LANEIGE

水庫補濕微質酸精華

之前有機會拎到呢款LANEIGE水庫補濕微質酸精華，米白色半透明啫gel狀質地，帶有微微香味。

正值秋冬乾燥季節試用，搽上面可以即使舒緩到潔面後嘅繃緊感覺，feel到水潤感，產品同時含有透明質酸，可以提升皮膚彈性。但滋潤嘅感覺唔算持久，如果天氣乾燥會覺得補濕度唔足夠，需要搭配比較滋潤嘅面霜先可以彌補不足。

呢款精華應該比較適合春夏天使用，搽完冇乜黏笠感，亦可以適度補濕。以精華嚟講價錢唔算好貴，但功效一般，如果著重補濕功效，可能有其他更好嘅選擇。