SUQQU

晶采艷澤粉底液e

感謝@cosme抽中我可以試用SUQQU晶采艷澤粉底液 e ，我真的超愛，連續使用10天來分享心得。
質地 ：5🌟
佢係好絲滑水潤嘅質感，推開超順滑，一啲都唔卡紋、唔搓泥，就算用手直接上都好容易推均，新手都好易上手。上臉唔會有厚重嘅粉感，係好貼膚嘅狀態，完全唔會浮係面上面。好鍾意😊

妝效：5🌟
真係絕，係高級嘅自然光澤奶油肌，唔係誇張嘅油光，係由內而外透出嚟嘅細緻光澤，睇落就係自己本身皮膚好嘅狀態，偽素顏感拉滿！遮瑕力屬於中等，日常泛紅、淺痘印、毛孔都可以遮得七七八八，遮唔住嘅小瑕疵疊多一層都唔會厚重，面珠墩睇起上來超飽滿。

滋潤度： 4🌟
滋潤度唔錯，添加咗養膚精華，未出現拔乾卡粉，混油皮建議T區用控油妝前打底，再輕掃定妝，都唔會容易出油脫妝。

持久度：4🌟
持妝表現都好穩陣，帶妝一日都唔會快速暗沉，越夜越靚嘅類型，出油之後同皮膚融合得更好，妝容更貼更自然，唔會塊面一撻撻脫妝，亦唔會黃臉臉。