Haruhada

冰感耐水防曬噴霧 SPF50+/PA++++

收到@cosme 試用，未接觸過Haruhada 呢個品牌，咁啱開始轉季需要防曬都希望試吓一支新牌子 ，佢呢個噴頭設計舒服，撳實就可以好快咁噴晒全身，冰感係一定有嘅，但係我相信噴任何液體上去都會覺得涼浸浸 ，所以亦唔需要特別強調冰感。一開始就係有少少油係好正常，大概10秒後就變得乾爽，質地輕盈 ，冇顏色亦都可以用喺臉度好方便。但係我覺得佢噴出嚟嘅味有啲臭，有啲似敷肌肉貼嘅薄荷味，所以推薦用喺身體，雖然我試過其實用喺面度都唔會同後續嘅化妝品打交，而且感覺上可能化完妝都可以噴 。 噴霧裝輕身適合出戶外活動補。因為佢標榜可以防水80分鐘，所以我都會好放心帶佢去水上活動，而家天氣有啲凍，所以暫時未有出去玩水，只有帶過佢出去跑步。 最開心係唔使特別用卸妝產品，如果唔係手腳腳都要卸妝就麻煩(*¯︶¯*)大家可以去莎莎度試吓噴先，真係幾乾爽舒服。