Avene 好用推薦產品

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

poonpoon好用推薦：質地係白色乳霜狀，中等厚度滋潤感高，容易推開，吸收後留有一層滋潤感，保護皮膚屏障。 tolerance 充滿住Avene 護膚品嘅味道，好唔好聞就見仁見智，不過我就慢慢接受，因為知道呢個法國醫學品牌敏感皮膚都用得，證明材料唔會添加太多物質。 用後即時做可保濕，降紅效果，用完皮膚沒有負擔，舒緩敏感皮膚表面☺️佢有好多隻唔同嘅保濕護膚霜，呢支算係中等保濕嘅，仲有一支保濕到最高嘅係cicalfate，而家手上呢支tolerance比較適合乾性皮膚入秋使用/中性至混合性皮膚冬天使用/敏感皮膚急救用，都比較適合。呢支嘅護膚功效相當唔錯，搽咗幾次就令皮膚問題修復得貼貼服服。

Poyobb好用推薦：透明gel狀，滴管方便控制分量，茶完有少少黏立感，要俾少少時間等佢吸收，吸收用完好似變咗水光肌，水潤感強，有效減少乾燥引起既不適感 ，適合而家轉季天氣✨用完面部充滿水感，因為我混合性皮膚，即使上完toner+依支b5 serum，然後直接上base+粉底已經好足夠，冇咩出油，見得保濕力強💧 之前夏天嗰陣時候用皮膚好焗黏，而家天氣乾燥咗就適合喇 但留意返25年頭電視廣告話可以溝落foundation ，但我溝完之後上面再上碎粉就起擦膠碎，可能要睇咩粉底先可以溝🫠 始終純保濕精華市面有超多選擇，可以試吓啱唔啱質地先買🫶🏻

Jasmine L好用推薦：用咗Avene極速保濕水漾精華一星期，質地超水漾輕盈，一搽即刻吸收，唔黏膩。 作為敏感混合偏乾肌，即時覺得面部水潤，乾燥脫皮少咗，肌膚柔軟有光澤。化妝都好似貼服咗，冇刺痛反應。

Kelvin好用推薦：Avene最新出咗幾支精華，一支係保濕，另一支係B3，仲有支好似抗敏，枝枝都睇落差唔多。 一樣都係泵頭，擳出嚟精華流質。透明用手推開或滑滑地，吸收完之後會有一層保護膜喺皮膚上面。B3依支主打緊致去皺紋，精華無太大Avene味，可接受。除咗維他命B3之外，添加透明質酸。 用落佢去紋方面不太大效果，感覺好似同保濕精華差唔多，但係就冇保濕精華嗰支咁黏笠，不過皺紋呢啲其實好難用精華去到，對我嚟講冬天嚟講會幾啱可以keep住用，可以抗老預防皺紋，質地適合。

Hellobeauty 好用推薦：Avene 細胞激活水漾乳霜 Avene個品牌嘅產品一直陪伴咗我好多年,Avene 細胞激活水漾乳霜係其中一樣令我無限次回購嘅產品. 首先,佢係醫學護膚產品,成分絕對係溫和,絕對唔會擔心對皮膚造成敏感問題,而且佢入面嘅活泉水成分,保濕方面達到極致效果； 另一維他命 B3成分,具備縮小毛孔、保濕修護、舒緩泛紅、抗老淡紋等核心功效,絕對係多功能面霜； 面霜質地呈半透明狀態,感覺上非常適合春夏天使用,但其實佢質地並不屬於清爽,而係順滑易推,易吸收,塗上面後感覺似有一層水膜包住自己嘅皮膚,有一種飲飽水嘅感覺,擁有水光肌一樣。因此，我絕對認同,上妝前用此面霜打底,令妝容上粉更加貼服； 我長期回購此產品嘅原因係，我因應唔同嘅季節及情況，多元化使用佢，發揮其功效。 日間或夏天：指薄薄塗一層作為面霜，所以擔心面霜有黏立感嘅朋友可以調較份量，其實份量少少都已經感覺到面上被此面霜包裹，感覺舒服； 夜間：特別係冬天時間，我會厚厚塗上一層，直接當睡眠面膜一樣，翌日起身，發現面霜完全被皮膚吸收，明顯令皮膚進入極致水潤狀態； 急救化妝神器：此面霜除了化妝前塗上，令妝容更加貼服外；係我嘅化妝急救神器。因為有一次睡眠

