CLINIQUE

花之戀光感胭脂

Clinique 小花胭脂 #21 Ballerina Pop 真實測評 一句講晒： 一塊偽裝成胭脂嘅「自然血色感提亮神器」，適合追求白淨、透亮、好氣色妝容嘅女仔。 1. 顏色同色調 (#21 Ballerina Pop) · 實際顏色： 官方叫「芭蕾粉」，但唔係死亡芭比粉！係一隻非常淡雅、帶微微冷調嘅淺粉紅色，入面有超細緻嘅銀白色珠光。 · 上臉效果： 因為顏色好清透，所以唔會一撻色。上臉後同皮膚融合，透出嘅係一種好似由皮膚底層泛出嚟嘅自然紅暈，感覺好害羞、好少女。白光下睇偏粉嫩，黃光下睇更似自然血色。 · 顯白度： 超級顯白！ 尤其適合白皮（黃一白、粉一白） 嘅女生，可以即刻提升透明感同乾淨度。黃二白如果想用嚟做提亮，輕手掃都OK，但健康膚色就可能唔太顯色。 2. 粉質同妝效 · 粉質： 壓粉實淨，但唔難取粉。用掃子輕輕打圈，就會上到適量顏色。粉質細膩到不得了，完全唔顯毛孔，係高級嘅絲絨感。 · 妝效： 絲緞光澤感。佢嘅珠光好細好細，唔會誇張閃爍，而係一種低調嘅皮膚光澤，好似本身皮膚好好嘅透亮感，完全唔會顯毛孔或粗糙。 · 貼服度： 極高！好似融入皮膚一樣，唔會浮喺表面。

Clinique花之戀光感胭脂 #08 Melon Pop 測評 一句講晒：一隻「偽素顏」心機色，好似自己天生好氣息！ 1. 顏色同質地 · 顏色描述：蜜瓜粉橘色。唔係死實嘅橙，又唔係嬌嗲嘅粉紅，係兩溝得剛剛好。入面有微微嘅極細緻光澤粒子，唔會大閃片，似皮膚自己透光。 · 質地：粉壓得好實淨，但一用掃就好易取粉。粉質幼滑到好似「絲絨」咁，上臉完全冇粉粒感，同皮膚融合得好自然。 2. 上臉效果（重點！） · 白皮/黃一白：會出到好明顯嘅蜜糖少女感，睇落又甜又健康，好有夏日氣息。 · 自然膚色/黃二白或以後：放心！佢唔會變「熒光橙」。上臉後會同你膚色融合，變成一種好自然嘅紅潤感，好似做完運動或者飲咗少少酒咁，好逼真。 · 妝效：半啞光帶微微光澤。唔會令毛孔顯眼，反而有少少「柔焦」效果，好貼皮膚。 3. 點用最好？ · 工具：建議用鬆身嘅圓頭胭脂掃，輕輕打圈取粉，喺蘋果肌上面打圈掃上。 · 手法：因為顯色度中等，所以唔使驚。最靚嘅用法係少量多次，慢慢疊加到想要嘅效果。新手極友好！ · 搭配：好百搭！配橙調、粉調、珊瑚調嘅唇膏都唔會撞。尤其適合想化偽素顏妝、日常通勤妝、韓國女

Clinique 小花胭脂 #18 Black Honey Pop ✨ 紅遍全球嘅「顯白黑蜂蜜」真身係點？ 🧸 一句總結： 「一隻『知性深莓紅』，顯白、氣質掛，日常得嚟帶少少女人味，但唔好期望佢『少女感』！ 🎨 顏色 & 質地 · 色調： 深莓子紅 + 微微棕調，薄搽係自然血色感，厚搽會有秋冬深邃感。 · 質地： 啞光但唔乾，粉壓得實，好上色，新手要輕手！ · 適合膚色： 黃皮恩物！ 白皮用顯氣質，深膚色用會更顯色復古。 👍 優點 1. 顯白能手 棕調莓紅超襯亞洲黃皮，有種「膚色即刻乾淨咗」嘅感覺，唔會似「村姑紅」。 2. 日常得嚟有氣場 淡妝薄掃一層好自然，似運動後好氣色；厚搽配紅唇可以出宴會，一色兩用。 3. 包裝可愛實用 經典小花壓紋，鐵盒細細粒方便帶出街補妝，而且唔會黐塵（講緊你呀NARS！）。 👎 缺點 1. 唔算「顯嫩」色 如果追求粉嫩少女感，呢隻會太成熟，似職場/氣質路線。 2. 深色易失手 顯色度高，用鬆軟掃都要輕手，否則易變「凍傷妝」。 3. 皮膚太乾可能顯紋 雖然係絲滑質地，但極乾肌唔做好保濕，長時間帶妝可能卡皮

