維他命B5 推薦好用產品

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。

frogfrogtina好用推薦：Nivea呢支潤膚乳好好用，尤其冬天的乾燥天氣，敏感肌嘅我使用完全無問題。效果持久，唔笠身，質地清爽，吸收速度快，適合在香港使用

Myonlyone好用推薦：#火熱新品 講真，最初係見到「AHC超導水光玻尿酸」呢個名，同埋樽身幾有醫學感，先入手試吓。用咗差唔多一個月，可以同大家分享下真·用後感。 首先，質地係帶少少稠度嘅透明精華，推開係好水潤，吸收得算快，唔會黐立立。我通常洗完面，拍完爽膚水就用，咁樣皮膚食得最入味。 最明顯嘅感覺係補水。我係混合肌，兩邊面頰有時會乾到有繃緊感，尤其開冷氣瞓覺第二朝。用咗佢之後，呢種繃緊感真係少咗好多。搽完個面會有種「飲飽水」嘅光澤，唔係油光，係種健康嘅水光感。後續再搽乳液或者cream，都覺得鎖到水，冇咁易「倒水乾」。 至於「超導」同「玻尿酸」呢兩個賣點，我理解係等啲營養入得快啲同深層保濕。用落覺得皮膚嘅柔軟度有提升，摸落去冇咁多粒粒疙疙，手感滑溜咗。上妝都貼服咗，冇咁易起屑。 不過要講句公道話，如果你期望用完即刻「嘭」起、零毛孔，咁就可能會失望。佢主要係做好基礎補水同提升皮膚質感，令皮膚狀態穩定咗，冇咁易因乾燥而泛油或敏感。對於想集中解決皮膚缺水、暗啞問題嘅人嚟講，呢支精華係交到功課。 總括來講，作為一支日常保濕精華，AHC呢支喺性價比同效果上都算合格有餘。我會推薦俾啲皮膚冇大問題，但想加強保濕

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同

Yeonjung好用推薦：理膚泉B5精華💧 最近用晒理膚泉嘅B5精華，真心想推介俾有需要嘅姊妹們！💙 ✨ 主要功效 呢款精華嘅核心成分係泛醇（B5）同透明質酸，主打修復同保濕。泛醇有強效嘅修復同舒緩功效，可以快速紓緩皮膚乾燥同泛紅問題。而透明質酸就提供深層補水，令肌膚更柔軟有彈性。 🌸 使用體驗 質地有少少似精華乳，上面有少少黏稠感。 💧 使用方法 每日早晚洗面後，拎適量B5精華搽喺塊面同頸度，輕輕按摩到吸收。可以喺用之前噴一層水，會吸收得更快。 🎈 適合人群 乾皮同需要修復肌膚屏障嘅人都好啱用！就算你係油皮，都可以喺轉季嗰陣拎嚟急救用。 ✅ 總結 總括嚟講，理膚泉B5精華真係令人好安心。希望所有追求健康水潤肌嘅姊妹們都用得到佢～

jhope0725好用推薦：❄️冬季護膚，必定要做好打底！ 呢支係我嘅冬天恩物，因為我本身皮膚相對油性，雖然話冬天天氣乾燥，但如果冬季疊加太多層護膚品，仍然容易出現油脂粒，所以底層護膚一定要做好，就可以確保之後唔需要用過多護膚品，鎖住水份。 我自問用過唔少保濕精華液，但AHC呢枝做到長效保濕，晚上使用，起碼到第二日早上都唔會見到乾紋出現，保濕效果維持8-10小時，問題不大。☝🏻冬天洗完面真係會乾到脫皮☝🏻用完產品2分鐘後，會見到皮膚明顯出現光澤 產品質地相對厚身，上面後要留待2分鐘左右，待完全吸收之後再疊加其他薄身嘅油性護膚品，就能夠基本做好冬季護膚~

布吶吶好用推薦：AHC B5保濕精華－冬季護膚必備！❄️ 最近天氣真係凍到呢～皮膚乾到繃緊，仲有少少甩皮！即刻開咗支AHC嘅B5智慧保濕精華嚟急救，用咗兩星期，真心要同大家分享下呢支「冬季保濕神器」！ ✨ 質地同吸收度： 透明啫喱狀，推開好水潤，冬天用唔會黏立立！我通常按兩泵就夠搽全面，輕輕按摩10秒已經吸收晒，後續再搽面霜都唔會搓泥。對於怕厚重嘅我嚟講，呢個質地喺冬季護膚步驟入面簡直係完美打底！ 💦 保濕效果實測： · 即時效果：搽上面嗰刻已經覺得皮膚「飲緊水」，乾燥繃緊感即刻舒緩咗好多！ · 長效保濕：開住暖氣瞓覺第二朝起身，面頰竟然冇「乾到實」嘅感覺，摸落去依然軟滑。冬天咁乾燥嘅環境下，佢個鎖水能力真係交到功課！ · 妝前打底：而家冬季化妝前我一定會用佢，底妝貼服好多，冇再出現爆皮卡粉嘅尷尬情況～ 🌿 成份同溫和度： 主打維他命B5同透明質酸，冇酒精冇香料，我敏感肌用咗都完全冇刺激。冬季護膚最驚就係用啲刺激產品令皮膚更乾更紅，呢支精華溫和得嚟又有效，抵讚！ 📌 使用心得總結： · 適合時機：乾燥冬天必備！尤其係朝早同夜晚嘅基礎護膚步驟 · 推薦用法：潔面後先用化妝水，再上呢支精華（可

Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！

L好用推薦：上網買，係夏天用完全唔會花，效果纖長自然，唔會結塊，可以keep到10幾個鐘，高性價比，抵買。

Calvin好用推薦：黑繃帶眼霜同晚霜一樣有30%高濃度專利玻色因，因此用後皮膚潤滑，黑眼圈亦有所減淡。唯獨價錢太過進取，預算充足者可入。

Linda yan好用推薦：踏入30+更加要注重抗皺之路😢而維他命A類產品一直都係抗皺嘅明星成分🌟AHC嘅呢款面霜就加入左Retinal呢個成分。 我就使用左佢兩個星期～ 其實佢嘅保濕力唔，用左兩個星期之後覺得皮膚嘅彈性變好！同埋變得緊緻左又柔軟😍而去皺亦有改善。 另外值得一提嘅係，佢非常溫和，敏感肌的我之前都有試過A醇產品，但皮膚都係會頂唔順泛紅甩皮等等🫠但AHC嘅呢盒cream我用起身完全冇問題👍🏻 好建議敏感肌嘅你們，一開始可以2-3日用一次，等建立左肌膚耐受性再用得頻密啲😆

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜

Chocol55好用推薦：本人屬於混合性皮膚，主要會係冬天較乾燥時用呢樽面霜。面霜質地比較"杰"身，朝早搽完爽膚水同精華之後再補埋呢樽感覺好夠保濕，而且亦唔會同防曬或化妝品打交或者起屑碎粒既情況。好多時候都會見到有優惠，CP值幾高。

fatmomo好用推薦：用左50惠育髮精華我諗都有3年 的確有幫到我減輕脱髮問題 因為以前經常電髮染髮 差唔多1個月就轉一次顏色 令到個頭皮傷哂 D頭髮又甩又易斷 變到又幼又薄 個人好sad🥹 自此之後就開始嘗試過多種防脱產品 但係效果都麻麻地 自從用左50惠呢隻精華 Keep住用左3個月左右 真係見到有bb毛岀返黎 勁開心🥳🥳🥳 自此之後就keep住用 一日用两次 佢個噴頭好有力 直接噴落頭皮唔浪費 噴落去有d冰冰涼涼嘅感覺 好快吸收亦都唔笠 陣味都幾好聞 唔會係中藥味 仲要隻精華係made in Japan 價錢亦都唔貴👍🏻

莓莓好用推薦：唇炎早啲遇到佢就好啦🥲 我係一年四季個嘴唇都會乾嘅人。 夏天就只係乾，一踏入秋冬轉季天氣， 個嘴唇就已經開始又痕又乾，仲甩皮添😤 唔單止係咁， 有一年冬天冇理到佢，唇炎去到嘴角都甩埋皮， 自從嗰次之後我就開始試唔同嘅潤唇膏。 得返呢款潤唇膏係最啱我🥹 一年四季，我都用佢。 夏天薄薄哋搽一層，秋冬季臨睡前厚敷。 或者個嘴唇一痕我就會厚敷，真係有用㗎！！ 雖然個價錢真係唔平，但係真係有用！ 換季真係唔少得佢看門口！ #轉季#換季

mavis好用推薦：單價較一般潤唇膏貴少少，不過都算物有所值，用後明顯少咗爆拆問題，會再回購～

Kitty 好用推薦：如果你係皮膚容易紅、乾到爆，甚至換季會痕癢嘅朋友，真係要試吓Cetaphil溫和洗面奶！ ✨質地同用法： 佢係白色嘅啫喱露狀，徒手揉搓起泡的話泡沫較少（鍾意多泡嘅人要用起泡網），但呢點正正係溫和嘅關鍵！用法好簡單：擠少量喺手心，加少少水搓開，然後輕輕按摩塊面，最後用清水沖乾淨就OK～（如果化咗濃妝建議先落妝再用！） 💦使用感： 沖完水之後，塊面完全唔會繃緊！好多洗面奶洗完會乾到好似扯住咁，但呢支真係冇！皮膚摸落去係軟嫩嘅，仲有種保濕膜感，但絕對唔黐立！對於我這種轉季容易泛紅嘅敏感肌，用咗之後皮膚穩定咗好多，冇再因為清潔過度而出粒粒～ 👍優點： - 溫和到極點，唔刺激眼睛同皮膚 - 冇香料、冇皂性，成分簡單安全 - 清潔力足夠日常使用 - 性價比高，萬寧做特價時百幾蚊一大支 ⚠️注意： 如果你係油性肌，可能會覺得唔夠清爽或者洗唔乾淨，但對於乾敏肌來講，真係救星！建議油肌可以揀佢哋嘅油性肌專用款～ 總括來講，Cetaphil呢支洗面奶係我心中溫和派嘅天花板！皮膚狀態差嘅時候用佢絕對冇壓力，仲可以幫你穩定返肌膚～強烈推薦俾所有敏感肌朋友！❤️

