Haruhada

冰感耐水防曬噴霧 SPF50+/PA++++

其實之前對噴霧式防曬都有少少保留，因為試過有啲噴出嚟會唔均勻，搞到部分皮膚都係有曬黑到，同埋我本身都好唔鍾意防曬搽完笠痴痴、油膩膩嘅感覺，不過呢支Haruhada真係完全打破晒我嘅疑慮

佢嘅質地真係輕柔清爽到不得了！噴出嚟係好細緻嘅霧狀，一啲都唔油膩，最重要係完全唔會泛白。唔使點樣拍開就吸收晒，塊面同身體都feel唔到有嘢喺上面咁，好似冇搽過防曬咁輕盈，真心係零負擔～

而且佢仲可以安心用於面、身體，甚至連頭髮同頭皮都噴得，出街前全身噴一噴，真係超方便

講到我最愛嘅一點就係佢嗰種冰涼感。特別係喺戶外活動，出晒汗熱辣辣嗰陣補噴，嘩！嗰種冰涼感真係即時降溫，好似幫皮膚飲咗杯冰水咁，超級舒服！無論係行山、跑步，甚至去沙灘玩，每次補噴都覺得好refreshing，完全唔會覺得焗促

防曬效果方面，我用咗一排，真係覺得皮膚冇變黑冇變暗到，有效抵擋紫外線。而且佢仲有效防水高達80分鐘，無論係水上活動定係大汗淋漓嘅戶外運動都冇問題

仲有仲有，佢唔需要特別卸妝！用普通嘅沐浴乳或者潔面乳就可以輕鬆洗走，真係懶人恩物

總括嚟講，Haruhada呢支防曬噴霧真係完全滿足晒我對防曬嘅所有要求！如果你都想搵支清爽、冰涼又高效嘅防曬，真心覺得值得一試！