Dior

恆久貼肌亮澤粉底液(已停產)

我用Dior glow foundation之前淨係用精華水加埋水凝霜，因為暫時夏天關係唔使太多保濕產品。之後再用YSL嘅instant glow base，保濕度已經足夠。冬天就要加多少少保濕產品。 另外呢款粉底液嘅遮瑕度唔錯，輕鬆遮到我嘅痘印，最重要係用咗幾次都冇爆暗粒，真係對我呢個肌膚狀態來講，已經好優秀。就算我而家唔用碎粉定妝，佢嘅持久性都好好，甚至可以持久到全日！晚上嘅時候，膚色依然保持到大約八成，整個妝容都仲係微微自然嘅光澤。 有啲人就將Dior同Nars小方瓶做比較，之前我都有提過我好鍾意Nars小方瓶，因為佢做出來的水光韓妝感覺好靚。但問題係冬天用的話，有時會有浮粉情況，真係好可惜。對比之下，Dior呢款粉底液嘅光澤度真係接近90%，我覺得非常啱我。下次我會寫埋dior forever foundation款。 剛上妝⬇️ 4小時後⬇️

好多謝@cosme 提供了DIOR恆久貼肌亮澤粉底液的體驗 今次體驗色號：1N本身皮膚蠟黃，又希望妝容自然，不想「兩截色」 所以揀左1N的自然色用手背到試色 可以睇到上粉後，兩者膚色非常相近，好像都沒有化妝，但左邊好像「白一d」？ 其實粉底液是帶粉紅色珠光色調，將原本暗黃的膚色調亮了，變成了和原本膚色相似的自然粉嫩膚色，並沒有變白，但皮膚看上去乾淨很多。放大了面部瑕疵最多的地方，清晰見到粗大的毛孔和黑眼圈，上粉後可以見到粉底液填平了大部分的毛孔，黑眼圈淡了，臉上的色斑，痘印依然存在，但膚色乾淨了很多。再來一張左右對照圖 （左：沒有 右：搽上粉底液）， 沒有使用特別上妝技巧， 只是簡單抹上粉底液再用粉撲印開，就這樣簡單，膚色就變亮了，輪廓向上提升了，而且顏色自然，有光澤，亦很貼服，妝感不重。就算只是簡單化妝上粉就可以出門。 因為夏天容易出汗溶妝，所以我化妝會偏向自然簡單，這支DIOR恆久貼肌亮澤粉底液，可以輕鬆做到「偽素顏」，而且妝後又不黏笠，很滿足到我的需要！

如果你一直嚮往奶油肌就絕對不要錯過這支 Dior 粉底。我用 1N 色號，不偏黃也不偏粉，可以稍為修飾暗沉，質地順滑。擦上後臉部立刻提亮，有如自帶高級光澤。它不是那種油光滿面的豬油感，而是一種從皮膚底層透出來、充滿水分的緞面光。同時對毛孔的修飾力意外地好，能把肌膚紋理修飾得像磨過皮一樣平滑。 官方標榜 24h Wear 雖然有點誇張，但持妝力確實不錯，氧化也不嚴重。

底液質地水潤輕薄，推開易均勻，妝效自然亮澤有光澤，遮瑕力中等可層疊，毛孔同細紋遮得柔和唔厚重。保濕力OK，皮膚感覺柔軟透亮，敏感冇大刺激。 持妝度唔錯，但香港潮濕天氣下T字位半天後會有少少油光。適合想日常水光自然底妝嘅女士，先做好保濕效果更好。

Dior呢支forever粉底液質地水感爆燈，推開好似精華咁貼薄，仲有淡淡高級花香味～ 上臉即刻有光澤感✨，薄薄一層已夠遮泛紅同暗啞，疊多層遮瑕力足夠。 最驚喜係佢「成膜」技術，我油肌用咗全日都冇溶妝暗沉，夜晚妝感變奶油肌！ 推薦溝少少保濕精華，用粉底掃薄上，直頭似天生好皮膚💖！