A&R好用推薦：AHC黃金面膜，一拎起上手好似有啲重量，因為有三層，最抵貼皮膚嗰層係平時絲滑嘅面膜，中間有一層此純粹係吸收多啲精華，第三層即係最表面嗰層係金箔面膜，防止精華流失。其實作用不大，不過係有啲噱頭，敷上面屋企人見到都會覺得好好笑，面膜嘅保濕效果都幾好，敷完面皮膚似係美白咗少少，毛孔都有收細一點，有些少緊致的感覺。敷完面膜之後一個鐘好似又打回原形。

維他他好用推薦：AHC呢隻premium mask真係金色架喎，面膜分上下兩部分，我痴完下面再痴上面，佢一開有3層，我有一下傻傻分不清究竟要敷邊張haha，呢隻mask 保濕力好強，敷完18分鐘仲有好多精華係面到，我會按摩等佢吸收得好d，敷完真係好舒服，皮膚飲飽哂水，滿足! (Ps, 佢仲有銀色的，係lifting, 但呢到冇得寫😛）

Kitty 好用推薦：最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！ ✨ 第一印象 ✨ 一打開盒，見到佢係錫紙包裝，感覺幾高級同衛生。 💦 精華液多到瀉 💦 拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。 🧖‍♀️ 上臉感受 🧖‍♀️ 塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！ 敷咗大概15-20分鐘，其間塊面都係保持住水潤感，唔會話好快乾。 🥰 效果檢討 🥰 到最緊張嘅環節——除下面膜！ 真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！ 👍 優點總結 👍 1. 保濕力超強：玻尿酸真係名不虛傳，深層補水，抵禦乾燥一流。 2.

Fng好用推薦：AHC 安瓶精華纖維面膜急救補水夠力💯 ✨ 面膜質地與精華量 AHC呢款面膜採用纖維面膜紙，厚度適中，剪裁貼面，尤其鼻翼同下巴位都好伏貼！精華量多到可以擠出嚟搽頸同手腳，質地清爽唔黏笠，敷15分鐘後面膜紙依然濕潤，適合香港夏天怕黏膩嘅混合肌～ 🌟 即時補水與修復效果 主打高濃度B5同玻尿酸，試過曬後敷一片，面頰泛紅同繃緊感即時舒緩，毛孔睇落細緻咗！補水力足夠維持到第二朝上妝零卡粉，但緊緻或美白效果唔明顯，主要針對基礎補水同維穩～ ⚠️ 局限性 價格中上（約$40/片），日日敷會肉痛。香味略重，敏感肌要先試耳背。纖維布承載力不及生物纖維面膜，精華容易滴落～ 🆚 同品牌產品比較 · VS AHC B5安瓶面膜（經典版）：經典版面膜紙較厚，精華更濃稠，保濕力更強但夏天用稍潤；纖維版則更輕薄透氣～ · VS AHC黃金錫紙面膜：黃金版主打抗老同提拉，適合輕熟肌；纖維版專注補水，適合年輕肌或基礎護理～ · VS AHC膠原蛋白面膜：膠原版針對彈性同光澤；纖維版則純補水，功能較單一～ 💡 使用心得 混合乾肌可以放雪櫃冷藏5分鐘後敷，即時降溫又收毛孔！一星期用1-2次做集中保濕已足

Emma W好用推薦：生薑洗頭水係The body shop 的皇牌。唧出嚟有淡淡嘅薑味，加水搓洗，好易起泡。洗髮水含有生薑精油，加埋頭皮按摩，能激發毛囊生長，係淺淺的薑精味中，進行一日的開始或結束，加上達致頭髮濃密嘅效果，係一種享受。 另外，採用超過90%天然成分，不經動物測試，社群公平貿易生薑精油，係值得支持的。

GinGin好用推薦：質地比較流質，好易推開，而且感覺好清爽，保濕度一般，可能要搽多一層先夠，如果有買一送一我會入貨

Fng好用推薦：質感夠水潤，清爽，容易吸收，夏天搽唔會黐立立，感覺良好，同埋有少少收細毛孔嘅效果。