Jeniel好用推薦：Avene呢個牌子我用咗好多年，呢款細胞激活水漾乳霜係我其中一款會不停回購嘅心頭好。 成分夠晒溫和，用落完全唔怕敏感。入面嘅活泉水成分將保濕效果做到極致；另外仲有維他命B3，可以收毛孔、保濕修復、退紅抗老，一次過搞掂幾個皮膚問題，好實用。 質地係半透明狀，望落好水潤，實際推開感覺順滑，唔算好清爽但絕對唔黏，吸收之後好似有一層水膜包住塊面，飲飽水咁樣，有種水光肌嘅感覺。上妝前用佢打底，粉底會貼服好多。 但我最常既用法係夜晚或冬天，臨訓前，我會厚敷一層當睡眠面膜，第二朝起身發現面霜完全被吸收，皮膚會勁彈勁有光澤！ 總括嚟講，呢支面霜四季都用得，多功能又溫和，真心推薦俾心思思想試既你！ 保濕度： ★★★★★ 溫和度： ★★★★★ 多功能性： ★★★★★ 吸收貼服度： ★★★★☆ #Avene細胞激活乳霜 #無限回購 #水光肌神器 #急救化妝法寶

Emily Leung好用推薦：Avene抗敏活泉水 「就係呢支經典白紅包裝嘅噴霧！睇落簡單，但係我哋敏感肌嘅『救命水』！」 「你睇吓啲水珠幾細密！噴上塊面好似一陣霧咁，好均勻，唔會『射』到塊面一嗒嗒。」 「我最鍾意喺洗完面後，立刻噴全臉，輕輕拍打幫助吸收，為後續護膚打好個底！」 「每次曬到塊面紅噹噹，或者敏感痕癢，一噴上去，即刻有種冰涼降溫嘅感覺，舒緩效果超快！」 ✅ 我的真心評價： 優點： · 即時降紅止癢： 皮膚敏感發作時，佢真係最快幫到手，鎮靜效果一流。 · 百搭唔會撞： 無論係護膚前、化妝後、冷氣房抽乾水，隨時噴都得，唔會同其他產品打架。 · 溫和到極點： 成份純粹，冇香料酒精，敏感肌、濕疹肌甚至BB都用得。 注意位： · 記住要印乾： 噴完等20秒左右，要用紙巾輕輕印走多餘水分，如果唔係會越噴越乾！ · 唔好期望勁補濕： 佢主要係鎮靜舒緩，補濕要靠之後嘅精華同面霜。 雖然佢睇落好似好簡單，但絕對係我梳化、書枱、手袋都會長備一支嘅「安全感」產品！平、靚、正嘅萬用噴霧，真心推薦！

Noel好用推薦：Avene 這個抗敏感品牌，相信大家也不陌生，個人是因為這枝精華液入坑的❗Avene 產品帶有一陣療癒的香氣，有點似香皂＋精油的混合，聞落很舒緩❣ 精華液呈白色，乳液狀，帶中至高流動性，延展性極佳，上面很好推。不要看它平平無奇，塗到面上會有立即變成水的感覺💦 超級喜歡～ 乾肌的我一試愛上，補濕力強，滋潤感持久，有滲透的效果之餘又夠 light💙 零缺點恩物❗ 這枝透明樽＋白色精華液，還是深色背景比較理想😅