Clinique小花胭脂紅足咁多年唔係冇原因，我自己起碼買過5隻色，佢嘅清透感同細膩粉質真係對得住個價錢！ 今次想介紹19號，韓系奶粉色（近排淨係用呢隻tone既胭脂😂） 🤍 自然紅暈感：5/5 顏色清透唔會一撻色，上臉似皮膚底層透出嘅自然紅潤感！ 🤍 粉質細膩度：5/5 壓粉實淨（用極都有！！！），易取粉，粉質幼滑，珠光細緻到似皮膚天生光澤，完全唔會顯毛孔！ 🤍 顯白效果：4.5/ 5 19號色白皮用即時提升透明感同乾淨度，黃皮輕手掃都有提亮效果，健康膚色就可能要疊加～ 🤍 持久貼服：4.5/5 帶妝8小時顏色依然融合，似自己膚色，珠光感持續不浮粉～ 總結： Clinique小花胭脂係經典中嘅經典！無論係新手定化妝老手，唔知買咩胭脂揀佢一定無錯～會繼續收集更多色號，推薦俾所有追求細膩妝感嘅你！

呢個大名鼎鼎嘅「花花胭脂」想買好耐，因為佢壓盤係一朵雛菊咁好靚，靚到你唔捨得用。 Clinique 呢粒胭脂最勁嘅地方係佢嘅粉質，摸上手係無粉感嘅，非常實淨，唔會飛粉。上臉嘅效果係好似水彩咁暈染開，非常通透自然，好似皮膚底層透出嚟嘅好氣色，就算重手咗都唔會變馬騮屁股。 顏色方面，最經典一定要提 #05 Nude Pop (橘色調，上面顯氣質) #08 Melon Pop (哈密瓜色，超顯白) 同埋 #15 Pansy Pop (紫色，黃皮救星)。 我自己就揀咗Pink honey pop 不過建議去試色先買 如果唔係可能揀唔啱 缺點係個盒雖然睇落通透，但易花同埋個扣位有時會爛。同埋因為粉壓得實，要用抓粉力好少少嘅掃先易上色。 最後決定買佢嘅原因係佢冇滑石粉！依家比較注重化妝品嘅成分，所以最後揀胭脂揀咗呢款，始終比較穩陣 顯色度： ⭐️⭐️⭐️⭐️ (透亮感為主) 持久度： ⭐️⭐️⭐️⭐️ 自然度： ⭐️⭐️⭐️⭐️⭐️ 顏值： ⭐️⭐️⭐️⭐️⭐️ 安全度：⭐️⭐️⭐️⭐️⭐️ 顏值： ⭐️⭐️⭐️⭐️⭐️ 安全度：⭐️⭐️⭐️⭐️⭐️

講真，一開始見到pansy pop呢隻色真係有啲猶豫，因為佢係偏淡紫調嘅胭脂，聽落好似好難carry咁。但試上臉之後——嘩！完全驚艷！😍 質地同顯色度： 小雛菊胭脂出名粉質細膩，呢隻15號都唔例外！壓粉實淨，唔會飛粉，上臉好易暈開。雖然睇落紫色好似好誇張，但實際上臉係一種好自然嘅粉調淡紫色，仲帶微微光澤感，唔會閃到變十八銅人，係好貼服嘅自然光澤～ 效果同膚色適用度： 我自己係黃二白膚色，本來驚紫色會顯黃或者突兀，點知完全唔會！反而佢可以有效中和膚色嘅黃氣，睇落個妝感更通透同白皙💡。如果係白皮用，效果仲仙氣，好似天生好氣色咁！就算係暗沉肌，用佢都可以即刻提亮，仲有種偽冷白皮嘅感覺～ 點樣用最好？ 我通常用掃子輕輕沾取，喺蘋果肌位置打圈掃上，少量多次就最自然。因為顯色度中等，唔會一掃就變關公，新手都好易掌控。如果想個妝更持久，可以輕輕撲層碎粉再上胭脂，咁就可以keep成日都唔掉色～ 總結： ✅ 優點：自然提氣色、黃皮友好、粉質細膩、持久度不錯 ❌ 注意：如果膚色偏深可能唔太顯色，建議去專櫃試咗先～ 總括來講，Clinique呢隻pansy pop真係一隻宝藏

