BOBBI BROWN

無重輕霧粉底液 SPF 15 PA++

最近溫度同濕度都漸漸上升，意味著冬去春來，今日就同大家分享適合春夏用嘅Bobbi Brown 無重輕霧粉底液 Weightless Skin Foundation 用後感。
1️⃣首先講講品牌方對產品的優點描述：
- 含三重保濕複合物，有助提高肌膚的水分含量，長時間保持水潤保濕。具備防水防汗配方，帶來不卡粉浮粉、不易脫妝和隱形毛孔的上妝效果。
- 粉底採用獨特的高速冷凍技術，讓粉底液保持猶如空氣般的無重質感和極佳親膚性，薄薄一層就可打造精緻輕霧妝容；即使疊加修飾瑕疵，底妝也不會感到厚重或有面具感，打造出無負擔的長效霧面妝感！
2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃配上圓柱瓶身設計及有金邊嘅蓋，有大牌高級感；粉底液呈偏水狀，可見其質地透薄。跟著就跟大家分享上面嘅before & after；我只薄薄上了一層+有泛紅瑕疵位局部上多一層而已。
你會見到毛孔有被修飾、泛紅同痘印都遮蓋了不少；呈自然啞緻妝感，清爽不黏膩。跟著再分享10小時後完全冇補妝嘅情況，感覺粉底變咗透明🤣泛紅已經重現，而且膚質亦粗糙乾乾的，但毛孔雖然有少少白芝麻出現，但仍然有修飾度。

後記：以上係冇補妝嘅狀況，如果中間有補妝我相信泛紅、妝感同膚質問題都可以解決；順帶一提，一整天下來，妝感都清爽啞緻，雖然有少許白芝麻情況，但毛孔仍有被修飾，所以我覺得粉底液有做到佢所宣稱嘅優點：真係做到無重輕霧，幾light weight幾啱春夏天用質，仲修飾毛孔！

另外值得一提嘅係：粉底質地較液體狀，輕薄易推開，遮瑕度相對較低，而且只可以局部堆疊，因為全面上兩次的話，上第二層會好易推走第一層。而且妝感呈matte狀，建議局部上粉底，因為粉底幾易乾，全面上會有機會推唔勻。