Dior Forever Skin Glow Foundation 見到好多廣告.. 又入手試下😌 官方主打自然光澤同長效持妝，適合各種膚質尤其是乾性或混合肌 實用結果～ 質地呢： 幼滑易推開，顏色都幾自然，內含花卉精華同光澤粒子，即時提亮膚色，遮蓋輕微暗沉同細紋，唔會卡粉或浮妝 持妝力呢： 10個鐘左右啦，夏天用都唔脫妝，帶淡淡玫瑰香味，滋潤度還好，夏天早晚當獨立底妝都 OK 🥸留意位呢 對油肌可能需定妝粉加強控油，混肌就要留意T區出油嘅情況 💓整體性價比高，敏感肌都安全無刺激，日常用唔錯丫

多謝@Cosme 比我試用Dior恆久貼肌亮澤粉底液！今次試用嘅係1N色！平時用開氣墊粉底，但其實粉底液上妝係比較貼服啲，所以就試試佢！開頭將粉底液唧出嚟嘅時候覺得有層油？後尾諗諗下先記得自己未搖下枝粉底直接唧咗出嚟😂😂但個質感真係幾舒服，輕輕一堆就得，又唔洗上到好厚，薄薄一層就搞掂✅又咁啱近排塊面好易泛紅，Dior恆久貼肌亮澤粉底液真係一層就可以輕輕遮到泛紅位置！🥹塊臉唔洗做紅桃了🫶🏻 跟著出咗街大概5個鐘左右，其間無補過妝，個妝依然係到🫶🏻無甩過！無乜氧化！ 我係T位尤其鼻翼位最易出汗出油，咁樣都無甩妝，對T位易出油嘅我非常友好❤️而且1N對我嚟講係偏近自己嘅膚色，所以臉頸唔會出現兩截色，素顏霜都慳返😂卸妝後肌膚依然覺得好水潤，唔會乾澀好似唔夠水份咁，整體嚟講Dior恆久貼亮粉底液真係好水潤，我咁大個黑眼圈都遮到，而且T位出油都唔會甩妝，真係勁正！

感謝@cosme 抽中今次dior粉底的試用。這次試用的產品是dior恆久貼肌亮澤粉底液，色號係0N，是自然偏白的色號。Dior 粉底液一向出名都好用。這次試用是先用glow veil打底，再上粉底液。粉底質地方面，佢係偏流質，所以好易推開。遮瑕度都幾高，基本臉上暗沉都可提升同瑕疵，痘印都可遮蓋。因佢偏流質，上面後我覺得都幾貼服舒適，臉上沒崩緊的感覺，而佢呢枝粉底液亦很有亮澤的感覺，上臉光澤飽滿，輕易打造水光肌妝容。呢幾日天氣都較熱，所以一定要落碎粉。這枝粉底液在我打了碎粉的8小時後，都只是t字位有輕量出油的感覺。佢雖然不是超級控油的粉底液，但在我混油的肌膚使用下，夏天連碎粉用都無問題。氧化情況方面，佢在我使用後1-2小時都有少少氧化，但不嚴重，因色號偏白所以在我臉上沒大差距。而持妝方面都不錯，佢係我過左8小時後都唔會好甩妝，即時有出汗的情況下，貼服度都不錯👍。卸妝都很易卸，卸後都無唔舒服的感覺。總結來說，如你想打造水光肌的感覺，呢枝一定岩你。 Before: After:

再次多謝@cosme送出 Dior恆久貼肌亮澤粉底液。我揀選是0.5N色號。 粉底液上手推開延展性都唔錯，好易推開。 即時效果 妝感自然，唔會好厚，可以做到薄薄一層為肌膚調色。自然貼服，且有光澤感，有輕微嘅水潤飽滿感。膚色不勻嘅情況亦即時解決了，毛孔也遮得唔錯，但遮蓋痘印就不太理想。 8小時出街後效果 出完街，就算有流汗情況，妝感仍然保持自然貼服，且有光澤感，無太大氧化情況出現，仍唔乾 卸妝後肌膚感覺 用卸妝油便好徹底把妝容卸掉，卸完妝後，肌膚沒有一點繃緊嘅狀態，亦很乾淨。

