d program 好用推薦產品

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

Kelvin好用推薦：Shiseido d program 暗瘡精華。唧出嚟係啫喱質感，搽上暗瘡位置比較清爽，用完唔會乾，所以唔會導致甩皮。暗瘡精華針對反復發起嘅豆豆，痘印，敏感皮膚都可以使用溫和版本暗瘡精華。 因為我唔會太多暗瘡，淨係間唔中先起暗瘡，所以用起上嚟都確實有用，最好就係暗瘡啱啱紅咗腫少少嗰陣時用就最有效，不知道會不會之後又耐藥性。 用落去真心有，但唯一缺點就係用得好快，如果係太多暗瘡嘅人士就建議搵返其他平價少少嘅暗瘡啫喱。

Fng好用推薦：d program 酵母益生元多重去痘精華 ✨質地與溫和度： 半透明凝露質地，推開化水超輕爽，夏天用零黏膩！主打酵母益生元平衡菌群，無酒精無香料，溫和到爆～就算熟齡肌敏感時期用，都唔會刺激或脫皮，同一般強力去痘產品好唔同！ ✨效果與驚喜： 唔會即時滅痘，但用咗一星期，暗粒同閉口粉刺真係少出咗！T位油脂分泌有改善，但兩頰唔會乾燥繃緊。最驚喜係皮膚穩定度提升，經期前冇再大爆發～治標又治本！ ✨同價位比較： VSThe Ordinary煙酰胺精華：TO控油更強但刺激，呢支溫和兼保濕； VS Curel抗痘保濕乳：Curel更保濕，但去痘力稍弱。 ✨適合邊類人： 壓力痘、荷爾蒙痘嘅輕熟肌！尤其混合偏乾肌怕用去痘產品會抽乾水分，呢支清爽又保濕，係少數唔會令乾燥部位惡化嘅去痘精華。 總結：溫和調理＞強力滅痘！適合長期作穩定肌底之用，會回購！

GinGin好用推薦：「 #火熱新品 」 第一次試用d program品牌，因為偶像許廷鏗曾經代言，當然要親自體驗一下啦！ 這款緊緻亮白化粧水（酵母益生元柔膚水緊緻亮白版）使用短短時間，皮膚已明顯更有光澤，緊緻效果則需更長時間觀察。 雖然產品含超級透明質酸等保濕成分，但仍建議搭配保濕精華和面霜，讓肌膚徹底補水。 正常價錢稍貴，若有特價就值得入手，適合敏感肌使用。

Kitty 好用推薦：咗支D Program嘅隔離霜，都幾ok！質地好薄身，推開後唔會笠黐黐，仲有少少潤色效果， 綠色可以均勻膚色，調整膚色泛紅。最鍾意佢唔會起擦膠碎，後續上粉底好貼服，成個妝感自然透亮。仲有SPF防曬，日常用足夠應付。控油效果都唔錯，帶妝幾個鐘都冇乜出油，值得推薦俾混合肌同油肌嘅朋友！

zetalhc好用推薦：非常喜愛的隔離霜之一，質地容易推開，有效糾正膚色及遮蓋粗大的毛孔！上裝後冇咁容易出油，全日有效定妝唔會咁容易脫妝，聖誕出街化妝用呢個base就啱晒！！ 【聖誕】

Nicole 好用推薦：作為混合油痘肌用了快兩星期，真的很驚喜！質地是清爽水狀，流動性高，輕拍幾下就吸收，完全不黏膩，夏天用超舒服。最滿意的是控油能力，T區出油減少很多，而且持續用能明顯感覺粉刺變少，毛孔也比較乾淨。重點是這款有出補充包，價格更實惠又環保，對每天都要用化妝水的人來說，長期省蠻多的👍🏻 #火熱新品