INNISFREE

速效淨肌修護精華

多謝@Cosme 既試用邀請呢一款Innisfree - 速效抗痘精華 （Retinol Cica Repair Ampoule)。
之前都有用過呢個牌子嘅產品，知道佢嘅產品都比較天然，唔易敏感。從外觀上嚟講呢啲精華細細支，方便存放，每次唧出嚟嘅份量都唔會話太多用唔晒，自己每次用大概唧2-3下就足夠成塊面用喇。

以下係試用嘅感想：
本人係乾性皮膚，轉天氣容易敏感，所以揀護膚品時都會注重佢嘅水潤程度、會唔會敏感同埋易唔易吸收。 呢一支抗痘精華佢嘅質地比較水潤同埋輕薄，我覺得一年四季都適合使用，而佢嘅質地 輕輕係面上推開大概半分鐘內已經會吸收晒 ，唔會話係好黐笠笠嘅精華質地 ， 同埋作為抗痘精華嚟講，佢唔會話係嗰啲刺激皮膚容易起敏感嘅成份，（因為之前都有用過一啲帶有 抗痘既護膚產品 ，但唔知係咪因為入面有酒精或者其他成份，對於我作為乾性皮膚嘅人嚟講會有少少刺痛嘅感覺） ，所以呢一支精華冇以上嘅問題嚟講我覺得係好好既一個地方 。 當然日常護理皮膚嘅程序，除咗精華以外要配合面霜，今次有連同試用邀請嘅Balloon Cream， 一齊使用嘅情況下覺得肌膚有明顯覺得穩定咗同平滑啲，用完呢兩種產品之後再上防曬已經足夠，唔會出現皮膚仲係好乾燥嘅情況 ，可能係因為精華比較清爽啲，然後配合埋面霜比較滋潤，兩者加埋就啱啱好。