多謝@Cosme 比我試用Dior恆久貼肌亮澤粉底液～之前一直用輕薄又或者係霧面既粉底液，想試養膚粉底液好耐不過一直因為膚質問題而無買（混乾肌） 由於平日經常要化妝，皮膚容易出暗粒同偏乾。今次連續試用一星期，睇吓皮膚會唔會有變化。 以下係啱啱上完妝用自己光影出黎的效果。 首先粉底液的質感都係比較輕薄，上妝不會有很厚重的感覺。遮瑕度的話，暗瘡印大約可以遮到7成左右，相信小量疊加上多幾層可以遮得多啲（不過原本就沒有預計護膚型粉底液會有很高的遮瑕效果） 令我比較驚喜的是上妝後面部會有種自然的光澤，感覺皮膚很好，很透亮，而又唔會有「粉感」，即時效感有90分。 在隔3個小時後，鼻翼有輕微出油的情況，但仲可以維持到飽滿妝感。 唯一美中不足的是持妝效果對我來說只有6-8小時，在晚上面部會連額頭也有出油情況且會有脫妝感覺。 試用一星期後，整體來說感覺良好，值得回購。皮膚沒有生暗粒和暗瘡，也沒有脫皮情況。如果係for我肌膚用，感覺春，秋同冬天用會合適。

質地輕薄水潤、易於推勻，上臉後能與肌膚融合，呈現類似「貴婦皮膚」的緞光感。 遮瑕力具備中度疊加性，能有效遮蓋泛紅。保濕與延展性高，極易推勻，對新手非常友好；且因含有 86% 護膚基底，上臉後肌膚感到水潤不緊繃。持久力出色在 ，即使在悶熱天氣下，妝容依然能維持良好，出油後反而會轉化為更漂亮的自然光澤。瑕疵修飾限制，雖然可疊加，但對於深色痘印或凸起瑕疵，仍需額外使用遮瑕膏，無法單靠粉底完全覆蓋。  防曬就衹有Spf20，需要先塗防曬乳，以防曬黑皮膚！雖然有少量香料，但是敏感肌也可以使用！

顏色方面比較偏白，0n 是最適合我的顏色，不會過黃，並且持久度也很好

今次好榮幸得到Cosme邀請試用Dior恆久貼肌亮澤粉底液及恆久貼肌底霜體驗裝。粉底液的外型美觀，收到色號係0.5N。 首先用咗同系列嘅底霜打底，質地係肉粉色，保濕效果唔錯，仲有清香花味。之後用粉底液，搽上面容易推開，妝感自然有光澤感，唔會顯得好厚重，不過色號黃咗少少。薄薄地搽一層，可以均勻膚色亦遮到毛孔，遮痘印就用返遮瑕膏比較好，遮瑕度都算幾好。上妝六七小時後，肌膚有些少出油，不過整體妝面依然貼服完整，仍有光澤感，皮膚亦唔會覺得乾，持妝效果不錯。

早排日本有好多美妝youtuber都大推DIOR forever嘅遮瑕液，自己都被燒到買咗，結果用過之後真係愛不釋手，自此就對DIOR嘅底妝產品好有興趣。非常幸運今次可以試到同系列嘅恆久貼肌亮澤粉底液，之後可能都會keep住使用😍 質地: 液體搽係皮膚上好絲滑好易推開，泵少少就已經夠一塊臉。 妝感: 透薄得嚟有7成左右嘅遮瑕度，加上粉底液加入了86%護膚成分，令到佢有自然嘅光澤感，令皮膚望落好靚好健康，適合化偽素顏妝。過敏紅印同灰灰嘅痘印搽一層就可以搞掂，而黑眼圈就要重點重疊，但都唔會卡眼紋(好勁！ 持妝度: 哩個真心好厲害，係近日氣溫30幾度，晴雨不定濕粒粒嘅天氣下，可以真係由朝早帶到落夜晚都唔甩色/乾燥甩皮/卡紋/暗沉。連鼻翼位都好完整! (🔽大約係化妝8小時後，夜晚影總結: DIOR恆久貼肌亮澤粉底液 已經好赤裸裸，名符其實咁將佢嘅強項寫咗係個名度🥰另外佢添加了花卉護膚成分，變相每次化妝都可以同時做緊護理，減少皮膚受損，用咗一個星期都冇出現泛紅/乾燥/生粒粒，可見佢真係一件值得投資嘅產品~