雛菊胭脂已經好多年，好多KOL或者Beauty blogger都好鍾意用。 我買呢隻係06 Nude Pop，係比較自然嘅顏色，有少少珠光色，上面之後係一種輕微嘅血色透出來，睇落好似氣息好好，非常之自然。 呢一隻胭脂比較容易上色，所以用掃上嘅時候要小心份量。而且比起其他胭脂都叫做持久。 可以趁佢有折或者有套裝嘅時候一次過買幾隻色，下次我會補埋想要嘅另外兩隻色。

較早前失心瘋一次過買咗三盒01 10 22號色， 01及22: 偏橙色調 10:偏冷色調的磚紅色 。包裝靚靚，有花壓紋相信係其中一個賣點，同埋佢持久度好好，易blend，同肌膚融為一體， 好貼服。

無論質感、包裝、色澤上，這款花漾胭脂絕對是我心目中的胭脂No.1！對這個包裝，實在抵抗不了誘惑，全系列共19色，前前後後一共儲了4個色號 (˶‾᷄ ⁻̫ ‾᷅˵)依上至下次序為： Pancy Pop 雖然紫色被認為是可以修補暖膚色的黃氣，但Pancy Pop為偏冷色調的紫色胭脂，對冷調膚色較友善，深暖膚色的人使用會顯得妝感髒髒的。要慎入！ Melon Pop 這粒已經是第3粒了！如其名，melon pop 真的如蜜瓜般，甜美可口🍑珊瑚粉色調，暖皮膚使用十分粉嫩顯白。大推👍🏻 Nude Pop 韓國大熱的Nude Pop，溫柔的奶油色，很自然，而且自帶光澤！簡單一抹好氣息，深淺膚色都適用！ 任何場合、任何人使用都OK的百搭胭脂💯 Sorbet Pop🍊 跟Nude Pop 有點像，但這粒偏黃的淡奶油色。 淺膚色的一抹好氣色，健康活潑。用在深膚色上較像打亮，可以抹在需提亮的位置。這顏色較少見，也是值得入手的一顆。它的粉質很細緻，而且有足夠的光澤感，讓肌膚看上去健康自然⭕️疊加擦的話，會更突出。新手用不易出錯，且顏色選擇多，可配合不同膚色需要，價錢亦很相宜，是入門胭脂的好選擇👍🏻大推！

購物送的額滿禮，色號15 pansy pop紫色胭脂，跟正裝一樣做左壓花圖案，很漂亮，一眼就知道是哪一家品牌，開頭唔知點用好，後尾發現紫色用係凹位會好好睇，或者可以用黎疊加係另一胭脂一齊用，粉感好細緻，摸落好滑身，色調很顯色

買左21號色，好粉嫩。啱皮膚白嘅人多啲，同埋用左面部會有膨脹感，個人都有少女感啲

買咗08 melon pop，容易上色，顏色容易配搭，效果自然，又可以維持一日的妝容。包裝的花花圖案也很吸引。

入手左nude pop呢種素雅百搭萬用既顏色，完全驚喜！粉質超幼，包裝小巧精美，好慳位！可惜被我跌爛左，但無損我對佢既喜愛！除左膚色較深既人會唔顯色外，人人都岩既顏色，無論咩場合都岩用！

買咗10 fig pop, 07 cola pop, 02 peach pop 呢個胭脂非常出色 所以用嘅時候要比較小心 好容易就會重手咗 但顏色選擇好多 又靚 粉質都幼細 佢好long lasting 一日都唔使補 佢又成日有買二送一優惠 所以都幾抵用 份量又多 每次拎少少就夠用 一盒可以用好耐 整體都幾好 係比較顯色 拎粉要小心啲 唔好拎太多

Clinique 花之戀胭脂，平時好少用呢個牌子嘅化妝品，今次比到驚喜我🤭🤭 胭脂是花瓣形設計，具有時尚感十分特別，即使淨係望住都已經好開心了。 我購買了13號顏色 rosy pop，是深粉紅色，這顏色非常自然，而且輕掃數下就已經十分顯色，相色度十分高，用少少就已經提升面色了，令肌膚看起來更健康更有血色。 而且它貼服度非常高，不會像一般粉狀胭脂般會甩，反而是親膚度非常高，而它的持久度比起粉狀胭脂更高，大半天都不用補妝呢！