Dermacept

5% 純維他命C真皮營養液

❄️冬季護膚不能夠忽略嘅就係眼部護理，因為冬天濕度降低，乾紋容易出現，尤其是係眼部附近嘅細紋！所以冬季一定要好好滋潤雙眼~

我起初買呢樣產品係因為佢主打去黑眼圈，減淡黑色素，不過使用大約一個月，黑眼圈未見明顯減淡。

但令我喜出望外，係佢嘅淡紋同滋潤效果！

呢支產品係油性，所以一泵出嚟會覺得相對油膩，不過佢同眼周附近肌膚好容易結合，打圈按摩五至十個圈，就會完全吸收！吸收完之後，明顯見到眼部附近細紋即時減淡，我使用約一個月，更加覺得眼尾嘅魚尾紋略為減少咗~而且配方唔會令到皮膚容易出油脂粒，減少眼部肌膚負擔☝🏻產品雖然係油性，但係延展性相當高！
☝🏻使用前，眼紋明顯，眼底肌膚相當乾燥，略見白色皮屑 ☝🏻剛剛將產品塗在眼底，會見到一層薄薄的油分☝🏻按摩大約1分鐘，油分完全吸收，眼底肌膚變得滋潤，眼紋雖然仍明顯，但略見減淡。眼底肌膚略見提亮

不過要提提，呢枝產品只係眼部精華，但靠佢都唔夠，後續仲要添加眼霜，鎖住營養。雖然使用過程黑眼圈色素冇乜變化，但係呢支產品嘅滋潤效果已經令到我覺得值得回購！係我冬季護膚步驟中，不二之選！