Maggieyt好用推薦：皮膚有少少敏感用佢好快穩定返 夏天用少少笠 夜晚開冷氣訓覺用 適合秋冬天氣用，尤其皮膚唔穩定，唔想搽咁多野，用佢都夠保濕，不過味度上比較濃，但都接受到

mandy好用推薦：Avene Hydrance Aqua Cream in gel 高效保濕水漾乳霜 (舊版) $242 / 50ml (新版參考價) 高效保濕水漾乳霜的質地為啫喱狀的面霜， 主要功效為保濕鎖水。 附上勺子，非常user-friendly，確保乾淨衛生。 由於質感非常水感輕盈，保濕力不錯， 而且完全不會有黏膩感或厚重感， 我喜歡在早上使用，因為不會影響後續上底妝。 成分方面，以保濕成分最多，其次是抗氧化及抗衰老成分。 使用後基本上不太有使用面霜的感覺, 因為使用感實在太清爽了，非常建議油性肌/混合肌嘗試。 含保濕成分: 丁二醇, 角鯊烷, 甘油, 矽靈, 氫化椰油甘油酯類, 卵燐脂, 戊二醇, 牛油果, 丙二醇, 硫酸鹽軟骨素 及 玻尿酸鈉 抗氧化成分: 角鯊烷, 牛油果, 玻尿酸鈉, 維他命E 及 維他命E醣苷 抗衰老成分: 角鯊烷, 甘油, 牛油果, 玻尿酸鈉 及 維他命E 油性滋潤成分: 卵燐脂 及 牛油果 鎮靜消炎成分: 牛油果, 玻尿酸鈉 及 維他命E 美白成分: 維他命E

Joanna0612好用推薦：滋潤效果很不錯，而且持久度也好，可以淡化乾紋，而且也不刺激，成份溫和，沒有過敏不適，質地不會太稠或太水，我覺得夏天冷氣房用剛剛好。

April好用推薦： 使用這美白精華的好處有很多，特別是長期使用時，以下是一些主要的好處： 1. 均勻膚色 長期使用可以幫助減少黑斑、雀斑和色素沉著，使膚色更加均勻。 2. 改善膚質 美白精華含有抗氧化成分，能夠改善肌膚質感，讓肌膚看起來更加光滑和明亮。 3. 減少皺紋 維他命C具有抗老化效果，可以減少細紋和皺紋的出現。 4. 增強保濕 美白精華同時具有保濕效果，能夠幫助肌膚保持水分，避免乾燥。 5. 促進肌膚再生 長期使用可以促進肌膚細胞的更新，讓肌膚更加健康。 6. 防止環境傷害 含有抗氧化劑的美白精華可以幫助抵抗環境污染和紫外線對肌膚的傷害。

natanatalie好用推薦：價錢有點貴，質地非常不清爽，油性肌膚會覺得黏立，不容易被肌膚吸收，美白效果也不是太明顯，性價比不高。

Chloeincosme好用推薦：呢排用緊 Avene 防曬乳液 (SPF30 PA+++)，適合室內日常防曬，但戶外活動就會唔夠力。質地唔算厚重，但都唔算好水潤，冬天用唔夠保濕。不過成分溫和，敏感肌用完全冇問題！ 🤍 防曬力：3.5/5 室內使用足夠應付，但如果長時間戶外活動或夏天暴曬，就會明顯唔夠力，需要補塗或轉用更高係數～ 🤍 質地與保濕：3/5 質地偏乳液狀，推開算容易，但保濕度普通～乾肌冬天用會覺得有啲繃，建議要先做足保濕打底！ 🤍 溫和度：5/5 真正為敏感肌設計！完全冇香料、酒精，就算皮膚泛紅或狀態唔穩定時用，都零刺激，仲有舒緩效果～ 總結： 如果你係敏感肌，主要喺室內活動，Avene呢支防曬係穩陣之選～溫和得嚟日常夠用，但保濕同戶外防護力就稍嫌不足。未必回購，想試下其他更高防曬系數嘅產品！