底液會比較衛生同埋易啲控制用量～

質地：一塊海綿吸附了粉底液在裡面，粉撲按壓就 出來一點點巴。潤而不油，混乾皮用著很舒服 妝感：輕薄透亮型的，適合一層一層薄薄地疊加。 疊完後臉亮亮的，不會假白，油度也適中。再薄薄撲一層散粉，就是一個完美底妝！在陽光底下看不出粉的痕跡，就是皮膚嫩嫩的亮亮的，顯得狀態很好。 遮瑕：遮瑕度不高，畢竟很輕薄，如果需要就在痘痘上疊加幾層就行了。 持妝度：大概能維持8小時左右。早上九點半化 妝，晚上微微出油時，妝容是最好看的，奶油肌的感覺

感謝@cosme邀請試用「Bobbi Brown蟲草修護精華氣墊粉底」。聽到精華養護級妝品已很吸引，加上金色鏡面粉盒設計，令人愛不釋手。 這次收到的色號是Porcelain, 對我來說全臉使用有點太白，所以用作補妝會較自然。Cushion質地輕盈易推 ，輕拍薄薄一層已能遮蓋毛孔，但始終遮瑕度不及粉底液。如果本身瑕疵少，而又喜歡偽素顏妝效，這cushion做到均勻膚色的自然妝感 。 整體而言，粉盒包裝華麗，方便外出補妝使用（同時補防曬）， 但售價不太親民，性價比不高。 光澤感：🌕🌕🌕🌕🌕 遮瑕度：🌕🌕🌕 持妝度：🌕🌕🌕 性價比：🌕🌕🌕

偽素顏粉底 質地水潤易推，上一層非常透薄零粉感，近睇都唔覺你化妝🤭而且質地輕身，整天帶妝唔會焗住塊面，感覺舒服透氣。 完妝皮膚有水光妝感，光澤感并非加入閃粉營造，唔會揩到成身閃粉～又唔會好似韓妝咁令立立，所以非常適合日常使用👍 雖然遮瑕度不高，但光澤隨著頭部轉動折射，皮膚360度望落都好似飲飽水，仲有修飾毛孔既效果😍 可以推疊多一層遮瑕度會稍稍增加到5成左右。 防曬度有spf40 pa++++，唔駛另外再搽防曬，皮膚少啲負擔～ 粉盒黑金配色仲要係鏡面設計😍拎出嚟補妝一啲都唔失禮 謝謝@cosme抽中體驗

在日常上班的日子，氣墊粉底都係我嘅首選，不但方便不會弄髒手，而且可以快速完成一個精緻嘅底妝。今次有機會可以透過@cosmehk 試用Bobbi Brown的蟲草修護精華氣墊粉底感到非常高興！她們家的蟲草系列出名有修護精華成分，尤如護膚品。最近天氣轉變，原本就乾燥的皮膚，還出現了敏感泛紅，令底妝變得不貼服。而bobbi brown的氣墊粉底可以順利解決這些煩惱，不但質地透薄滋潤，而且有一定程度的遮瑕度，遮蓋了泛紅肌膚又增添了光澤感，看起來就像天生無瑕疵。如果喜歡偽素顏/裸妝感的女孩子，可以入手一試！

多謝Cosme抽中我試用Bobbi Brown全新推出蟲草修護精華氣墊粉底SPF40 PA++++ 我個人中意用cushion多過粉底液 因為方便，拍幾下就完成妝容 以我所知，Bobbi Brown從未推出過cushion 今次有幸試用一下！ 我嘅皮膚屬於混合性偏乾 第一次試用當日 標緊兩粒暗瘡 妝感依然貼服 遮瑕度偏低 Coverage難啲疊加上去 但係光澤度 妝容貼服度都十分好！ 妝感輕薄 戴口罩都唔會焗促 雖然而家冇口罩令，但因為工作關係都需要大部分時間戴口罩 每日持妝8至10小時 但係個妝都冇乜點甩  上妝即時效果: 上妝後10小時 下巴位置少少浮粉 其他地方都無乜問題 可回購！

多謝cosme送出Bobbi Brown蟲草修護精華氣墊粉底，我收到嘅色號係最白嘅Porcelain ，本身皮膚都比較白，呢個色號對我嚟講係啱啱好。 我臉頰嘅皮膚偏乾，但用呢個Cushion竟然冇卡粉、冇顯乾紋！！！不過遮瑕力就普普通通，黑眼圈同一啲紅印可以淨係遮到6-7成。上妝4-5個鐘之後，鼻同下巴會因為出油而有少少溶妝，但都可以接受嘅。 由收到Cushion到今日為止大概用咗4-5次，用完都冇話生暗瘡或者粉刺嘅情況。整體來講都好滿意呢款Cushion👍🏻

感謝 @cosme抽中試用，今次BOBBI BROWN既氣墊粉底賣點係加入皇牌蟲草修護精華，全天候護膚抗氧化，肌膚維持透亮。 一打開見到包裝已經好靚，金色鏡面，高貴既感覺，開封時仲有淡淡香氣，上妝時超水潤，唔會好乾，印左一下已經夠曬全面妝容。 本身一向用開氣墊粉底，就黎用完，咁啱收到呢個試用就啱曬。 不過遮瑕度未算好強，圖中係冇用仼何遮瑕膏，直接上粉底，痘痘同印都唔係好遮到。但整體黎講，好中意呢款水潤感，唔會好乾。