感謝@cosme 比我試用Dior 恒久貼肌亮漯粉底液+亮澤底霜 恆久貼肌系列的粉底液為 Dior 的人氣彩妝產品，以打造24小時高度遮瑕、持久不脫色的底妝聞名。其耐熱、耐濕的無添加配方備有SPF20 PA+++防曬保護，同時糅合86%花卉護膚成分，宛如第二層肌膚的貼服觸感，以無比細緻的質感完美修飾並呵護肌膚。 首先，我用了亮澤底霜，然後再塗粉底。化妝後明顯皮膚好靚，猶如精華般為肌膚注入自然光澤感，均勻膚色，締造柔滑美肌。妝感十分貼服，水潤飽滿，更可以修飾瑕疵，雀斑好明顯淡了很多。 最近天氣又熱又焗，十小時後，妝感如何？我覺得皮膚仍然十分細緻，炎熱天氣下有小量出油。但完全不氧化、不暗沉、不變乾。 卸妝後皮膚又十分水潤，據說Dior 科研團隊更在亮肌精油、保濕護膚成分和柔焦粉末之間取得巧妙平衡，進一步提升底妝的透亮妝效和飽滿感。真是十分推薦大家試試！

在Dior 專櫃拿的試用裝。對我來說，不是我試用過最水感的粉底液，還有少少黏。我用手指上，不算易推，但要推勻是沒有難度的。 遮瑕度算中上，妝感自然貼服，痘印雖然不能完全遮蓋，但也淺色了。 試用的時候，天氣不熱但潮濕，過了半天也沒有浮粉變化，持久度不錯。

我用0N色 本身都驚自然光太白 但原來好啱亞洲人膚色 油潤感同埋遮暇度足夠 一層至兩層已經可以做到奶油肌感覺 入邊有護膚精華成份 用完唔會出粒粒 有養膚成份 整體唔錯 冇暗沉 ❣️❣️

身為油肌人終於找到命定粉底！色號：1N 輕盈的乳液質地推開時超滑順，用美妝蛋輕拍就能打造出亮肌光澤感，自然提亮卻不會死白，完全沒有厚重的面具感。 最驚豔的是它的持妝力，即使我這種一到下午就油光滿面的膚質，搭配控油妝前使用後，竟然能維持8小時不脫妝。微微出油後的奶油肌效果反而更美，鼻翼兩側也不會卡粉斑駁。遮瑕度中等偏上，淺層痘印能遮掉七八成，重點部位疊擦也不顯厚重。

首先要謝謝@cosme抽到我試用這款 Dior 恆久貼肌粉底液，剛好遇上去旅行就帶著一起去啦！ 這是我第一次用Dior 的粉底液，這次選了1N色調。他很容易推開，不會卡粉，一泵可以全臉上粉，明顯提亮膚色，不是那種假面的顏色，遮瑕還可以，基本修飾左d斑，淡淡的打上腮紅就可以出門，方便我呢種懶人。出門逛街一圈都不需要特別的補粉，控油幾好，痴痴立立的感覺不太明顯，出汗後浮粉不算厲害，持久性不錯，晚上照鏡沒有特別暗沉，還尚精神。 如果搭配他的恆久貼肌亮澤底霜，妝感明顯立體咗，光澤度和飽滿感會明顯好多，持妝度好d。 整體來說，妝感對於我的混合皮膚是友好的，貼服、面色精神、提亮膚色、均勻咗啲膚色、不用刻意補妝都可以持續到晚上。落妝後，不會感覺到皮膚好緊。